Miam ashamakanishiht ka itenitakushiht ute Canada

Apishish e uauitakan

Pitama ka nanitu-tshissenitakan tshen eshi-aiatinakaniht Miam ashamakanishiht ka itenitakushiht ute Canada uitshiuepan tshetshi tshissenitakuat mitshet tshekuan ishinakuan tshetshi minu-nanitu-tshissenitakan, miam mate, eshi-animak anite eshi-uauitshiakanitau tshipa ishi-katshitinamuat mak eka e nanitu-tshissenimakushiht anite natukunisha miam natu e ititau anite akushun anitshenat Miam ashamakanishiht ka itenitakushiht ute Canada eshkueka ashamakanishiuit, kie apu minu-nishtuapatakau tan eshi-uauitshiakaniht anite e natushiakan auen anitshenat Miam ashamakanishiht ka itenitakushiht ute Canada kie tan eshi-minakaniht anite Ashamakanashiu-atusseun ute Canada, anite utipenitamunuat.

Miam ashamakanishiht ka itenitakushiht ute Canada apiht uashteshish 200 assia anite eka shuk ka tananut kie katakueshish ka takuaki mashue eshpitashkamikat Canada, aiatit muka uapashtamakn tshi ishpanu anite e tatau. Tshishpeu neni e natushiakan auen , anu ma natu etakushiti auen, apu auanasse tshi ishpan anite aiatit eshpishat ne assi.Takuan passe assi muku peikuau peiku-pishimua e itutet natukunish patush upashtamakan e apatshiat. Eukuanu uet eka tshi auanasse anitshen Miam ashakanashiht ka itenitakushiht uapamatau natu aititau natukunisha tshipa natushikupan anite natu etitau.

Ne Ashamakanashiui-atusseun ute Canada ishinakuanu tshetshi uitshiati neni Miam ashamakanishiht ka itenitakushiht anite e natushiakan miam akushiniti kie ma ushukuitishuniti e ashamakassiu-atusseniti.Eshinakuat eshi-uauitshiakanitau apu nutam katshitinakau anitshen Miam ashamakanishiht ka itenitakushiht ute Canada anite ka tatau anite e natushiakan auen anite Ashamakanashiu-aitusseun ute Canada, mitshetuau ishinakuan tshetshi pushitau anite tekuaki akushiutshuapa upime anite ka tatau. Utaimaikuat kie ma nakaukuat mitshet Miam ashamakanashiht ka itenitakushiht ute Canada tshetshi tshitutetau anite ka tatau kie anite ka uauitshiakaniht tshetshi natushiakanitau akushiutshuapa anite ka takuat pashtautin.

Tshekat nutam e itashiht ka ushtikuanutau ka kukuetshimakanitau issishuepan tshetshi minu-natussisenitakan tan eshi-uauitshiakaniht Miam ashamakanishiht ka itenitakushiht ute Canada miam ishinakuaniti tshetshi eka minupanitau ushtikuanuat anite ka tatau. Eshi-pashkapatamat ninan animanu tshetshi uitshiakanitau kie ma tshetshi natushiakanitau eka minupanitau anite ushktikuanuat, uesh apu eshi-uauitshianiht anite shuniatat apu nanitam ishi-minakaniht anite utinniunuat kie mak anite utatusseunuat anitshenat Miam ashamakanishiht ka itenitakushiht ute Canada.Tshipa ishanikuanu tshetshi uauitshiakanitau uesh ma anite utatusseunuat uapamatamuat ka kushkushiuet tshekuanu eukuanu tshipa ut ishinakuanu tshetshi uitshiakanitau.

Kie nipashkapatenan anitshenat Ashamakanishiht ka itenitakushiht ka kukuetshimakanitau tshekuan mitshetuat eka neshtupatakan utipenitamunuau anite minueniun e natushiakan auen, itenitamuat ne Ashamakanashiu-atusseun ute Canada tshika uauitshikuat. Uitshiakanuat anite Tshiashi-ashamakamakishat eshi-uauitshiakaniti, matuat 89% e itashitau apu tut natuenitakau uuauitshitunuaua, uemut ishinakuanu Miam ashamakanishiht ka itenitakushiht tshetshi nishtuapatakau utiipenitamunuaua miam ishinakuaniti tshetshi ushukuitishutau kiie ma tshetshi akushitau mekuat e ashamakanishiu-atussetau.

Miam ashamakanishiht ka itenitakushiht ute Canada mak anitshenat Patush ka uishamakanihtm shuk shuk ishinakuanu eka uitakau e akushitau kie ma e ushukuitishutau kie ma tshetshi uemut tutakau umashinaikanuaua tshetshi tshissenimakaniht. Mitshet tshekuanu uitamupan uet eka tutakau ka ishinakuanit tshetshi tutakau anitshen Miam ashakanishiht ka itenitakushiht, apu ishpish akuenitenitakuat ka ishi-ushukuitishuian, kie ma shetshishuat tshetshi shanakanitau anite ashamakanishiu-atusseun, anu anite atshinu ashanakanitau usham etshi ushukuitishutau, kie ma kuatakanu tshekuanu. Nanikutini eshinakuat miam ua uitshikushitau nanituapakanu ashimakanishiu-mashinaikan e tapuenanut , nanikuti eukuan eshinakuat eka e uitshiakanitau anite e natushiakaniht miam akushitau kie ma ushukuitishutau.

Ombudsman ka itakan utatusseutshuap minu-tshitapatamupan anite Patush ka uishamakaniht utat peikunue-pupuna, anu ma anite umishta mashinaikan ka ishinikatet Ses soins sous toutes reserves. Un enquête sur le traitement des réservistes blessés, Eshi-uauitshiuenan anite e natushikan auen : Atusseun ka tutakan e nanitu-tshissenitakan eshi-minakaniht anitshenat Patush kauishamakaniht e ushuitishutau, nitshitapatetan eshi-minakanitau e natushiakanitau mak tan eshi-katshitinakau mak kuataka tshekuan ka minakanitau anitshenat iakushitau kie e ushukuitishutau anitshenat Patush ka uishamakaniht. Ne anutshish atusseun e nanitu-tshissenitakan eukuan ushkat ka tutakan anite eshi-aiatinakanitau Miam ashamakanishiht ka itenitakushiht ute Canada, ui uitshiakanuat anitshenat tshishe-utshimau anite Ashimakanishiu-aitun ute eshpitashkamikat mak anite Ashamakanishiu-atusseun ute Canada tshetshi uemut tshetshi kuishk ishi-minati Miam ashamakanishiht ka itenitenitakushiht ute Canada.

Eukuanu ut ne Atusseutshuap neu ishi-natuenitak  tshetshi nashamaniti nenua Ashamakaniu-aituna ute eshpitashkamikat :

Eshi-natuenitakan 1

Ninatuenitenan tshetshi itshenakan eka ka nishtakuat mak eka kushk ka ishinakuat ka tutak aimuna Ashamakanishiu-aitun ute eshpitashkamikat mak Ashamakanishiu-atusseun ute Canada anite eshi-uitshiakanitau patush ka uishamakaniht, tshetshi kie uipat minu-tshissenitakan utipenitamunuaua anite e natushiakan auen umenu tshe shikuak pipun 2019 mishta tshituashun.

Eshi-natuenitakan 2

Ninatuenitenan tshetshi tshishe-utshimau Ashamakanishiu-aitun ute eshpitashkamikat mak Ashamakanishiu-atusseun ute Canada tshetshi nashaki anutshish eshi-uitakan tshekuan e akushinanuti kie e ushukuitishunanuti tsheshi Miam ashamakanishiht ka itenitakushiht ute Canada eka tshitaumuakanisht anite minueniun e natushiakan auen tshetshi uitshiakanitau anite minueniun mak anite shuniatat.

Eshi-natuenitakan 3

Ninatuenitenan tshetshi tshishe-utshimau anite Ashamakanishiu-aitun ute eshpitashkamikat mak Ashamakanishiu-atusseun ute Canasa uemut uitshiati anite minueniun e natushiakan neni Miam ashamakanishiht ka itenitakushiht ute Canada anite eshinakuaniti utipenitamunuaua miam :

3.1 Tshetshi aimiakanitau Miam ashamakanishiht ka itenitakushiht ute Canada tshetshi ui tshissenitakuak tshekuan e natshishkatshet tshetshi katshitinakau e natushiakan auen anite Ashamakanishiu-aitun ute Canada mak tshetshi tshissenitakuanit tshekuanu ua apashtatau anite e natushiakan auen anite Ashamakanishiu-atusseun ute Canada,anite e uauitakan mak anite eshi-inniutau.

3.2 Tshetshi minu-uauitakan mak tshetshi tutakan tshekuan tshipa tshissinuatshishtakanu anite eshi-minakanit e natushiakan auen anite uinuau tshe minu-apashtatau anitenat Miam ashamakanishiht ka itenitakushiht ute Canada.

Eshi-natuenitakan 4

Ninatuenitenan tshetshi tshishe-utshimau Ashamakanashiu-aitun ute eshpitashkamikat mak Ashamakanashiu-atusseun ute Canada utinaki e nishtunakuaniti uemut anitshenat Miam Ashamakanishiht ka itenitakushiht tshetshi minu-nishtutakau eshpitenitakuanit tshetshi uitakau e ushukuitishutau mak tshetshi anu minu-tshissenitakau utipenitamunuaua anite e natushiakan auen mak anite shuniatat, miam :

4.1 Amasser tshetshi uauitamuakanitau utipenitamunuau anite e natushiakan auen mak eshi-minakanitau anite shuniatat anitshenat Miam ashamakaniht ka itenitakushiht ute Canada, tan ui ishinakuaki aimuna eshi-aiminan ui tshe minu-apashtatau, ume tshe takuatshik pipun 2018 mishta tshituashun

4.2 Uemut tshetshi pitepanitakan ume tshissenitamun anite ka tshishkutamuakanitau mak kie ait ka ishi-tshishkutamuakanitau menu-apashtatau ka minakanitau anitshenat Miam ashamakanishiht ka itenitakushiht ute Canada, ume tshe takuatshik pipun 2018 mishta tshituashun.

Apishish e uauitakan anite tshipa tutakan anite Ashamakanashiu-aitun ute eshpishtakamikat mak anite Ashakamakaniu-atusseun ute Canada

Miam ashamakanashiht ka itenitakushiht ute Canada pitepanuat anite eukuan tshipa itenitakushuat miam anitshenat ka taht anite miam nutepanuti ashamakanishiht anite Ashamakanishiu-aitun ute Canasa, eukuannu uet ui ishi-tshitapamakanitau tshetshi tapishkut itutuakanitau anite minueniun kie eshi-katshitinitau anite shuniatat miam neni kuataka ka taht anite miam nutepanuti ashamakanishiht uesh ma peikutau ishinakuanu utatusseunuau, kie peikutau ishinakuanu utipenitamunuaua. Ne atusseutshuap ka ueshi-tshitapatak tepinitamuna tipan ishi-katshitinimunua.

Niminu-tshitapatetan neni anamenitamuna ka kashtukuatau anite utipenitamunuat anite e natushiakanitau mak eshi-katshininikau anite shuniatat ka kashtukuatau anitshenat miam Ashamakanishiht ka itenitakushiht ute Canada; miam mate : anite ka taht, eshi-nishtuapatakan tipenitamuna, eshi-tshitapatakan mekuat anite eshi-nakatuenimakanitau mak anite e uauitakau utakushunuaua mak eshi-ushukuitishutau anitshenat miam Ashamakanishiht ka itenitakushiht ute Canada.

Tshekat kassinu e itashitau miam Ashamakanishiht ka itenitakushiht ute Canada katakueshish teuat anite eka shuk ka tananut kie apu auanisse tshi minu-natushiakan auen natu-itakushiti mak at anite eshpishtashkamikat Canada ka utenut. Ninan nika natuenitenan tshetshi peikutau ishi-tshitapamakanitau miam kuataka ashakamakanisha eshi-tshitapamakaniti anite metshipaniti kie tshetshi eka ishpish tipan tukuanitau usham kuatakueshish tauat anitshenat miam Ashamakanishiht ka itenitakushiht ute Canada. Ishinakuan kie tshetshi uemut natushiakanitau miam ishinakuaniti tshetshi akushitau kie ma ushukuitishutau tshetshi uitshiakanitau anite -Ashamakanishiu-atusseun ute Canada.

Nipassenitenan eka shuk tshessitakau eka e minu-nishtuapataku utipenitamunuaua anite tetshe e natushiakanitau mak eshi-uauitshiakanitau miam natu-titau anitshenat ka taht Ashamakanashiu-atusseun ute Canada eukuanu ueuetanamat tshetshi katshitinitau utipenitamunuaua. Ishinakuannu tshetshi minu-nishtutakau tan eshi-uauitshiakaniht miam ishinakuanit tshetshi natu-titau miam mate iakushutau kie ma ushukuitishutau anite utatusseunuat, nuitenan ute eka eshpish minu-uauitamuakaniht eshi-kanuenitashi

Ume nanitu-tshissenitamun-atusseun ka tutakan uitakanu anite miam Ashamakanishiht ka itenitetakushiht eka tuiesh e uitakanit kie ma eka shaputue natushiakanitau iakushitau apu minu-minakanit utipenitamunuaua anite akushun tetshe kie ushukuitun mak eshi-katshinikan. Anutshish eshpan apu kushk tutakan nan tshipa ishi-minakanipant anitshenat miam Ashamakanishiht ka itenitakushiht ute Canada, miam mate shuniatat anite tshipa apatin mashinaikan tshetshi patshitinikan. Ninan nituenitenan tshetshi minu-tshitapatakan ne eka kushk ka itinan.

Tatuau aimuatak ka tshitapatak ne Atusseutshuap, anitshenat ka ueshitshitapamatau neni Miam Ashamakanishiht ka itenitakushiht uitamupan ua uitshiuet mak ua tutak eshpish tshi tutak tshetshi shushteiekuati neni Miam Ashamakanishiht ka itenitakushiht ute Canada anite ka tipenimakanitau. E tshitapatakan tshe ishi-ueuetinakanitau anitshenat Miam Ashakamakanishiht ka itenitakushiht ute Canada, ne Ashakamakanishiu-atusseun ute Canada tutam shaputue, atusseshtam uesh anitshenat Miam Ashakanishiht ka itenitakushiht apu nanitam kushk ishi-aituakanitau mian anitshenat ashakamakanishiht ka uishamakanitau patush e nutepanitau.

Uitakanu ute mishta mashinaikan tshekuan tshipa tutakanu, miam utin tapuetakan eshi-natuenitakan tshika uitshiku nenu Ashamakaniu-aitun ute eshpitashkamikat mak an Ashamakanashiu-atusseun ute Canada tshetshi kushk tutuakaniti neni anitshenat Miam Ashamakanishiht ka itenitakushiht ute Canada, kie uinuau tshetshi minu-natushiakanitau miam akushitau, mak tshika ui minu-anakanut anite utinniuat.

E pakuenikan 1 — Uet ishinakuak

Anitshenat Miam Ashamakanashiht ka itenitakushit ute Canada eukuate tepenimakaniht¹ anite Ashamakanashiu-atusseun ute Canada kie ishpitenitakushuat anite nutam e tshitapatakan tshe tshishpeuatakan ute Canada.

Eshinakuanit utatusseunua anitshenat Miam Ashamakanishiht ka itenitakushiht ute Canada takuanu utatusseunuau eshinakuanit tshe tutakau, uinuau natapuanitau. Miam Ashakanishiht ka itenitakushiht ute Canada eshiniakuanit utatusseunuau katakueshish itashauakanuat anite eka ka mitshetunan eukuate anite tekuanit atusseunu tshetshi tutakau.²

Miam Ashamakanishiht ka itenitakushiht ute Canada uinuau tshishpeuatamuat eshi-nakatuenitakan Caanada.

• nakatuenitsheuat kie tshishpeuatamuat eshi-nakatuenitakan ute ;
• nanituapatsheuat matshima anite ka taht tshek ishpan tshekuan anite Ashakamakanashiu-atusseun ute Canada;
• Uitamuat tshekuan anite e tutakan kie uitamuat tshek ma ishpan tshekuan.³

Auat anitshenat Miam Ashamakanishiht ka itenitakushiht ute Canada uauitshiueuat anite eshinakuanit utatusseunuat matshima ka taht :

• Uauitshitun anite innitat;
• uenishk takushinuat miam ishinakuaniti tshetshi mishta matshipan;
• takuanu eshinakuanit uuauitshitunau tshetshi nanituapatshetau kie tshetshi ushumuiatau auenua, uauitshieuat ushtikuan anite uttauat, eshi-pakuenikan assi kie ma utenaua;⁴

Miam Ashamakanashiht ka itenitakushiht ute Canada shuk shuk tshishkutamatishuat atusseunuau miam mate anite nipit e pimishkanan, akua tshetshi tutakan passikana, uipat ka natushiakan natu-titi, mak takuana ait eshinakuaniti utatusseunuaua uinuau ka pikutat.⁵

stacked info iconMiam Ashamakanishiht ka itenitakushiht ute Canada tutamuat << tshetshi nanukushitau neni e atusseshtuatau Ashamakanashiu-atusseun ute Canada anite eka ka tananut miam tshiuetin, naneu kie katatakueshish ka takuaniti utenaua ute Canada miam ishinakuaniti tshetshi eka ishpish minu-atusseshtaminiti  kie ma anite shuniatat neni ukupanieshima Ashamakanashiu-atusseun ute Canada. >>
-Eshi-nashakan mak eshi-natuenitakan anite tetshe tshishpeuatun 2020-2, Miam ashamakanishiht ka itenitakushiht ute Canasa.

Sheshikan 5000 itashuat Miam Ashamakanishiht ka itenitakushiht, patetatshishtetishuat anitshenat Miam ashimakanishiht ka itenitakushiht ute Canada, papeikuetihuet anite e tatau assinu tshe nakatuenitakau. Papeikuetishitau anite e itashitau katakueshish tauat anite eka shuk ka tanan. Nutam e tshimakanitau anitshenat tipan itashuat e itashuakanitau tshetshi nakatuenitshetau, 60 1 itashuat anu metshetitau Miam Ashakamakanishiht ka itenitakushiht ute Canada.⁶

Papeiku e tuetishitau anitshenat Miam Ashamakanishiht ka itenitakushiht ute Canada tshitapamakuat ka tipenitamiti, uin tshitapatam anite tshe ishpanit anite tshe aitiniti neni e itashiniti ashamakanisha.  Katshishkutamuatau miam Ashamakanishiht ka itenitakushiht ute Canada uinuau ueshi-tshitapatamueuat Miam Ashakanishiht ka itenitakushiht ute Canada kie uinuau tshishkutamueuat neni Miam Ashamakanashiht ka itenitakushiht mak uinuau itutaieuat anite Ashamakanashiu-atusseun ute Canasa mak anite uashka ka tatau auenitshenat tshetshi auasse tutakau utatusseunuaua. Eshinakuanit utatusseunuau anitshenat katshishkutamatshetau e tshitapamatau Miam Ashamakanishiht ka itenitakushiht ute Canada mishanu, mate anite shuniatat mak kupaniesha tshitapameuat, tshishkutamatsheuat anite passikana mak tshe ishi-tshishkutamatishuniti, tshetshi eka piunakushiniti mak anite tshiam-inniun, e puamitenanuti tshe ishinakutakan mak tshetshi unuipanitatau tan tshe ishi-uitshiakanitau ka auassiuiht anite ka tatau. Anitshenat katshishkutamatshetau anite Miam Ashamakanishiht ka itenitakushiht ishinakuanu tshetshi natshi-uapamatau mak auenitshenat ka taht peikuau kie ma nishuau peiku-pipuna tshetshi ueuetinakau tshe ishi-tshishkutamatshenan mak tshetshi ueshi-tapakakau aiatinan anite e tshishkutamatshenan.  E itashinanut anite ka atusseshiht mak anitshenat Miam Ashamakanishiht ka itenitakushiht eukuan ume1/53 tshipa ishpitenitakuan anite uauiesh ka tatau anitshenat Miam Ashamakanishiht ka itenitakushiht ute Canada. Anu ui tshissenitakan tan eshi-aiatinakaniht anitshenat Miam Ashamakanishiu ka itenitakushiht, kie kuatakat kupanieshat, anite natu-tshissenita ka ashu-ashtakan A.

--Eshinakuat eshi-aiatinakaniht anitshenat Miam Ashamaknishiht ka itenitakushiht ute Canada.

Miam kuataka patush ka uishamakaniht, anitshenat Miam Ashamakanishiht ka itenitakukshiht ute Canada tshipa tshi ishinakuanu tshetshi tipan ishinakuaniti utatusseunuau (ka itapiht «A»,« B», «C» ⁷) miam e tshi tapuetakaniti tshetshi ishi-tshishkutamuakanitau kie ma tshetshi minakanitau atusseunu,⁸ Takuana kuataka ui anu tshissenitakan anite eshinakuaki tshe ishi-uauitshiuetau anite itute Atusseuakana mak eshi-atusseshtakaniti anite Miam Ashamakanishiht ka itenitakushiht ute Canada.

Mitshet Miam Ashamakanishiht ka itenitakushiht apuat mak atusseuat anite tekuaki innu-assia. Mamitshetuit ishi-aimuat Miam ashamakanishiht ka itenitakushiht ute Canada, 26 aimuna tshi  aimuatamuat, tshekat kassinu innu-aimuna.⁹ Mishta apatin tshetshi tshissenitakan e ishpitenitakushitau tshishenuat anite innu-assia anite ka apitau mak ka atussetau Miam Ashamakanishiht ka itenitakushiht ute Canada. Tatipan ishi-utinakanuat tshishenuat anite innu-assia,¹⁰ tshekat kassinu e itashitau uinuau « nakatuenitamuat tshekuan tshe tshishtimauenitakan, tshekuan tshe nakatuenitakan mak tshekuan tshe tshishkutamatshenan anite tshiashi-aituna».¹¹ Uinuau tshishenuat tshissinuapamakanuat, uinuau tipatshimuat, uinuau tshissenitamuat tshekuan akua tshe tutakan mak uinuau katshessimuat, nikan anakanuat mashue innu-assia, kie anite Mashinnit mak anite Kaiassimet.¹² Apu ishi-uapamakan tshishenu anite tetshe e itatipipuneshit, nenu tshitapatakanu eshpitenitakushit anite innu-assit, utshissenitamun ka patshitinak, uinuau ushkat patshitinimuat aimunu anite utinnu-assiuat.¹³

Anu tshissenitakaniti, anite shatshuapata e ashu-ashtakan e uauinakanitau Kupanieshat anite miam ashamakanishiht ka itenitakushiht mak auassiu-ashamakanashiht ka itenitakushiht (Ashu-ashtakanu B),

stacked info iconAnitshenat Miam Ashamakanishiht ka itenitakushiht ute Canada tipanishiuat mak kuataka anite ka taniti Ashamakanishiu-atusseun ute Canada.Apu peikutau ishinakuanit utatusseunuau mak at tshiam Ashamakanishit kie ma patush ka uishamakaniht, Miam Ashamakanishiht ka itenitakushiht apu kassinu atusseunu tutakau miam eshi-natuetamuakaniti kuataka, miam mate tshe ishi-nashakan natapuaniu-atusseun anite e shutshenitakushitau.

Uinuau kie anitshenat Miam Ashamakanishiht ka itenitakushiht ute Canada tshimaneuat utshimamuau kie upitu-utshimamuau eshakam-pipuna, apu ishi-pimutetau miam Ashamakanishiu-atusseun ute Canada.

Tan ui itati-pipuneshitau uinuau tshissenitamuat tan tshe ishpish punitau e atussetau,mashu minueniutau tshetshi atusseuat.

- Eshii-natuenitakan mak eshi-nashakan anite shuniatat Ashamakanishit tshishpeuatun 5002-1, Ua ashamakanishiunan: E naushunakan tshekuan anite ka ishi-tipashinataikan mak Eshi-natuenitakan mak eshi-nashakan shuniatat ashamakanishit tshishpeuatun, ne essishuenan nutam eshipitashkamikat ashamakanashiu-aitun anite tauan DOAD 5023-1 « ka ishinakuat apishish tshetshi pikutat auen, kie tshetshi tapuetaki « ashamakanashiuti pitama », e issishuemakak ishinakuanu ashamakanishiht tshetshi ashamakanashiu-atussetau kie tshetshi atusseshtakau aitusseuna anite tshishpeuatun mak e nakatuenitakan mak atusseunu ka ishi-pikutat kie ma uitshi-atussematau kuataka ashamakanisha. Ishinakuanu ashamakanishiht tshetshi minueniutau, eka tshishpikashkutau tshetshi atussetau tan ui ishinakuat atusseun netuenitamuakaniht. » 
- Ashamakanishit ute Canada, eshinakuat anite Miam ashakamakanishiht ka itenitakushiht ute Canada: mamu ka nakatuenitshetau, Ka pishishtakan ute eshpitashkamikat anite Miam ashamakanishiht ka itenitakushiht ute Canada; http://www.army-armee.forces.gc.ca/fr/rangers-canadiens/organisation-patrouille.page
- Anite mishkakanua kukuetshitshemuna Ashamakanishit ute Canada. http://www.army-armee.forces.gc.ca/fr/rangers-canadiens/foire-aux-questions.page

---

1. Ordonnances et règlements royaux applicables aux Forces canadiennes, volume 1, chapitre 2.034(d).
2. La directive pour la sélection d’un sous-élément pour l’enrôlement dans les Rangers canadiens demande de « bien connaître le milieu, les industries, le territoire, le climat et les autres particularités de leur région » et « posséder des compétences qui, de l'avis du commandant du Groupe de patrouille des Rangers canadiens, sont utiles pour accomplir des tâches dans leur région », Directives et ordonnances administratives de la Défense 5002-1, Enrôlement : sélection d'un élément ou sous-élément constitutif.
3. Rangers canadiens, Armée canadienne. http://www.army-armee.forces.gc.ca/fr/rangers-canadiens/index.page
4. 3e Groupe de patrouilles des Rangers canadiens. http://www.army-armee.forces.gc.ca/fr/3-gprc/index.page
5. Patrouilles des Rangers canadiens, Armée canadienne. http://www.army-armee.forces.gc.ca/fr/1-gprc/patrouille.page
6. 1er Groupe de patrouilles de Rangers canadiens — Exposé de l’unité présenté à l’Ombudsman du MDN et des FAC, avril 2016.
7. Ordonnances et règlements royaux applicables aux Forces canadiennes, volume 1, chapitre 9, section 3 – Types de service. « Un militaire de la force de réserve servant dans le cadre d’une opération approuvée par le chef d’état-major de la défense ou d’une opération dont le genre est approuvé par celui-ci aux termes du sous-alinéa 9.08 (1)(b) (Service de réserve de classe « C ») est réputé être en service à plein temps ». Conformément au chef des réserves, les Rangers qui sont en service sont « réputés être en service à temps plein » et sont intégrés sur une période de service de classe « C ».
8. Ordre d’opérations permanent pour les opérations nationales 3000-1, Emploi de la Force de réserve par sous-élément constitutif (j).
9. Rangers canadiens, Armée canadienne. http://www.army-armee.forces.gc.ca/fr/rangers-canadiens/index.page
10. Conseil des aînés, Affaires autochtones et du Nord Canada. https://www.aadnc-aandc.gc.ca/fra/1100100013748/1100100013749
11. Conseil des aînés, Affaires autochtones et du Nord Canada. https://www.aadnc-aandc.gc.ca/fra/1100100013748/1100100013749
12. Conseil des aînés, Affaires autochtones et du Nord Canada. https://www.aadnc-aandc.gc.ca/fra/1100100013748/1100100013749
13. Conseil des aînés, Affaires autochtones et du Nord Canada. https://www.aadnc-aandc.gc.ca/fra/1100100013748/1100100013749

E pakuenikan II — Eshi-tshitshipan

Nutam eshpitashkamikat ute assit apatenitakanu ¹⁴ Arctique ka inan assi anite nanitam ka piput, tshika mashituepanu utusseunuau anite e nakatuenitshenan tshiuetin tetshe Canada. >Ka tutakan mashinaikan nana pipun 2015 mishta tshituashun anite tshishe utshimatat Ashamakanashiu aitun ute eshpitashkamit uitam tshetshi kau minu-nakatuenitakan mak tshetshi minu-kanuenitshenan ute tshitassinat mak anu tshetshi mitshetitau anitshenat Miam  nete Arctique Ashamakanishiht ka itenitakushiht ute Canada, ¹⁵ Mishta ishpitenitakuanu tshekuanu e tutakau anitshenat Miam Ashamakanishiht ka itenitakushiht ute Canada anite tshishe-utshimatat e tshishpeuatakan Canada, minu-uitakanu anite mashinaikan ka tutakan pipuna 2017-2018 anite tetshe tshishe-utshimatat Ashakanashiu-aitun ute eshpitashkamikat, uitakanu Miam Ashamakanishiht ka itenitakushiht ute Canada « uinuau tshika nakatuenitsheuat tshe ishi-nakatuenitakan tshiuetin-assit tetshe », ¹⁶ Eshinakuat anite tshishpeuashun nana pipun 2017 mishta tshituashun, uitakanu anite « tshetshi anu minuati mak anu tshetshi nanukushiti Ashakamanashiu-atusseun ute Canada nete Arctique ka inan tshishe-tshiuetin mak tshetshi tutakan atusseun eka tshe kushtakuat. »¹⁷

Utat nana peikunue-pipuna,¹⁸ Atusseutshuap shaputuepanipan anite ka ishi-nupan anite e aiatuakanitau, anite shuniatat ka ishi-minakaniht kupanieshat ka akushitau kie ma ka ushukuitishutau anite patush ka uishamakanitau. Miam kaui ishi-nashakan takuakut nana pipun 2017 mishta tshituashun,ne Ombusman ka itakan anite Ashamakanashiu-aitun ute eshpitashkamikat mak Ashamakanashiu-atusseun ute Canada,uitamupan tshe tutak atusseunu e nanitu-tshissenitakan tan eshi-pimutetau anitshenat Miam Ashamakanishiht ka itenitakushiht ute Canada, tshika tshitapatam anite tetshe eshi-minat e natushiakaniti anite Ashamakanashiiu-atusseun ute Canada. Enush eshinakuat Atusseutshuapit e tutakan atusseun tshetshi nanitu-tshissenitakan anite Miam Ashamakanishiht ka itenitakushiht ute Canada.

Ne Atusseutshuap tutamupan pitama nanitu-tshissenitamunu eshi-tshitapamakanitau Miam Ashamakanishiht ka itenitakushiht ute Canada, ekue tshi tshissenitak tekuaniti tshekuana eka menupaniti katshi minu-nanitu-tshissenitak, miam mate, anite e anamipan eshinakuanit utipenitamunuau, mashinaikan e patshitinikan tshetshi natushiakanitau Miam Ashamakanishiht ka itenitakushiht ute Canada eshkueka ui ashamakanishiutau,¹⁹ mak apu minu-nishtuapatakanu utipenitamunuaua miam anite tetshe eshi-minakaniht e natushiakanitau mak eshi-katshitinikau e pitupanitau anite Ashamakanishiu-atusseun ute Canada.

Patush ne Atusseutshuap ekue nanituapatak tanite uetshipaniti neni nikan tshipa ishinakuanua utipenitamunuaua anite e natushiakanitau mak anite shuniatat Miam Ashamakanishiht ka itenitakushiht.

• Tan eshpanit mak tan eshi-shaputuepanunit anite natushiakanitau (uuiuat mak ushtikuanuat) Miam ashamakanishiht ka itenitakushiht ute Canada;
• Uipat tshetshi uitakan tan e aiatutuakaniht
• Uipat tshetshi uitakan mak tshetshi shaputuepananuti akushun mak ushukuitishun tekuat
• Kuataka eshpaniti tshekuan e apatak.

Ume Atusseutshuap apu tut minu-tshitapatak tan eshpan :

• Eshi-minu-patshitinikaniti anite natushiun eka ka patshitinikau Ashamakanishiu-atusseun ute Canada;
• kukuetshitshemun anite shuniatat;
• tshekuan iapatak tshetshi ashamakanashiunanuti Miam ashamakanishiht ka itenitakushiht ute Canada;
• Tipenitamuna anite e natushiakan uikanishuaua Miam ashamakanishiht ka itenitakushiht ute Canada.

Nana shiship-pishimua utshimau Ashimakanashiu-atusseun natuenitamupan tshetshi minu-tshitapatakan tan eshi-aiatinakanitau mak eshi-tshitapamakanitau Miam ashamakanishiht ka itenitakushiht ute Canada tshetshi tapuetakan menuat mak minekash tshe ishinakuat. Ne ka minu-tshitapatakan neuit ititina tshekuana : tshe ishi-ueuetinakan mak tshishe-utshimau aitun, anite e tipenitakan, eshi-kanuenitashunan. Apu tut minu-tshitapatamat tshekuan ka uauitakan anite atusseunu ka tutak ka tipenitak anite Ashamakanashit ute Canada anite Miam ashamakanashiht ka itenitakushiht, ne Atusseutshuap peikuan nasham tan eshi-minu-shaputuepanit mak unuipanitau eshpanit mashinaikanu Tan eshi-minu-shaputuepan anite e aiatinakanitau Miam ashamakanishiht ka itenitakushiht ute Canada, uin tutamupan Ashamakanishit ute Canada.

Takuan mashinaikan anu ui tshissenitakan anite uiauitakan kassinu ka nanitu-tshissenitakan mak tshekuenitshenat  ka patshitinikau utaimunuaua, ute tshitapata Ka ashu-ashtakan C – Tan ka ishinakuat atusseun ka tutak

stacked info iconKassinu e itishitan patush ka uishamakaniht auat Miam ashamakanishiht ka itenitakushiht ute Canada, ishinakuanu tshetshi tutakau atusseunu at eka atussetau mekuat, miam tshetshi uashkamitatau uteiunuaua mak utaitapashtanaua, pimipanitakan aimun mak aieshkupitau tshetshi tshishkutamuakanitau kie ma tshekuan patush tshekuan tshe tutakan mak tshetshi aieshkupitau ishinakuanit tshetshi uishamakanitau. Ishinakuanu kie Miam ashakamakanishiht ka itenitakushiht ute Canada tshetshi mashinataikan mak tshetshi uitakau miam pashkapatakau eshpinit tshekuan mak tshetshi mashinataikau kassinu eshi-pashkapatakau anite tetshe ashamakanishit aitun mekuat e atussetau. Peikuan ishinakuanu tshetshi ishi-nakatuenitakau Miam ashamakanishiht ka itenitakushiht ute Canada, apu ne ishi-utinakan miam utin tipenitamun anite e natushiakan kie ma e tshishikashinan.  

---

14. Stratégie pour le nord du Canada – Exercer notre souveraineté dans l'Arctique. http://www.northernstrategy.gc.ca/sov/index-fra.asp
15. Lettre de mandat du ministère de la Défense nationale. http://pm.gc.ca/fra/lettre-de-mandat-du-ministre-de-la-defense-nationale 
16. Plan ministériel 2017­-2018, Défense nationale, Résultats prévus, Programme 1.0 : Opérations de soutien et de combat de la Défense.
17. La politique de défense du Canada, page 80.
18. Depuis Des soins sous toutes réserves : une enquête sur le traitement des réservistes blessés, décembre 2008.
19. C’est parce que les Rangers canadiens sont exemptés de satisfaire aux normes opérationnelles minimales quant à l'universalité du service, notamment en ce qui concerne la norme opérationnelle relative à la condition physique. 

E pakuenikanIII — Eshi-pashkapatakaniti

Tshe ui tutakan atusseun mak tshe ishi-aiatinakan

Eshi-pashkapatakan : Eshinakuanit utepitamunuau e natushiakanitau Miam ashamakanishiht ka itenitakushiht ute Canada peikutau ishinakuanu miam anitshenat anite ka tatau Ushkat patush ka uishamakaniht kupanieshat.

Miam anitshenat patush ka uishamakaniht, utipenitamunuau anite e natushiakanitau mak anite shuniatat Miam ashamakanashiht ka itenitakushiht anite tshitapatakanu eshinakuanit utaitunuaua mak anite tshitapatakanu e akushitau kie ma e ushukuitishutau anite e ashakamakanishiu-atussetau peikuan eka ashamakanashiu-atussetau. <Tshitapatakanu pitama tan e itapit  Miam ashamakanishiht ka itenitakushiht ute Canada tshekuanu ka tutak e atusseti (E itapit <A>, <B>, kie ma <C>) eukuate uet tshi tshissenitakanit utipenitamunuau anite e natushiakanitau mak anite shuniatat. ²⁰

Nana pipun 2009 mishta tshituashun, ashakanashiu-natukunish anite Ashamakanashiu-atusseun ute Canada uitamupan tshekuan tshe tutakan tshetshi minu-nishtutaminiti ka atusseshiht ka atussetau anite e natushiakanitau anitshenat patush ka uishamakaniht tshimatakanipan uenipassish Tshe ishi-nashakan tshekuanu tshe minankanitau kupanieshat anite ka tatau Ashamakanashit patush ka uishamakaniht. ²¹ Mush eshinakuat, tshek ma ishinakuaniti patush ka uishamakan tshetshi akushiti kie ma tshetshi ushukuitishuti anite tat e itapit <A> kie ma uenipassish atusseti anite e itapit <B> ( ne ua issishuenan natu-titi e ashamakanishiu-atusset), tshika uauitshianu eshpish uitshiakan nenua Kupanieshat anite minueniun anite Ashamakanishit  ute Canada nuash e tshi itashauakan anite tshiam natukunish mauat anite ashamakanishit. ²² Ne uenipassish ka tshimatakan Tshe ishi-nashakan tshekuan issishueu anitshenat ka minakanitau tshetshi atussetau uenipassish (>180 tshishikua)²³ anu minuanu tshetshi natushiakanitau anite natukunish eka ka tat ashamakanishit>.²⁴ Eku anitshenat kupanieshat patush ka uishamakaniht anite e itapit <B> minekash ka minakanitau atusseunu (>180 tshishikua),²⁵ mak anitshenat anite e itapit <C>, miam kuatak ashamakanish tshika ishi-pimipaniakan.²⁶

Eshi-natuenitakan mak tshekuan tshe nashakan anite e apashtak Ashamakanishit ute Canada 34 e pakuenikan, <Uauitshitun anite minueniun>, eukuan ushkat mashinaikan anite e uauitakan tshetshi ma tapuetuanakuen patush ka uishamakaniht tshetshi natushikanitau.²⁷ E minu-tshitapatakan ne Atusseutshuap pashkapatamupan, tshekuan e anite  Eshi-natuenitakan mak tshekuan tshe nashakan anite Ashamakanishit ute Canada anite tipenitamuna e natushiakan auen apu tshikanakuat mak apu minu-nishtutakuat <tipan ishi-nishtakanu kie tan eshi-natuenitakan>.²⁸ Eshku kashikat apu tshinakuat kie apu minu-nishtutakuat, tshika ishinakuan tshetshi minu-ueuetinakan.

Miam ashamakanishiht ka itenitakushiht ka kukuetshimakaniht anite ka nanitu-tshissenitakan uitamupan tanite e itutetau miam eshinakuanit tshetshi ushukuitishutau e ashamakanishiu-atussetau at shuk e taniti ashamakanashiu-natukunisha anite Ashamakanishiu-atusseun ute Canada, anite ushkat natushiakanipan anite matshima ka tatau, tshiam natukunisha uapamepan kie eukuanua shaputue natushikupan. Kuatakat Miam ashamakanishiht ka itenitakushiht ute Canada uitamupan anite e itutetau anite natukunitshuap ka takuat anite ka tatau miam natu ishpanitau e akushitau kie ma e ushukuitishutau eka e kushtakuat, miam ishinakuat tshetshi mishta akushitau kie ma mishta ushukuitishutau tshipa ishinakuanu tshetshi itutetau mishta utenat pessish ka takuat anite e tatau.

Mishta mashinaikan ka tutakan anite Atusseutshuapit anite ka tshitapatakan minueniun akua tutam : takuan ka nanitu-tshissenitakan tan e tutuakanitau anitshenat patush ka uishamakaniht pashkapatamupan ashamakanish anite ka tshitapamakan Ushkat patush ka uishamakaniht ushukuitishupan eka e ashamakaniu-atusset peikuan ishi-natushiakanipan miam tshiam ashamakanish anite Ashamakanishiu-atusseun ute Canada kie peikutau anite shuniatat. Anite mishta mashinaikan, nipashkapatetan anitshenat kupanieshat anite Ushkat patush ka uishamakaniht kie uinuau eukuan eshi-pimutetau miam kuatak ashamakanish, takuanu utipenitamun e natushiakan anite Ashamakanashiu-atusseun ute Canada miam ushukuitishuti eka e ashamakanashiu-atusset.Ueshamikat <ashuapatakau tshetshi ishi-pimutetau miam 28anite Ashamakanashit mak tshetshi peikutau ititau.>,²⁹  ishinakuanu tshetshi minuenitamuietau anite eshinakuat mashue atusseun ka tutakan anite ashamakanishiu-atusseun assit eshpitashkamikat.Eku anitshen uinuau Miam ashamakanishiht ka itenitakushiht ute Canada apu shitshimakanitau tshetshi ishi-atussetau miam ashamakanish mashue assi eshpitashkamikat, nipashkapatetan miam e atussetau, Miam ashamakanishiht ka itenitakushiht e ushukuitishutau anite utatusseunuat kie e atussetau anite eshi-pikutatau, eka tapuetuakanitau pitama anite ka tipenitakan apu tshipatshi natushiakanuat anite ashakamanashit kie anite shuniatat eshi-patshitinikan anite Ashamakanashiu-atusseun ute Canada.

Anu ui tshissenitakan eshi-uauitakan, anite nanitu-tshissenitameku Eshi-natushiakanitau Miam ashamakanishiht ka itenitakushiht ute Canada.

Eshi-pashkapatakan : Takuan eka e nishtutakuat mak e unapaniuet papashit anite utshimatat, eshi-natuenitakan mak eshi-nashakan anite utipenitamunuat mak e tshi minakaniht tshetshi natushiakanitau mak anite shuniatat Miam ashamakanishiht ka itenitakushiht,

Tshekat utat peikunue-pipuna, ne Atusseutshuap pashkapatamupan tshekuanu anite e natushiakanitau anitshenat patush ka uishamakaniht, <anamapanu anite tshetshi nishtutakaniti eshi-pimipanit utipentamunuaua anitshen patush ka uishakamakanisht e natushiakanitau anite ut Ashakamakanishiu-atusseun ute Canada>.³⁰ Eshku kashikat apu minu-nishtutakuat anite tshishe-utshimatat, eshi-natuenitakan mak tshekuan tshe nashakan e tshitapatakanit utipenitamunuaua e natushiakaniht mak shuniatat ka kashtukuat anite ka taht Ashamakanishiht patush ka uishamakaniht. Apu nanitam tshikanakuat tshetshi tshissenitakan auenitshenat eka tshitshe ka ashamakanashiuiht anite ka tshitapamakanitau Ashamakanashiht patush ka uishamakanihtm peikuan anitshenat Miam ashamakanishiht ka itenitakushiht ute Canada, pitutepaniakanuat kie ma apu pitutepaniakanitau anite e itashtet mashinaikanit.³¹ Tshipa tshi ishinakuan usham eka nishtutakuat mak e unapaniuet tshetshi shashikat nishtutakan mak tshetshi unapanuti anite tshishe utshimat, eshi-natuenitakan mak eshi-nashakan anite Miam ashamakanashiht ka itenitenitakushiht ute Canada.

stacked info iconMiam ashamakanish ka itenitetashit ishinakuanit tshetshi ushukuitishuti kie akushiti mekuat eka e ashamakaniu-atusset apu tshikut natushiakan kie apu katshitinak shunianu miam anite Ashamakanishit ute Canada anite tshitapatakanu e itapit utatusseun. Peikutau eshi-pimipaniakaniht anitshenat Patush ka uishamakaniht eka e ashamakanashiu-atussetau. Miam ashamakanish ka itenitakushit ishinakuaniti tshetshi ushukuitishuti mekuat e nakatuenitshet kie ma uitak eshpanit tshekuanu kie ma mitishenitak tshekuanu eshpanit tshipa tshi ishinakuanu tshetshi natushiakan patush ut tshi itakan tshetshi tutak ashamakanashiu atusseunu kie ma Pitu-tshishe-utshimau Tshishpeuatun anite eshpitashkamikat tshipa ishinakuanu tshetshi uitak katshi natuenitamuakan tshetshi itutet anite ka itashuakan kie ma ut tshi natuenitamuakan tshetshi tutak ashamakanashiu-atusseunu.
- Eshi-natuenitakan mak shitshimatuna ka nashakaniti ute Canada ka utshitau auenitshenat, e pakuenikan 34. Utipenitamun nepinanuti anite Ashamakanishiu-aitun apu kashtukuat miam ashamakanishit ka itenitakushit nipati eka e ashamakanishiu-atusset.
- Eshi-natuenitakan mak eshi-nashakan anite shuniatat shamakanishiu-tshishpeuatun 2020-2, Miam ashamakanishiht ka itenitakushiht ute Canada : mamu kanakatuenitshetau, Aiatinanut eka pashek ka tutakan. Ashit eshinakuat tepitamun anite nipun Ashamakanishi-aitun apu kashtukuat Miam ashamakanishit ka itenitakushit miam ishinakunit tshetshi eka ashamakanishiu-atusseti.Tshipa katshitinam peikuan Miam ashamakanishit ka itenitakushit eka ashamakanishiu-atusseti. Mekuat ka nanitu-tshissenitakan, passe Miam ashakanishiht ka itenitenitakushiht uitamupan apu tut ashamakanishiu-atussetau kie apu tut ashamakanishiu-tshishikuanitau, neni atussena ka tutakau mush shuniata atusseshtamupan kie apu tut uitakau tshetshi ut ushukuitishutau usham anite ka ishi-atussetau.At shuk eka ut tshiuitamuakaniti ne Atusseutshuap katshi ushukuitishunan usham etshi nakatuenitshenan kie pashkapatakaniti tshekuan e mitutishenitakaniti  eshpan tshekuan, tshipa ishinakuanu Miam ashamakanish ka itenitakushit tshetshi eka katshitinaki anite e natushiakan auen kie eshi-minakan auen natu e ititi anite ut Ashamakanishiiu-atusseun ute Canada usham e tshi atusseshtak ashamakanishiu-atusseuna e miam e ashamakanishiu-itenitakushiti ute Canada.
- Ka pishishtakan takuan eshipish tshi tutakan Takueikan e natuenitakan kau auen ka uishamakn mak eshi-tshishikuaniht ashamakanishiht mak tshiashi-ashamakanishiht anite Ashamakanishiu-atusseun ute Canada, nashatunana 70-71.

Mate, anite Eshi-nashakan ka tshimatakan uenipassish anite e uauitakan shuniatat e natushiakan auen ka atusset anite Ashamakanishit patush ka uishamakaniht anite natukunishit,³² mishkakanu anite Ashamakanishit ushkat patush ka uishamakaniht mak patush ka uishamakaniht ka itapiht <B>. Ne mashinaikan uauitakanu anite tshe ishi-aitutakan anite shuniata e natushiakan auen e nishtuit tshika ishi-uitshiuenanu, apu minu-uitakan tshetshi ma pitepanakuen anitshen kupanieshat Ushkat patush ka uishamakaniht kie ma anitshenat miam ashamakanishit ka ishi-pimutetau anite Ashamakanishiu-aitun.

Eshi-natuenitakan 1 :

Ninatuenitamuanan kau ne Pitu-tshishe-utshimau Ashakamakaniu-aitun ute eshpitashkamikat mak Ashamakaniu-atusseun ute Canada tshetshi itshenaki eka ka nishtutakuanit mak ka unapaniuenit anite eshi-uauitakanit tshipa ishi-aiatutuakanuat anitshenat Patush ka uishamakaniht, tshetshi minu-uitakanit utipenitamunuau anite e natushiakanitau, uipat kie ma shikuaki pipun 2019 mishta tshituashun.

---

20. Ordonnances et règlements royaux applicables aux Forces canadiennes, volume 1, chapitre 9, Service de réserve.
21. Instruction du Groupe des services de santé des Forces canadiennes 4090-02, Directive provisoire relative à la prestation de soins de santé au personnel de la Force de réserve.
22. Lettre du vice-chef d’état-major de la défense, « Accès aux soins médicaux – Guide à l’intention des membres de la Force de réserve », 2 novembre 2011.
23. La ligne de partage du service de réserve de classe « B » à 180 jours est un seuil récurrent pour les avantages des réservistes en service de classe « B ». La Loi prévoyant l’indemnisation des militaires ayant subi des blessures pendant leur service l’énonce de cette façon : « plus de cent quatre-vingts jours » et « pour au plus cent quatre-vingts jours ». Par contre, les politiques et les règlements des Forces armées canadiennes divergent. Certains font état de « plus de 180 jours » et « jusqu’à 180 jours », sans faire mention des durées de service de 180 jours exactement. D’autres politiques et règlements ne disent rien sur la durée des périodes de service de classe « B ».
24. Directive provisoire relative à la prestation de soins de santé au personnel de la Force de réserve, 4090-02. La lettre du vice-chef d’état-major de la défense, « Accès aux soins médicaux – Guide à l’intention des membres de la Force de réserve », 2 novembre 2011 ajoute que « Tout le personnel des FC qui est blessé ou malade en raison du service sera pris en charge par le Gp Svc S FC jusqu’au moment où le membre n’a plus besoin des soins ou il a été transféré avec succès à un autre système de soins de santé. Tout militaire des FC qui se présente à une clinique sera évalué de façon à lui fournir les soins de santé immédiats nécessaires. »
25. La ligne de partage du service de réserve de classe « B » à 180 jours est un seuil récurrent pour les avantages des réservistes en service de classe « B ». La Loi prévoyant l’indemnisation des militaires ayant subi des blessures pendant leur service l’énonce de cette façon : « plus de cent quatre-vingts jours » et « pour au plus cent quatre-vingts jours ». Par contre, les politiques et les règlements des Forces armées canadiennes divergent. Certains font état de « plus de 180 jours » et « jusqu’à 180 jours », sans faire mention des durées de service de 180 jours exactement. D’autres politiques et règlements ne disent rien sur la durée des périodes de service de classe « B ».
26. Directive provisoire relative à la prestation de soins de santé au personnel de la Force de réserve, 4090-02.
27. Cette politique concerne les droits de chaque membre de la Force de réserve.
28. Soldats à temps partiel, blessures à temps plein : une étude systémique de la Première réserve du Canada et des traumatismes liés au stress opérationnel, mai 2016.
29. Des soins sous toutes réserves : Une enquête sur le traitement des réservistes blessés, Rapport spécial au ministre de la Défense nationale, avril 2008, page 39.
30. Des soins sous toutes réserves : Une enquête sur le traitement des réservistes blessés, avril 2008.
31. Ces documents font référence aux « réservistes » ou aux « membres de la Première réserve » ou aux types spécifiques de service à l’intérieur du même document. Il n’est pas toujours évident de savoir si un sous-élément en particulier de la Force de réserve, comme les Rangers canadiens, a intentionnellement été exclus de la politique ou directive, ou si les termes sont utilisés de manière interchangeable.
32. Directive provisoire relative à la prestation de soins de santé au personnel de la Force de réserve, 4090-02.

E pakuenikanIII — Eshi-pashkapatakaniti

Tipapeikanu mak tshitapatakanu uminueniunuau (uuiauat mak ushtikuanuat) Miam ashamakanishiht ka itenitakushiht

Eshi-pashkapatakan : Anite ka ushtikuananut mak utshimau ka tshitapamat neni kupaniesha e atusseti nakatuenitam tshetshi ma minueniunakueni Miam ashamakanishiht ka itenitakushiht ute Canada, apu natuenitamuakan tshetshi ishi-nakatuenimati, apu uitakanit tshetshi minueniukueni, apu natuetakanit tshetshi tshitshue nakatuenimakanitau.

Eshi-natuenitakan mak eshi-nashakan anite Ashamakanashiu-tshishpeuatun 5002-1, « E ashamakanishiutau» katshi pitepanitau ashamakanishit Miam ashamakanishiht ka itenitakushiht ute Canada ishinakuanu tshetshi minueniutau uuiuat mak ushtikuanuat tshetshi tutakau utatusseunuau ka minakanitau, apu shitshimakanitau tshetshi natshi-uapamatau natukunisha.³³ Katshe pitepanitau ashamakanishit, ne Ka ishi-natuenitak mak ka ishi-nashakan anite Ashamakanashiu-tshishpeuashun 2020-2, « Miam ashamakanishiht ka itenitakushiht ute Canada » , itenitam tshipa ishinakuanu Miam ashamakanishiht ka itenitakushiht ute Canada tshetshi minueniutau ui shaputue tutakau utatusseunuaua ka natuenitamuakaniht.³⁴ E tipaikan <tshetshi minueniutau auasse tutakau utatusseunuaua tan ua ishpan tshekuan.

Ua ashamakanishiunan :

At shuk minueniunanuti apu tipaikan, apu nakatuenitakan anite ka tshitapamakuat, papeiku e itishitau ka tshitapamat takuanu e tutak tipaikanu tshetshi tshissenimati tshetshi minueniuniti eshkueka pitepaniat ashamakanishit,³⁵  Ne Atusseutshuap pashkapatam eshi-tipaikanit anite uminueniunuat, teuat auenitshenat e patshitinikau aimunu, auat anitshenat Miam ashamakanishiht ka itenitakushiht ute Canada, utshimaua ka tshitapamakuatau ma, nanikutini innu-tshishe-utshimatat, ne kausseieuat kie auenitshenat ka taht anite innu-assia.

Katshi pitepaniakanitau ashamakanashit :

Nakatuenitakanu uminueniunuau mak eshpanitau Miam ashamakanashiht ka itenitakushiht ute Canada tshetshi ashmate kushtikuanit anite mamu e atussetau mak akua tutuakanitau anite mamu e tatau. Utshimau uin naushuneu Miam ashamakanishiht ka itenitakushiht ute Canada tshetshi tutaminiti eshi-natuenitamuat atusseunu tatipan ka ishinakuaki, auat tshetshi tipatshipatakau kie tshetshi nishtuapatak eshi-natuenitamuakanitau, natuenitamueu eshi-takuaki atusseuakanaa, auanasse tshetshi aimitau eshi-aiminan anite e tatau mak tan ka ishi-pikutat utat. Tshek ishinakuaki tshetshi itenimakan Miam ashamakanishit ka itenitakushit kushtakushiu tshetshi matshipaniti anite mamu ka tatau usham akushu, ushukuitishu kie ma apu ishpish minueniut, ne Miam ashamakanishit ka itenitakushit ait itashauakanu tshetshi tutak atusseunu peikuan tshe uitshiaushit. Tshissenitam ka tipenitak tipanishiuniti Miam ashamakanishiht ka itenitakushiht ute Canada kie ait tipan ishi-minakanuat atusseunu tshe tutakau. Tshek ishinakuaki, anitshen ka utshimauat uinuau utinamuat tshetshi shaputue peikuan tutaminiti atusseun, tapuetueuat neni utshimaua mak neni ka tshishkutamatsheniti uinuau tshetshi minatau aimunu neni Miam ashamakanishiht ka itenitakushiht ute Canada anite atusseun.

Teuat passe etenitakau tshipa ishinakuanu kie tshipa minuau tshetshi kanuenitakau natukunishiu-mashinaikan, kushpanenitakanu tshetshi shitshimakanitau tshetshi eka akushitau kie minueniutau. Teuat auenitshenat ka uitakau tshekuanu ma Miam ashamakanishiht ka itenitakushiht apu ishpish shakassinitat eshi-natuenitakanit, miam anitshenat kuatakat anite Ashamakanishiu-atusseun ute Canada, usham e itatipipuneshiht kie mak anite uminueniuat. Ishinakuat tshetshi shitshimakanitau nenu, tshipa mishta utiniti tshissenitamun, eshi-pikutatau Miam ashamakanishiht ka itenitakushit Miam tshiashi-ashamakanishiht ka itenitakushiht ute Canada. Mitshetuat Miam ashamakanishiht ka itenitakushiht ute Canada nishtuapatamuat tshekuan e kashiuashiu-umikunan, e utei-akushinan kie kuataka akushuna anite ka takuat anite innu-assit, neni akushuna  mitshet auenitshenat apu tshipa tshi ashamakanishiu-atusseuat miam ishinakuanit tshetshi nanitu-tshissenimakanitau anite uminueniunuat anite ashamakanishit eshi-natuenitakan.

Neni ka natuenitakaniti, natuenitamuakanuat mekuat anitshenat anite Ashamakanashiu-atusseun ute Canada, neni ka natuenitakaniti apu tut an pitepaniakanitau anite eshi-pikutatau kie atusseunu ka natuenitamuakanitau Miam ashamakanishiht ka itenitakushiht ute Canada, kie anite uashka ka minakanitau atusseunu tshetshi tutakau.

Auenitshenat anite ka tipenitakau mak Miam ashamakanishiht ka itenitakushiht ute Canada uitamuat, at shuk eka tshitshue minuati, ne eshi-tshitapamakanitau e tipaikanit mak e nakatuenitakanit uminueniunuau Miam ashamakanishiht ka itenitakushiht minupanuat peikuan anite eshi-natuenitamuakanitau. Peikuan eka takuaki eshi-tipaikan minueniun apu kashtukuatau e natuenitakau tshetshi natushiakanitau kie anite shuniatat anite ka tatau Ashamakanishiu-atusseun ute Canada : ui pitepanitau anite e natushiakan auen anite nanitu-tshissenitakanu tshekuan tutamupan utatusseun ka akushit kie ma ka ushukuitishut, mauat uin anite utat uminueniun katshi shash akushikue Miam ashamakanish ka itenitakushit.

Miam ashamakanishiht ka itenitakushiht ute Canada tshipa tshi kie uinuau pitepanuat anite eshi-patshitinakan kie eshi-uauitshiakanitau anite tetshe Tshiashi-ashamakanishit ute Canada uesh ma eshku ashamakanishiu-atusseun anite Ashamakanishiu-atusseun ute Canada kie ma tshipa ishi-utinakanuat miam tshiashi-ashamakanish miam puniti e atusseshtuat. Ne eshi-patshitinakan e uauitshiaushinanut, uitshiakanuat anite shuniatat miam akushitau kie ushukuitishutau usham ka ashamakaniu-atussetau, uitshiakanuat kau tshauetau katshi punitau e ashamakanishiu-atussetau, uitshiakanuat anite shuniatat mak uitshiakanuat e natushiakanitau mak tshetshi minupanitau. Peikuan eka apataki natukunishiu-mashinaikan e pitepanitau anite ashamakanashiu-atusseun³⁶, apu tshipashkakuat tshetshi katshinikau eshi-patshitinakanit³⁷.

stacked info iconNe Atusseutshuap natuenitamupan tshetshi ueuetinakan ussi-mashinaikan tshetshi tshitapatakanit utipenitamunuau anite e natushiakanitau kie anite e itutetau kaminapatsheniti kie anite shuniatat anitshenat patush ka uishamakaniht. Ne uet tutakan ui kush tutuakanuat anitshenat patush ka uishamakaniht tshetshi eka tipan tutuakanitau mak katshitinakau kie uinuau miam kuataka.

---

33. Directive et ordonnance administrative de la défense 5002-1, Enrôlement : sélection d'un élément ou sous-élément constitutif.
34. Directive et ordonnance administrative de la défense 2020-2, Rangers canadiens.
35. Cela a été systématiquement déclaré dans tous les cinq groupes de patrouilles de Rangers canadiens à tous les niveaux pendant la phase de collecte d'informations et d'entretiens.
36. Étant donné qu’un Ranger canadien ne subit pas d'examen médical lors de l’enrôlement, conformément aux normes médicales, il n'est pas nécessaire de créer un dossier de santé. (Formalités pour les dossiers des ressources humaines militaires, chapitre 11).
37. Prendre note que la détermination d'une relation de service pour une blessure donnant accès aux prestations d'ACC est établie en fonction de diverses preuves, y compris (sans s'y limiter) : l’information contenue dans la demande de prestations d'invalidité, les dossiers de santé du service et les rapports médicaux ou les résultats d’examens qui sont soumis avec la demande. Source : Courrier électronique, politique, politique stratégique et commémoration, Anciens Combattants Canada. Pour de plus amples renseignements sur les droits des Anciens Combattants Canada, veuillez consulter leur site Web : www.veterans.gc.ca.  

E pakuenikanIII — Eshi-pashkapatakaniti

Uitakanu ute mak tshika shaputue nashakanu e aitinanut

Eshi-pashkapatakan : E tutakan anite tshe shaputue nashakan  mak e uitakan e aitinanut nashakanu kassinu anite Tshishe-utshimatat.

Miam ashamakanishiht ka itenitakushiht patush atusseiakanuat katshi tapuetakan kie ma katshi minakanitau tshe aititau mak katshi pitepanitau anite e itapit atusseunu ka tutakau.³⁸ Takuanua kie kuataka e tutakau uinuau anite Miam ashamakanashiht ka itenitakushiht anite amasse utatusseunuat eka e ashamakanishiu-atussetau.

Miam ashamakanishiht ka itenitakushiht ute Canada ishinakuanu tshetshi pitepaitau anite Aatusseunu ka natuenitamuakanitau ui katshinitau tipenitamunu anite e natushiakan auen mak shuniatat miam ishinakuaniti tshetshi akushitau kie ma ushukuitishutau mekuat e atussetau.Ashamakanishiu-atusseun ute Canada uitamupant <mitshetuau ishinakuanupan utat tshetshi tutakau atusseunu Miam ashamakanishiht ka itenitakushiht anite eka itapit>³⁹. Nana pipun 2013 mishta tshituashun, Ashamakanashiu-atusseun ute Canada tutamupan tshetshi takuat tshe ishi-nashakan tshetshi tshissenitakan tan e itapitau utatusseunuat ka natuenitamuakaniht atusseunu tshetshi tutakau Miam ashamakanishiht ka itenitakushiht.⁴⁰

Anutshish eshinakuat e tshitapatakan eshi-shaputuepan e aitinanut mak e uitakaniti atusseun tan ua itapit <A>, e itapit <B> uenipassish⁴¹ mak e itapit <C> apu tshishkam kashtukutau anite tipenitamun e natushiakan auen kie ka ishi-patshitinakan anitshenat Miam ashamakanishiht ka itenitakushiht ute Canada atussetau anite ka itapitau.

Anu ui tshissenitakan, anite natshi-nanitu-tshissenitameku Eshinakuanit e aititau mak eshi-pimipinitatau Miam ashamakanishiht ka itenitakushiht ute Canada.

---

38. Ordre d’opérations permanent pour les opérations nationales (OOPON) 3000-1 (J5), Appendice 2, annexe HH : Emploi du personnel de la Force de réserve.
39. Matrice des types de patrouilles pour les opérations et l’emploi, lettre du 3 octobre 2013.
40. Matrice des types de patrouilles pour les opérations et l’emploi, lettre du 3 octobre 2013.
41. La ligne de partage du service de réserve de classe « B » à 180 jours est un seuil récurrent pour les avantages des réservistes en service de classe « B ». La Loi prévoyant l’indemnisation des militaires ayant subi des blessures pendant leur service l’énonce de cette façon : « plus de cent quatre-vingts jours » et « pour au plus cent quatre-vingts jours ». Par contre, les politiques et les règlements des Forces armées canadiennes divergent. Certains font état de « plus de 180 jours » et « jusqu’à 180 jours », sans faire mention des durées de service de 180 jours exactement. D’autres politiques et règlements ne disent rien sur la durée des périodes de service de classe « B ». 

E pakuenikanIII — Eshi-pashkapatakaniti

Uitakanu mak eshi-nashakan shaputue akushuna mak ushukuitishuna

Pashkapatakanu: Miam ashamakanishiht ka itenitakushiht apu nanitam tshishkam uitakanit e akushitau kie ma e ushukuitishutau kie ma apu ishpish minu-nakatuenitakanit

Miam ishinakuanit tshetshi akushinanut kie ma ushukuitishunanut e ashamakanashiu-atussenan, Ashamakanashiu-atusseun ute Canada ishinakuanu tshetshi tshitapatakau :

• kassinu e itashiht ashamakanishiht ka ushukuitishutau kie ma ka unuikanitau⁴² minu-uitakanu kie tutakanu mashinaikan;
• auenitshenat ka taht anite FC mak utishkuemuaua tshissenitamuat anite tshe itutetau miam ashamakanish ushukuitishuti kie ma unuikaniti⁴³;
• Takuan uauitshitun tshe ishpish mishkutshipanit miam ashamakanish puniti e ashamakanishiu-atusset usham e akushit kie ma usham e ushukuitishut.⁴⁴

Tshika takuana mashinaikan anite e uauitakaniti akushuna mak ushukuituna, ishpitenitakuan tshetshi upime anakan auen ka akushit kie ma ka ushukuitishut mak auen ka ashamakanashiut.⁴⁵

Mashinaikanian takuan anite mishta mashinaikan miam ushukuitishunanuti kie akushinanuti (CF 98 ishinakatakanu ute) eukuan nikan tshe apataki e uitakan mak e uauitakaniti ushukuituna mak akushuna⁴⁶ kie ishinakuan tshetshi shakassinitat ashamakanish anite Ashamakanashiu-atusseun ute Canada, apu nukut ut tshi ishpan mekuat e ashamakanashiu-atussenan.⁴⁷ Kaushtikuanut—eshi-aiatinakan e uitshiakan auen ushukuitishuti eukuan ka ushtikuanut tshe ueshi-tshitapatak, tshe tapuetak kie tshe kanuenitak neni mashinaikaniana neni CF 98,⁴⁸ mak uin tshika itashaimuakanu kie tshika kanuenitam neni mashinaikaniana CF 98 tshi shakassinitakaniti. Ne Atusseutshuap pashkapatam muku 70% (74 itashuat anite e itashinanut 106) ka shakassinitakaniti CF 98 neni Miam ashamakanishiht ka itenitakukshiht, ka minatau nenua Kaushtikuanut—eshi-aiatinakan e uauitshiakan auen ka ushukuitishut ka ishpish takuat ka nanitu-tshissenitakan. Nishtunakuat anite upime e pimutanut apishish anite shaputue e nashakan mak e uauitakau akushunua kie e ushukuitishunan anitshenat Miam ashamakanishiht ka itenitakushit ute Canada. Ne upime eshi-pimutenanut tshipa tshi matshipanikuat Miam ashamakanashiht ka itenitakushiht anite nikan e tshitapatakan, miam ishinakuat tshetshi takuat ka tapuenanut tshetshi uitshiakaniti auen utipenitamun kie ma shuniatat.

Ume Atusseutshuap pashkapatamupan kie mitshet Miam ashamakanishiht ka itenitakushiht apu uauitakau e ushukuitishutau.Ka kukuetshimatau neni Miam ashamakanishiht ka itenitakushiht ka uitakau katshi ushukuitishutau e ashamakanashiu-atussetau, 52% ishpitenitakushuat ka uitakau eka ut tshi shakassinitatau mashinaikanianu anite tshipa uitamupan katshi ushukuitishutau. Miam ashamakanishiht ka itenitakushiht uitamuat tshekuanu ma uet eka tutamupan umashinaikanuaua, nanikutini apu itenitakau tshipa mishta ushukuitishuat, ait anite itutepant tshetshi natushiakanitau kie ma shetshishipant tshetshi sheiashkunakanitau anite atusseunu ka tutakau kie ma tshetshi eka minekash atusseiakanitau miam uitakau katshi ushukuitishutau.

Ishinakuan tshetshi uitakan ka uauitakau ka ushukuitishutau Miam ashamakanishiht ka itenitakushit tapuemakan miam ka ishi-pashkapatak ume Atusseutshuap anite tetshe patsuh ka uishamakaniht. Shash tshi uitakanu ute uet eka ut uauitakan eukuanu usham anite atusseun tshetshi eka unitatau mak shakassinitau mashinaikanianu anite e uitakau katshi ushukuitishutau2.⁴⁹ Miam ka eshi-tshissenitak ne Atusseutshuap <anaminuAshamakanashiu-atusseun ute Canada kie anite tshishe-utshimatat Ashamakanishiu-tshishpeuashun tshetshi uauitshitau nenua patush ka uishamakaniht eka natuenitak tshetshi uitshiakaniti.>⁵⁰

Ui tshissenitameku kuatak tshekuan e uauitakan, natshishatshuapameku E natushiakanitau Miam ashamakanishiht ka itenitakush

Eshi-natuenitakan 2

Ninatuetamuanan tshishe-utshimau anite Ashamakanashiu-tshishpeuashun mak Ashamakanashiu-atusseun ute Canada tshetshi nashaki eshi-natuenitakan tshetshi uitakaniti akushitau mak ushukuitishutau Miam ashamakanishiht ka itenitakushiht tshetshi kie uinuau minakanitau anite e natushiakan auen mak anite takut ka ishi-minakanitau.

---

42. Dans le cadre de cette enquête, notre Bureau a seulement examiné les maladies et les blessures, sans toutefois se pencher sur les décès. 
43. Dans le cadre de cette enquête, notre Bureau a seulement examiné les maladies et les blessures, sans toutefois se pencher sur les décès.
44. Directive et ordonnance administrative de la Défense 5018-0, Militaires blessés et pertes militaires.
45. Courriel du Directeur – Gestion du soutien aux blessés en date du 12 avril 2017.
46. Instructions pour remplir le formulaire CF 98 Rapport en cas de blessure ou de maladie.
47. Ceci est fait pour protéger le membre (c.-à-d., pour s'assurer qu'il existe une documentation pour appuyer la demande d'un membre) et pour protéger le ministère de la Défense nationale et les Forces armées canadiennes (c.-à-d., si le membre essaie d'attribuer une blessure au service militaire quand, en fait, elle est survenue lorsqu’il était hors service et qu’il dépose une demande de prestations). Cela peut également être important si une blessure a été aggravée par le service militaire, et c'est la base de la majorité des décisions d'Anciens Combattants Canada concernant les prestations qui obligent le demandeur à démontrer un lien entre une condition médicale et le service militaire.
48. Directives et ordonnances administratives de la Défense 5018-2 Rapport en cas de blessures et d’exposition à des substances toxiques.
49. Soldats à temps partiel, blessures à temps plein : une étude systémique de la Première réserve du Canada et des traumatismes liés au stress opérationnel.
50. Soldats à temps partiel, blessures à temps plein : une étude systémique de la Première réserve du Canada et des traumatismes liés au stress opérationnel. 

E pakuenikanIII — Eshi-pashkapatakaniti

Kuataka tshekuana ka apatakau

Eshi-pashkapatakan : Mitshet Miam ashamakanashiht ka itenitakushiht pitshanu anite etatau kie apu shuk tananut eukuanu uet animinit tshetshi natushiakanitau miam natu eshpanitau, anu ma eshinakuaniti tshetshi uapamatau natukunisha tshipa ishinakuanu tshetshi natushikutau.

Miam ashamakanishiht ka itenetakushiht ute Canada 200 ititinua utenassa e apiht, apu mitshetinanunit kie mishta katakueshish takuana nutam eshpitashmikanit Canada,⁵¹ passe neni upashtamakan muku tshi ishpanu. Apu tapishkut ishi-pitshanit anite e tatau passe, auat anite mamu Ka mamuititau anitshenat Miam ashamakanishiht ka itenitakushiht ute Canada.⁵²

Miam anitshenat patush ka uishamakaniht anite itapuat <A>, Miam ashamakanishiht ka itenitakushiht ute Canada ishinakuanu anite tshetshi natushiakanitau natukuniutshuapissa ka takuat anite e tatau ui uapamatau akushiu-napeua kie ishkueua mak tshetshi itutetau anite akushiutshuapa ui natushikushitau. Tshekat kassinu e itashiht Miam ashamakanashiht ka itenitakushiht uitamupan e anaminit tshetshi natushiakanitau  natu itakushitau anite eshi-takuat e natushiakan auen anite eshpishat assi, anite e pakuenikan kie ma nutam eshpitashkamikat. Uitamupan e pishakuat tshetshi uapamakan natukunish, anu ma anite e tatau utenassa katakueshish ka takuaki kie ka pitshati, anite ka uauitshiuetau natukunishat. Natukunishat ishinakuanu tshetshi apatshiatau upashtamaka e itutetau anite ka tananut, peikuau peiku-pishimua ituteuat kie nuitamakutan anitshenat uemut ka ishinakuanit tshetshi uapamatau natukunisha apu nanitam tshi natshishkuatau. Uitakanipan kie e anamit tshetshi natushiakan auen ka kanuenitak akushunu.

Auenitshenat anite ka tatau ka tipetakuanit mak anitshenat Miam ashamakanishiht ka itenitakushiht ute Canada uitamupan tshetshi uapamakan natukunish eka menu-ashteti ushtikuan. Tshekat kassinu ka kukuetshimakanitau natuenitamupan tshetshi minu-tshitapatakan anite Ashamakanishiht e natushiakanitau,⁵³ E uauitshiuet anite ashamakanashiu-atusseun Miam ashamakanishiht ka itenitakushiht ute Canada tshipa tshi kuskupanuat kie kushiakanuat (miam mate eshinakuat tshetshi nanituapamatau auen kie ma kuatak tshekuan mak eshinakuaniti tshetshi ushumuiatau auen)kie peiku auen ka ishpishkushit uitamupan tshipa ishinakuan tshetshi takuat tshekuan e uauitshiakanitau>⁵⁴. Mishau tshe ui shakutakan eukuan ushtikuan auen ka matshipanit, apu auen tat tshetshi uauitshiati miam ushtikuan matshipaniti anite mishta katak e tatau mak pishanu. Mitshet ka natushiat auen eka menupaniti anite ushtikuanit ute eshpitashkamit tshipa tshi eka nishtutamuat tan eshinakuanit utatusseunua Miam ashamakanishiht ka itenitakushiht ute Canada mak anite e apiht.

Ashamakanishiu-atusseun ute Canada uinuau ishinakuanu tshetshi patshitinakau e natushiakaniti Miam ashakanishiht ka itenitakushiht m iam natu ishpaniti, miam anite eshi-uauitakan Eshi-natuenitakan ka tshimatakan uenipassih natukunish⁵⁵ ka tat.  Tshekat nutam e itashiht Miam ashamakanishiht ka itenitakushiht kataku takuanu anite e atussetau, apu auanasse tshi itutetau anite tekuaki akushiutshuapa, akushiutshuapissa neni ka tshitapatak Ashamakanashiu-aituna, katakueshish takuanua tshetshi itutau.Usham e tatau e pitshanit nakashkakuat passe Miam ashamakanishiht ka itenitakushiht ute Canada upime ka tatau anu ma anitshenat pessish ka apiht innu-assia tekuaniti. Mitshet uitamupan eka e natushiakanitau anite Ashamakanishiu-aitun ute Canada usham ishinakuanu tshetshi pushitau.Miam ashamakanishiht ka itenitakushiht uitamupan eka shuk ua nakatakau anite ka tatau, at shuk eka minekash upime tatau, uitamuat kie eka menuenimutau tshetshi natushiakanitau akushiutshuapa ka takuaki pashtautin mak uitamuat eka tshekuan tekuanit anite uinuau ka tatau.Anitshenat anite ka tatau e tipenitakan uitamupan eka shuk ui pushitau Miam ashamakanashiht ka itenitakushiht  tshetshi natushiakanitau.

Anu ui tshissenitakan, tshitapatakan E ashu-ashtakan D – Shuniau anite e natushiakan auen ute Canada.

Eshi-natuenitakan 3 :

Ninatuenitamuanan tshishe-utshimat Ashamakanashiu-aitun ute eshpitashkamikat mak Ashamakanishiiu-atusseun ute Canada uemut tshetshi minakanitau eshi-natuenitakau anite e natushiakanitau anitshenat Miam ashamakanishiht ka itenitakushiht, ume:

3.1 Tshetshi aimiakanitau Miam ashamakanashiht ka itenitakushiht tshetshi tshissenitakanit tshekuanu nekaukuat tshetshi itutetau anite Ashamakanashiu-atusseun ute Canada, kie tshetshi uauitakau tshekuanu ua apashtatau anite minueniun anite e inniutau mak eshi-inniunanan.3.2 Uitakan mak tutakan atusseun tshipa ishinakuanu eshi-patshitinak anite e natushiakan auen ne Ashamakanashiu-atusseun ute Canada tshe kashtukuat kie uinuau Miam ashamakanishiht ka itenitakushiht ute Canada.

3.2 Uitakan mak tutakan atusseun tshipa ishinakuanu eshi-patshitinak anite e natushiakan auen ne Ashamakanashiu-atusseun ute Canada tshe kashtukuat kie uinuau Miam ashamakanishiht ka itenitakushiht ute Canada.

stacked info iconShash ne Atusseutshuap tshi pashkapatam, anitshenat Ushkat patush ka uishamakaniht iakushitau kie ma e ushukuitishutau e ashamakanashiu-atussetau, tshi natuenitamuat tshetshi uiatshiakanitau anite ka ishi-takuat iakushinanuti kie ma ushukuitishunanuti. Patush uashamakanitau anitshenat Miam ashamakanishiht ka itenitakushit kie uinuau tshi natuenitamuat anite ka pitepaniht.
- « Options d’indemnisation pour les réservistes malades et blessés », février 2016.
- Par exemple : une prolongation du service de classe « C » pour les militaires dont les blessures ou maladies ont été contractées pendant le service spécial, des indemnités de la Force de réserve ou des indemnités au titre de la Loi sur l’indemnisation des agents de l’État.

Eshi-pashkapatakan : Tshekat kassinu e itashiht Miam ashamakanishiht ka itenitakushiht apu tshissenitakau eshinakuaniti utipenitamunuaua anite e natushiakan auen anite Ashamakanashiu-aitun ute Canada.

Pitu-utshimau anite ka uauitshiat neni utshimau-ashamakanisha uitamupan < anite ka tipenitakan ashamakanishit tshipa ishinakuanu uemut tshetshi tshissenitaminiti tan eshinakuaniti utepitamunuaua anite e natushiakan auen ka patshitinakan anite natushiu-aitun anite FC.  Uinuau ka tipenitakau nenu utatusseunua tshetshi minu-tshissenitakaniti,>⁵⁶ Muku eshinakuanakuat apu tshikanakuat kie apu uitamuakaniht Miam ashamakanishiht ka itenitakushiht ute Canada tshetshi minu-nishtutakau.

Ka ishi-natuenitakan uenipassish ka tshimatakan anite e tshitapatakaniti neni eshi-patshitinakan anite e natushiakan auen Ashamakanashit patush ka uishamakaniht uitam tshipa ishinakuanu tshetshi « ishinakuan /…/ tshetshi anu minu-uauitamuakaniht anitshen ka atusseshtuatau Ashamakanashit patush ka uishamakaniht eshinakuaniti utipenitamunuaua anite e natushiakan auen.»⁵⁷

E pimipanitakan tshissenitamun anite ka utshipan anite kupanieshat ka atussetau e tipenitakan atusseshtamuat tipenitamuna anite e natushiakan auen apu peikutau ishi-uauitakan, apu tapishkut ishi-uauitakan anite e uauitakan anite ka ashamakanishiht ka kanuenitsheht. Passe utshimauat kie ka tshishkutama tsheht anite ka taniti kanakatuenitsheht uitamupan e uauitakan e natushiakan auen mamash uauitakan, apu minu-uitakan kie ma Miam ashamakanish ka itenitakushit e nanitu-tshessenitaki tshek ishinakuaniti tshetshi ushukuitishuti,⁵⁸ Passe katshishkutamatsheht natuenitamupan tshetshi tutak atusseun e tshishkutamuakaniht kie anu tshipa minuau tshetshi piminitakan aimun anite ka tatau ashamakanishiu-kupanieshiht. Peikuau kie nishuau peiku-pipuna itashauakanu katshikutamatshet anite ka taniti Miam ashamakanishiht ka itenitakushiht ute Canada mak tetiss teu tshe ishpish ishkuapekanit nenu tsheshkutamatshet. Ne katshishkutamatshet anite Miam ashamakanishiht ka itenitakushiht ute Canada takuapekashinu utipaikan tshetshi kassinu tutak utatusseun tshipa ishinakuanipan. Mak eshinakuat apu itutetau anitshenat Miam ashamakanishiht ka itenitakushiht tsheshkutamatshenanuti tshekuan, eukuan uet animak tshetshi minu-tshissenitakan aimunu ua minakanitau Miam ashamakanashiht ka itenitakushiht ute Canada.

Tshishkutamatun anite eshi-tshitshipanitau Miam ashakanashiht ka itenitakushiht ute Canada—ka kutshipanitakan an tshipa ishinakuan tshishkutamatun, nana pipun 2016 tshimatakanipan tshetshi mishkutunakan tshishkutamatun ka ishinikatet Période de perfectionnement 1, Tshishkutamatun tshetshi pikutakan 1 tshipa inanu, ka ushkatshitshipaniht anitshenat Miam ashamakanishiht ka itenitakushiht --- shuk anite tshishkutamatshenanu tan eshi-aiatinakan ka takuat tshekuan, shuniatat mak ka ishi-nakatuenitakan kassinu aiashi-kanuenitashinanut. Apu anite tshishkutamatshenan e uauitakan tan eshinakuaki tipenitamuna anite e natushiakan auen kie eshi-katshininak auen patush anite Miam ashamakanishiht ka itenitakushiht ute Canada. At peikuan tshishkutamuakanitau anitshenat ka ussi-takushiniht mak Miam ashamakanishiht ka itenitakushiht ute Canada, apu shitshimakanitau tshetshi nashakau.

Miam ashamakanishiht ka itenitakushiht ute Canada ka kukuetshimakaniht mamash tshiuenamupan aimunu e kuetshimakanitau tshetshi nishtuapatamakuen eshinakuat anite e uauitakan minueniun kie e natushiakan auen anite matshi uinuau Miam ashamakanishiht ka itenitakushiht. Tshekat kassinu e itashitau uitamupan eka neshtuapatakau utipenitamunuaua, kuatak uinuau itenitamushapan <nika aiatutakunan>.

Mishta apatinu Miam ashamakanishiht ka itenitakushiht ute Canada tshetshi nishtutakau eshinakuaniti utipenitamunuaua anite minueniun mak e natushiakan auen mak tshetshi tshe natuenitakau punipaniti tshetshi minu-mishkuenitaku tshekuanu eshinakuanit tshetshi minakanitau. Eka e minu-tshissenitakau eshi-pimutenan tshishpiskakuat anite utipenitamunuauat e natushiakan auen mak tshekuan e tshi natuenitakan e punipaniti.

Eshi-pashkapatakan :Tshekat kassinu e itashitau Miam ashamakanishiht ka itenitakushiht ute Canada apu tshissenitakau e tshi katshitinikau eshi-patshitinakan mak eshi-uauitshiuenan anite Tshiashi-ashamakanishit usham ashamakanashiu-atusseuat kie ma tshiashi-ashamakanashit

Tshiashi-ashamakanishit ute Canada patshitinam mitshet uauitshituna mak e uauitshiakan auen ka ashamakanashiu-atusset kie anitshenat tshiashi-ashamakanishiht ka itenitakushiht ute Canada kie utishkuemuaua, utauassimuaua uitshiakanua. Ne eshi-patshinikan tshekuan mak eshi-uauitshiakan ishinakuana neni tshetshi tshishikuakan usham e tshi akushit kie ma ushukuitishut e ashamakaniu-atusset mishkut auasse pakassitishut katshi puniti e ashamakanashiut mak uitshiakanu anite minueniun mak e minu-apit.⁵⁹

Kukuetshimakanipan anitshenat ka ui tshiueniht aimunu anitshenat ka ushukuitishutau e ashamakanishiu-atussetau itenitamupan a tshetshi natuenitakau uauitshitunua anite Tshiashi-ashamakanishit ute Canada. Tshekat kassinu e itashitau (89% ishpitenitakushuat) muat issishuepan. Nenu uet eka natuenitamupan usham apu tut tshissenitakau e tshi katshitinakau kie uinuau uauitshitunu eshi-patshitinakan anite Tshiashi-ashamakanishit ute Canada.

Passe tshekuana eshi-patshitinakaniti mak eshi-uauitshiakan auen anite Tshiashi-ashamakanishit ute Canada apu kassinu auen tshi natuenitak patush minakanu ashamakanishiht ka punitau e ashamakanishiutau, ka patshitinakuatau Ashamakanashiu-atusseunute Canada. Anite e tshitapatakan uinuau Miam ashamakanishiht ka itenitakushiht, animanu usham apu itatipipuneshitau tshetshi punitau e atussetau miam anitshen ka atusseshtuatau Ashamakanashiu-atusseun ute Canada. Miam ashamakanashiht ka itenitakushiht tshika tshi atusseuat nuash tshe ishpish minuenitamiuetau utatusseunuat, miam ka issishueiat apu uitshiakanitau anite e natushiakan auen natu etiti uiat.⁶⁰ Nana pipuna 2013 nuash 2016, 3,8% Miam ashamakanishiht ka itenitakushiht uteCanada sheiashkunakanuat eshikam pipuna.⁶¹ Anite patetatuetishitau Miam ashamakanishiht ka itenitakushiht, ka ishi-petamat shaputue ashamakanishiu-atusseuat nuash e nipitau kie apu nut puniht.

Miam ashamakanishiht ka itenitakushiht apu shuk nishtuapatakau utipenitamunuaua eshi-minakanitau anite Tshiashi-ashamakanishit ute Canada kie nenu eka e natuenitakau tshetshi punitau e ashamakanashiu-atussetau nakaukuat neni tshetshi natuapatakau eshi-minakanitau mak eshi-uauitshiakanitau

Eshi-natuenitakan 4 :

Ninatuenitenan tshetshi tshishe-utshimau anite Ashamakanishiu-aitun ute eshpitashkamikat mak anite Ashamakanashiu-atusseun ute Canada tshetshi tutak atusseunu e nishtutakuat tshetshi uemut Miam ashamakanishiht ka itenitakushiht ute Canada minu-nishtutakau e ishpitenitakuat tshetshi uitakau e ushukuitishutau kie tshetshi anu nishtutakau eshinakuaniti utipenitamunuaua anite minueniun e natushiakan auen mak eshi-patshinikan tshekuan, miam :

4.1 Tshetshi amassepanitakan tshissenitamun anite tipenitamun e natushiakan mak eshi-patshitinakan ka kashtukutau Miam ashamakanishiht ka itenitakushiht mak tshetshi pipamutakan ne tshissenitamuna anite Miam ashamakanishiht ka itenitakushiht ute Canada mamitshetuit e apashtakaniti aimuna tshe nishtakan, tshipa ishinakuan tshe takuatshik pipun 2018 mishta tshituashun.

4.2 Uemut tshetshi pitepanikatakn ne tshissenitamun anite tsheshkutamatshenanut mak tshetshi pimipanitakan kuataka tshissenitamuna ishinakuaki anite Miam ashamakanishiht ka itenitakushiht ute Canada tshe takuatshik pipun 2018 mishta tshituashun.

---

51. Ordre d’opérations permanent pour les opérations nationales (OOPON) 3000-1 (J5), Appendice 2, annexe HH : Emploi du personnel de la Force de réserve.
52. Entretiens avec les Rangers canadiens, en référence à l’accès aux services médicaux le long de la côte de la Baie James.
53. Entretien avec un commandant du Groupe de patrouilles de Rangers canadiens.
54. Entretien avec un commandant du Groupe de patrouilles de Rangers canadiens.
55. Directive provisoire relative à la prestation de soins de santé au personnel de la Force de réserve, 4090-02.
56. Lettre du vice-chef d’état-major de la défense : « Accès aux soins médicaux – Guide à l’intention des membres de la Force de réserve », novembre 2011.
57. Directive provisoire relative à la prestation de soins de santé au personnel de la Force de réserve, Directives et conseils, Principes importants.
58. Entretiens avec les dirigeants de la patrouille et les instructeurs des Rangers canadiens dans les 5 Groupes de patrouilles de Rangers canadiens. Plusieurs chefs de patrouilles ont déclaré qu’ils ne connaissaient même pas leurs propres droits en matière de soins de santé, encore moins ceux de leurs subordonnés.
59. Courriel d’Anciens Combattants Canada en date du 4 avril 2017.
60. Entre 2013 et 2016, on compte en moyenne 3,8 % de la population de Rangers canadiens libérés chaque année.
61. Parmi les cinq Groupes de patrouilles de Rangers canadiens, nous avons entendu que plusieurs Rangers canadiens poursuivaient leur service jusqu’à leur décès et ne se libéraient pas volontairement.

Eshi-natuenitakani

Eshi-natuenitakan 1 :

Ninatuenitamuanan kau tshishe-utshimau anite Ashamakanashiu-aitun ute eshpitashmikat mak anite Ashamakanashiu-atusseun ute Canada tshetshi tutak atusseun anu tshetshi minu-nishtakuat mak tshetshi eka unapaniuet anite aimunit anite Patush ka uishamakaniht, tshetshi tshishkam uitak eshinakuaniti utipenitamunuaua anite e natushiakan auen, uipat tshetshi tutakan, ume shikuaki piun 2019 mishta tshituashun

Eshi-natuenitakan 2 :

Ninatuenitamuanan anite Ashamakanashiu-aitun ute eshpitashkamikat mak anite Ashamakaniu-atusseun ute Canada tshetshi nashakau eshinakuat mekuat e uauitakaniti akushuna mak ushukuitishuna tshetshi Miam ashamakanashiht ka itenitakushiht ute Canada eka tshipishkakutau ua natuenitakau tan eshinakuat uauitshitun anite minueniun mak e natushiakan auen mak anite eshi-minakanitau tshekuanu.

Eshi-natuenitakan 3 :

Ninatuenitamuanan tshishe-utshimau anite Ashamakanishiu-aitun ute eshpitashkamikat mak anite Ashamakanishiu-atusseun ute Canada uemut tshetshi uauitshiati anite e natushiakan auen neni Miam ashamakanishiht ka itenitakushiht ute Canada tshetshi minat utipenitamunua, miam ;

3.1 Tshetshi aimiakanitau Miam ashamakanashiht ka itenitakushiht ute Canada tshetshi ui tshissenitakan tshetshi nekashkutau ua uitshikushitau anite e natushiakan auen anite Ashamakanishiu-atusseun ute Canada, kie tshekuanu ua apashtatau anite minueniun e natushiakan auen anite uinuau ka tatau et anite e inniutau.

3.2 Tshetshi minu-uauitakaniti mak tshetshi tshimatakan atusseun tshipa ishi-tshissenitamuat anite eshinakuat auen ua natushikushitiite Ashamakanishiu-atusseun ute Canada, tshe minu-minakanitau uinuau matshima Miam ashamakanishiht ute Can

Eshi-natuenitakan 4 :

Ninatuenitamuanan tshishe-utshimau anite Ashamakanishiu-aitun ute eshpitashkamikat mak anite Ashamakanishiui-atusseun ute Canada tshetshi tutak atusseunu e tshikanakuat uemut anitshenat Miam ashamakanishiht ka itenitakushiht ute Canada minu-nishtutakau eshpitenitakuat tshetshi uitakau miam ushukuitishutau mak tshetshi minu-nishtuapatakan utipenitamunuau anite minueniun e natushiakan auen mak eshi-uauitshiakanitau anite shuniatat.

4.1 Tshetshi amassepanitakan tshissenitamun anite tipenitamun e natushiakan auen mak eshi-uauitshiakan anite shuniatat ka kashtukutau Miam ashamakanishiht ka itenitakushiht ute Canada tatipan aimuna tshetshi apashtakaniti mak uinuau tshe nishtutakau, ume tshe takuatshik pipun 2018 mishta tshituashun.

4.2 Uemut tshetshi pimipanitakan tshissenitamun anite tsheshkutamatshenanut kie mashue anite tsheshkutamatshenaut tshetshi minu-nishtutakau Miam ashamakanishiht ka itenitakushiht ute Canada ume tshe takuatshik pipun 2018.

Eshi-punapan

Ume atusseun ka tutakan e nanitu-tshissenitakan passetakanu tekuat anite eka menupan anite tshishe-utshimat Ashamakanishiu-aitun ute eshpitashkamikat mak anite Ashamakanishiu-atusseun ute Canada anite e tshitapatakanit utipenitamunuaua anite e natushiakan auen mak eshi-uauitshiakan anite shuniatat anitshenat Miam ashamakanishiht ka itenitakushiht ute Canada. At peikuan peikutau ishinakuaniti utipenitamunuau anite e natushiakan auen mak eshi-uauitshiakanitau anite shuniatat miam neni Patush ka uishamakaniht anite ka uauitakan mashinaikanian, kie anite utinniunuat, anitshenat Miam ashamakanashiht ka itenitakushiht ute Canada mitshet tshekuanu natshishkakuat ne e tshitapatakanit utipenitamunuau, apu minututakuat eshinakuanit.

Usham mishta kutakueshish e apitau mak eka shuk ka mitshetinan kashtukuat anite e natushiakanitau miam natu titau anitshenat Miam ashamakanishiht ka itenitakushiht ute Canada, at shuk tshi natushiakanitau anite matshima ka tatau anite ka ishi-patshitinak ne Ashakanishiu-atusseun ute Canada. Ishinakuanu tshetshi aimitutau anitshenat Ashamakanishiu-atusseun ute Canada mak anitshenat Miam ashamakanishiht ka itenitakushiht ute Canada tshetshi mashkakau tshekuan tshipa tutakanu tshetshi minupanitakan e natuenitakan uauitshitun anite e natushiakan auen anite Ashamakanishiu-atusseun ute Canada tshipa ishi-minupanikuat.

Nasht tipenimatishu ne Ashamakanishiu-atusseun ute Canada, mishta apatanu tshetshi anitshenat Miam ashamakanishiht ka itenitakushiht minu-nishtutakau eshinakuanit utipenitamunuau uesh ma kupanieshiuat anite Ashamakanishiu-atusseun ute Canada. Mitatenitakuanu eka menu-nishtuapatakau utipenitamunuau eshinakuanit anite minueniun e natushiakan auen mak eshi-uauitshiakan anite shuniatat Nishushteieshkuanan tshishe-utshimau anite Ashamakanishiu-aitun ute eshpitashkamikat mak ne Ashamakanishiu-atusseun ute Canada tshetshi patshitinikau nutam tshipa ishi-tshissenitakanu e ishi-uauitshiuet anite tshe tshissenitakau anitshenat Miam ashamakanishiht ka itenitakushiht ute Canada kie mitshet aimuna apashtatau eshi-nishtaminiti.

Ka tutakan atusseun e nanitu-tshissenitakan nukuat apu tshishkam nashakan mak uitakan akushuna kie ushukuituna anite uinuau Miam ashamakanishiht ka itenitakushiht ute Canada, nukuan anite metshipanitutau anite e uauiakanitau minueniun e natushiakan auen mak e uitshiakanitau anite shuniatat. Ume Atusseutshuap uapatam kie anite e uitakaniti katshi ushukuitishunanuti menuanit, muku apu tshishkam nashakau neni Miam ashamakanishiht ka itenitakushiht ute Canada e ushukuitishutau.

Ka tutakan atusseun e nanitu-tshissenitakan uapatamupan mitshet aimuna eka menu-nishtutakuaki eshi-uauitakaniti anite utshimatat Ashamakanishiu-atusseun ute Canada anite e uauitak tipenitamuna e natushiakanitau Patush ka uishamakaniht. Minuati aimun e apashtakan anite utshimau-mashinaikanit apu tshikut takuak eka ka nishtutakuaki mak tshika tshissenitamuat Miam ashamakanishiht ka itenitakushiht ute Canada tan tshe ishi-minakaniti mak tan eshi-katshitinikau anite utipenitamunuat.

Tshishe-utshimatat anite Ashamakanishiu-aitun ute eshpitashkamikat mak anite Ashamakanishiu-atusseun ute Canada tshi tutamuat anu tshetshi minuanit tshetshi uemut Miam ashamakanishiht ka itenitakushiht ute Canada tshissenitakau e tshi natakau utipenitamunuaua anite minueniun e natushiakan auen. Neni ka ishi-natuenitak ne Atusseutshuap natuenitam tshetshi ueuetinakan anite ka pataikan tshetshi anu minueniutau mak minupanitau utinniunuat anitshenat Miam ashamakanishiht ka itenitakushiht.

Passe tshekuan eshi-pashkapatakan nukuan anite meshta matshipan anite e ueuetinakanitau Miam ashamakanishiht ka itenitakushiht, miam mate nutepanua tshekuana anite e tshishkutamuakanitau Miam ashamakanisht ka itenitakushiht ute Canada. E atusseshtakaniti neni ka ishpitenitakuaki ka ishinakuanit tshetshi atusseshtakau anitshenat katshishkutamatsheht, apu ishpish mitshetitau anite e itashiniti neni Miam ashamakanishiht ka itenitakushiht ute Canada, apu minupanikutau tshetshi minu-tshishkutamuatau neni ka nakatuenitsheniti Miam ashamakanishit ka itenitakushiht ute Canada. Ume Atusseutshuap minuenitam e pashkapatak eshi-aiatinakanitau anitshenat Miam ashamakanishiht ka itenitakushiht ute Canada, tshishe-utshimau ananituapatam tshetshi ueuetinaki tshekuan tshipa tutakanu tshetshi eka ishpish mishanit utatusseunua katshishkutamuat neni Miam ashamakanashiht ka itenitakushiet ute Canada. At minuenitamati eshi-amatshuepan atusseun, eshku peikuan takuan atusseun tshipa tutakanu ne e uauitakan.