RANGERS CANADIENS HOTS’Į K’OLDÉ BETS’Į ɁERIHTŁ’IS

T’ąt’u ɂeya dé benákóghódı́ walı́ sı ha chu t’ąt’u ɂeyı gharé hobets’edı́ sı ha benanotá hots’ı̨ ɂerıhtł’ıs holı̨ nı t’a bet’a be t’áhųt’é walı sı ha.

Ombudsman hulyé t’á Belá ɂëdırı gharé sı

Ombudsman hulyé t’á Belá ɂëdırı gharé sı

Ku ɂëdırı t’ą k’oldére ɂëdırı dënexał dëne hobası́ yatı́ hełtsı́ National Defence chu Canadian Armed Forces Ombudsman hulyé k’ı́ 1998 nęnę k’e holı̨ nı nıhts’ęn k’olde nedhe beyatı́ Order-in-Council betł’esé t’ąt’u ɂëdırı dënexal dëne boghëdı́ National Defence chu ɂëdırı Canadian Armed Forces hots’ı̨ dënexał dëne ghą yatı hełtsı ha, ɂëyı chu t’ąt’u dëne sughua haldhęn walı́ chu dëne bąnełt’u ɂëdırı ghą ɂësódı́ horelɂı̨h dé ba hoɂą ha ɂëdetthdh ch’a Canadian Armed Forces dëne, t’ą ɂëghadalana chu bekoę dëne naradé beł.

Ku ɂëdırı t’a ha ɂası hełtsı k’ı dëne t’ą ɂeją ɂerıhtł’ıs hetł’el dënexal dëne National Defence chu Canadian Armed Forces hobası́ yatı, chu dëne yets’ęn yatı nı̨ɂá huto dëne yeghą honeltęn ba hoɂąsı́. Ku t’a bela k’ı dëne ts’enı̨ ha hoɂąsı́ t’ok’e yatı húłɂá chu ɂı̨łághe hutó ɂası bebá dué nodher dé benanótá ha ɂëłtth’ılé chu due halyá dé ha dënexal dëne Natıonal Defense huto Canadıan Armed Forses hots’ı̨ dene betł’esı́. Ku ɂeyı hel tth’ı ɂëdırı Ombudsman hulye dëne k’ı t’a losı ghą nanétą k’ı dëne nalé yeghą ɂerıhtł’ıs hełtsı de ba hoɂası t’a hulɂąh sı bası ɂëdırı dënexal dëne Department chu Canadian Armed Forces hots’ı̨ dëne yeł nadarełya beghą tth’ı t’oho losı. Ku yunadhe t’a hok’edher horelɂı̨h k’ı hotıé sughuá hoɂą ha nakoldher chu nezų nųɂá ɂeją honaré.

Ku ɂëją dëne yuyaghe bezı daretł’ıs k’ı t’o losı Ombudsman ts’ęn yałtı horelɂı̨h dé ba hoɂąsı t’a losı ghą beł due norełtther dé ɂëdırı Department National Defence chu Canadian Armed Forces dënexał dëne hobebası́ hots’ı̨ k’ı́:

  • ɂëdųhų dëne ɂëdırı Canadian Armed Forces hel théyı̨ dé
  • ku ɂëdırı Cadets hots’ı̨ dųhų yeł theyı̨ hutó yuné yeł ghı̨yı̨ dé
  • ku ɂëdırı Department National Defence dënexał dëne hel ghı̨yı̨ huto dųhų yeł theyı̨ dé
  • ku dëne dųhų ɂëdırı non-publıc fund hulyé hel ghı̨yı̨ hutó ɂałų yeł theyı̨ dé
  • ku t’ą losı́ dëne bezı nı̨ɂą la hųlı̨ dé ha
  • ku t’ą dëne yudaghé dëne bezı́ nı̨ɂą sı bekoę yeł dëne naradé sı ɂeyı heł hultá ha
  • ku t’ą dëne Canadian Armed Forces ɂëłótsele ts’ęn ɂëdırı heł nı̨lɂah huto yel theyı̨ dé

Ku Ombudsman hots’ı̨ dëne k’ı tthęnę ts’ęn beł hoɂąsı́ dënexał dëne t’ak’oldé heł theyı̨lé sı chu yeghą k’oldé hılé sı ɂëdırı dënexał dëne Minister National Defence hots’ı̨ dëne k’ı́.

Ɂërıhtł’ıs nedhé hots’ı̨ yatı́ t’atthe berehtł’ıs ɂeją

Ɂërıhtł’ıs nedhé hots’ı̨ yatı́ t’atthe berehtł’ıs ɂeją

Yuni 2016 nęnę k’é, ɂeją t’a ɂëghadalaıda nąne hoɂá Canadian Rangers hots’ı̨ ɂası t’ąt’u ghetł’el benadanıtá ha nųt’ą nı̨ dëne ɂeyaja chu bets’edı ha ɂeyı ha Rangers hel t’ahuɂą chu ba horena hutó yet’orełthı.

Ku t’atthe Rangers hots’ı̨ t’a ɂası hulɂą hadé nahıe ɂası ɂałų net’ı̨ ha hodorılɂı̨h, ku ɂeyı t’a hadé: ɂası hołé hadé horená łı t’a dëne nodorełɂı̨h Reserve Servıce hulyé bets’edı́ ha dëne tth’ı net’ı̨ hıle dąlı̨ ɂa nezųle ląt’e sı Canadıan Rangers hılchu ts’ęn tth’u, ɂeyı chu t’ą dëne Rangers hel nadarełyá k’ı hotıe yenerenı̨lé t’ąt’u bezı nı̨t’a dąlı̨ ha t’oho hılchu tł’ąghe t’ąt’u ɂeyah koę chu t’a la beghąt’ą bets’edı dąlı̨ ghą yatı łą henerenı̨lé dųhų ts’ęn.

Canadian Rangers hots’ı̨ t’ą dën yeł nadarełyá k’ı 200 ɂąsı hayorı̨la naradé sı nąnehoɂá yutthı̨ ts’ęn Canada nask’athe, t’ok’e dahola k’ı dzıret’aı hı ɂa ɂeyer nats’edıł. Ku ɂeyı ɂa dëne ɂeyah koę bası bets’edı hadé ’ası nedhe ha borenı̨le sı yunaghe k’esı. Nahıe hayorı̨la danechıle ɂa nadık’olyą dzıret’aı ye nądı́ł hut’a ɂı̨ła sa dąłt’u Rangers yeɂı̨h hadé horená łı́.

Dënexał dëne ha k’olde Canadian Armed Forces hots’ı̨ dëne k’ı t’ą Rangers heł nadarełya k’ı ts’enı̨ hoɂą t’oho bela hełtsı huk’é ɂeyajá huto borı̨dher hutó dé. ɂeyı ɂa dëne net’ı̨ ha borenı̨lé k’oją ɂa Rangers hobeba t’ok’e naradé k’ı, t’ą ɂeya haja huto borı̨dher k’ı ɂëdırı dęne xał d̨ene Canadian Armed Forces bets’ı̨ nakoghódı health care ha nı̨dha benęnę ch’ası heghá dezą bets’edı́ ha. Ku ɂeyı ɂa horena łı Rangers beba t’ok’e naradé dąlı̨ ha ɂeyı ɂa yegharnahıle chu benęnę ch’ası hedeł tth’ı datthath benakoghodı́ ha yunaghe ts’ęn.

Ku dënexał dëne ha k’oldé tth’ı hodorełker ɂëdırı ghą haradı hu t’ąt’u dëne nıh ha bets’edı hoɂą t’ok’e Rangers naradé bekoę honare. T’ok’e Rangers narade ts’ı̨dhı̨le benıh hutó ha bets’edı dé borenı̨le ɂa dëne k’ot’ı xa dëne nakoghonı̨ k’ı hotıe yenerenı̨ haılé ghonı̨ ɂa t’ok’e naradé chu t’a hełtsı k’olyąlé ɂa. Canadian Rangers hots’ı̨ dëne hotıe boghedı́ hoɂą benı̨h hu kǫt’e ɂası ha benęnę honare beł due norełtth’el ha boghedı dezą.

ɂeyı hel t’a honesı ɂası hulɂą hade Canadıan Rangers t’ą bedorı̨lker k’ı t’a ɂası benakoghodı ha hųlı̨ sı yenerenı̨le ɂedı̨nı̨ hadanı̨dhęn hu dënexał dëne Canadıan Armed forces yets’enı̨ ha danı̨dhęn hut’a nı. ku dënexał dëne ts’enı̨ xa Veterans Affaırs tth’ı hel hats’edı sı, k’asjęnę 89 hanełt’e dëne ɂeyaja hu t’ąt’u beł nodher ghą yatı thełtsı̨le nı̨. Ɂa Rangers bel ɂësonodher de yek’olyą hoɂą t’ąt’u bets’edı ha ba hoɂą ɂeyaja dé ha t’o bela hełtsı huk’e.

Canadian Rangers hots’ı̨ dëne k’ı t’ą dëne nodorełɂı̨h k’ı Reservısts hulye k’esı bąnełt’u t’oho ɂeyaraja dé yeghą yatı dałtsı hılé. ku t’ąt’e ɂası yegharanılé de ɂëdırı sı: t’ąt’u ɂeyaja k’ı doɂǫsı due nı̨dhęnhıle hu, nahıe ɂası ch’ası dı̨łtı ha nı̨dhęn hu, yunadhe beredı ha nı̨dhęn hu, ɂeyı chu ɂëładųnę ts’ęn benakoghodı́ ɂá. ku nąnı dëne ɂerıhtł’ıs bets’ı̨ hayelé hoɂą, koyı̨lahıle dé t’oho ɂeyaja dąlı̨ beghą ɂerıhtł’ıs hųlı̨ dé bet’a ba horena ghonı̨.

ɂa nuhnı̨ ɂeją ɂëghadalaıda k’ı yunı̨ łǫną̨́ nęnę deghare nı̨lɂı̨h sı, yunı t’oho ɂerıhtł’ıs thı̨tsı̨ 2008 nęnę k’e, Reserved Care hulye: Ɂëdırı dëne t’ą nodorełɂı̨h Reservists hulye k’ı t’oho ɂeyaja t’alya nılɂı̨h nı horelyų ɂası nılɂı̨h nı̨ t’ąt’u benakoghodı hu, t’ąt’u bets’ęn nanı hu ɂejaja de t’ąt’u bets’edı dąlı̨ ghą. ɂa ëdırı t’atthe nılɂı̨h sı Canadıan Rangers t’ąt’u dënexał dëne chu Armed Forces bets’ıdı ha t’ąt’u Canadıan Rangers hotıe haldhęn ha t’oho benakoghodı dąlı̨ ha nųnı̨dher dé.

ɂeyı ɂëdırı beghą nanı̨dé ɂa, ɂeją t’a ɂëghadalaıda k’ı dı̨ghı̨ yatı thı́łtsı̨ Denexał Dëne k’a k’oldere nedhe Mınıster Natıonal Defence bets’ęn:

Yatı ɂı̨łaghe 1

Ku ɂałų nadłı̨ hu t’ą dënexał dëne Department National Defence hots’ı̨ chu t’ą dëne ɂëdırı  Canadian Armed Forces hel nadarełya k’ı t’a yatı bet’oreɂahıle k’ı t’a beghare ɂası hoghedı t’ą dëne nodorełɂıh Reservısts hots’ı̨ t’ąt’u ɂeyaja ha bets’edı yatı senı̨t’a hoɂą yunadhe nęnę 2019 łuk’e ts’ęn tth’u.

Yatı nake 2

Ku ɂałų nadłı̨ hu t’ą dënexał dëne Department National Defence hots’ı̨ chu t’ą dëne ɂëdırı  Canadian Armed Forces hel nadarełya k’ı ɂëła yatı nı̨hı̨ɂah hoɂą t’ąt’u dųhų Rangers bets’edı dąlı̨ hoɂą t’oho ɂeyaja de kudąne yeghą yatı hełtsı tth’ı hoɂą ɂeyer dé yunadhe ɂeyı ɂası ha bets’edı ha nųnı̨dher dé yech’ası helɂá ch’a, bets’edı hoɂą.

Yatı taghe 3

Ku ɂałų nadłı̨ hu t’ą dënexał dëne Department National Defence hots’ı̨ chu t’ą dëne ɂëdırı  Canadian Armed Forces hel nadarełya k’ı Rangers ba ɂeyaja de bets’edı ha nųnı̨ɂah hoɂą ɂëdırı gharé:

3.1 Canadian Rangers hel dayałtı t’ąt’u ɂası horena dąlı̨ ghą dënexał dëne Canadian Armed Forces health care hots’ı̨ t’ąt’u benakoghodı dąlı̨ ha, ɂeyı chu t’ąt’u ɂeya bası t’a hodorelɂı̨h k’ı horelyų net’ı̨ hoɂą bech’alanıe chu benęnę hobası́.

3.2 ku t’a ɂasıe bet’oreɂá sı húlɂah chu bet’oredhı hoɂą kudąne ɂëdırı dënexał dëne Canadian Armed Forces health care hots’ı̨ t’a Canadian Rangers hots’ı̨ dëne yet’orełthı ha.

Yatı dı̨ghı̨ 4

Ku ɂałų nadłı̨ hu t’ą dënexał dëne Department National Defence hots’ı̨ chu t’ą dëne ɂëdırı  Canadian Armed Forces hel nadarełya k’ı hotıe deghare sughua ɂası hełtsı hoɂą ɂëdırı Canadian Rangers hots’ı̨ dëne bets’ęn t’oho ɂeyaja dé yeghą ɂerıhtł’ıs hełtsı hoɂą, ɂeyı chu hoɂąsı yenerenı̨ tth’ı hoɂą t’a dëne nakoghodı hųlı̨ sı chu t’ąt’u ɂeyı ha bets’edı dąlı̨ ɂëdırı k’esı ba selye hoɂą:

4.1 Horelyų yatı ɂëłgharęt’a hoɂą ɂëdırı Canadian Ranger hots’ı̨ dëne t’ąt’u benakoghodı́ ha ɂeyaja dé dąlı̨ ha yatı k’ı dolyé hoɂą; yatı Rangers bekalye hoɂą dëne yatıe t’a chu ɂëłk’ech’a yatı ɂa xaıt’ası 2018 nęnę ts’ęn.

4.2 ku yunaghe Canadian Rangers hodoneltęn de ɂëdırı yatı tth’ı beghoręt’a hoɂą, xaıt’ası 2018 nęnę k’e hots’ęn.

ku yası holı̨ t’ąt’u ɂëdırı dënexał dëne National Defence chu Canadian Armed Forces hots’ı̨ dëne beł t’anodhı́ há

ku yası holı̨ t’ąt’u ɂëdırı dënexał dëne National Defence chu Canadian Armed Forces hots’ı̨ dëne beł t’anodhı́ há

ku Canadian Rangers hots’ı̨ dënexał dëne ts’eranı̨ ha nadarełyá sı ɂëdırı Reserve Force hulyé dëne heł, ɂa t’oho losı ɂası nodhı́ dé t’ąt’u ɂeya dé ha benakoghódı́ ɂëła honı̨dhęn hoɂą sı honesı dëne Reservısts hulyé beł, ɂeyı chu honesı́ bets’edı́ tth’ı ha nı̨dé nezų ha sı̨. Kulı nuhnı́ t’a hulɂąh k’ı kuhúɂąlé sı́.

ɂası łą húlɂą sı́ t’ą dëne ɂëdırı Canadian Rangers heł nadarełyá k’ı t’a k’aɂų haldhęn t’oho losı ɂeya dé chu t’ąt’u yet’orı̨łther walı́ sı k’aɂų haldhęn: t’ok’e naradé sı bası hu, t’a ɂası ɂa bets’edı́ walı sı bası yenerenı̨ dąlı̨ chu t’a dųhų ɂası k’enats’edı́ sı boghëdı́ chu t’ąt’u beghą yatı nı̨t’a Canadıan Rangers hots’ı̨̨ dëne ɂesórajá chu ɂeya harajá dé hots’ı̨ yatı́ gharé.

K’ajęnę horelyų ɂëdırı Canadian Rangers hots’ı̨ dëne k’ı yutthı̨ hı naradé sı dëne ts’ı̨dhá ɂeyer dëne nakóghódı́ dëne koę łąlé sı hotıé benakóghódı́ łı̨nı̨ yunaghé k’esı́ hadé ɂeyer dodı́ sı́. Nuhnı́ nuheyatı́ thı́łtsı́ hadé Canadian Rangers hel dëne nadarełyá bebası́. Ku ɂeyı heł t’ąt’u bets’edı́ hoɂąsı hel hoɂą ɂá ba ɂeya hajá hutó dé ha t’a Canadıan Armed Forces betł’esı́ dëne ts’edı́ hobası́ k’e t’oho belá hełtsı́ huk’é naré ɂesójá dé ha.

Ku ɂëdırı tth’ı horólɂą t’ą dëne Canadıan Rangers heł nadarełyá k’ı ɂëdırı ɂası nerenı̨lé łą t’ąt’u benakóghodı́ hoɂą ɂësójá dé ha Canadıan Armed Forces beyatıe gharé ɂeyı ɂa ba horéna łı́ bets’edı́ hoɂą bası hadé. ɂá hotıé bet’oreɂá sı, dëne t’ą Canadıan Rangers heł nadarełyá k’e t’a bets’edı́ - hoɂą k’ı nerenı̨ chu t’ok’e – yatı hųlı̨ sı t’oho ɂëja ghı̨lyı̨ sı bası́. Ku nuhnı̨ nuheyatıe t’a begharı́t’a k’ı ɂeyı hayałtı́ sı t’ąt’u beghaládá ha.

Ku ɂąłų t’a nanótą hots’ı̨ yatı́ t’a húlɂą hadé Canadıan Rangers hots’ı̨ dëne t’oho ɂeya hajá dé beghą yatı hołé hılé ɂeyı ɂá t’ąt’u bets’edı́ walı́ sı horená ląt’é sı bebá. Ku  dųhų t’a ɂası k’enats’edı́ k’ı bet’a ɂëdırı dëne t’ą Canadıan Rangers heł nadarełyá k’ı - bets’edı́lé łą hųlı̨ sı – nąnı̨ t’ą ɂeyı dëne ghı̨yı̨ kulı́ beghą yatı hųlı̨ sı begharęt’ą walı sı ha dųhų. ɂeyı ɂa nuhëyatıe ɂëdırı selé ha danı́dhęn sı.

Ku t’oho dëne hodorı́łker hú t’ą dëne Canadıan Rangers heł nadarełya betł’esı t’ą k’oldé sı hotıé t’ą dëne ha nadarełyá sı ts’eranı̨ bek’orıjá sı huhëba hu, hotıe t’ą Canadıan Rangers hots’ı̨ dëne t’eranı̨ boret’ı̨ sı. Ku t’ąt’u Canadıan Rangers hots’ı̨ hoghëdı́ dé t’ą dënexał dëne ha k’oldé Canadıan Armed Forces hots’ı̨ dëne hotıé ɂası dałtsı́ sı t’a yatı́ behǫt’ą tł’esı́, ɂeyı ɂa nahıé ɂası borenı̨lé hat’ı̨ sı t’ą dëne Canadıan Rangers hots’ı̨ k’oldé sı Reservısts hots’ı̨ dëne berıhtł’ıs gharé ɂası hołé horená łąt’é sı.

Ku ɂëdırı ɂerıhtł’ıs holı̨ k’ı bet’oreɂá hıjá dé dënexał dëne ha k’olde yet’orëłdhı ha Natıonal Defence chu Canadıan Armed Forces hots’ı̨ dënexał dëne ba ɂeyer dé Canadıan Rangers hots’ı̨ hotıe t’ąt’u benakóghódı́ hoɂą ɂëdırı gharé ba sughua daghëná ha yunadhé dé.

T’a 1 hulta – yatı́ ɂëdırı beyehųlı̨ hası̨

T’a 1 hulta – yatı́ ɂëdırı beyehųlı̨ hası̨

Ku Canadıan Rangers hots’ı̨ dëne k’ı ɂëdırı dënexał dëne betł’esı hoɂąsı Canadian Armed Forces Reserve Force hots’ı̨ dëne t’ą nodorełɂı̨h bet’oredhı́ ha1 ɂeyı dëne k’ı hotıe bet’oreɂá sı Canada hodoghełnı̨ ha.

Ku ɂëdırı dënexał dene ts’eranı̨ Canadıan Rangers hots’ı̨ hulta k’ı tthęnę dënexał dëne k’esı́ hulta ha nadarełyá sı, kulı dëne dałxał ha naradélé sı. Ku dëne Canadıan Rangers ts’eranı̨ ha naraltsı k’ı nıh k’oldorelyą chu nǫnı́sı́ horı̨shyą ha bet’oreɂá t’ok’e naradé naré.2

ɂeyı ɂa t’ą dëne Canadıan Rangers ts’eranı̨ k’ı Canada ha nıh hutǫ̨́ sı ɂëdırı gharé:

  • Benęnę naré hoketł’a nadanetá ɂası ɂëładųne há;
  • Ɂeyer honaré hots’ı̨ yatı kodórelɂı̨h Canadıan Armeds Forces yet’orełɂá ha; ɂeyı chu
  • Ku ɂası ɂëdų hųłɂąh dé yeghą yatı hełtsı́ kudąné.3

Ku ɂeyı heł, dëne Canadıan Rangers ts’eranı̨ k’ı ɂëdırı ɂası ɂëłk’ech’a ha bet’oreɂá sı benęnę honare, ɂëdırı ɂası k’ı́:

  • Dëne ts’eranı̨ ɂësónodher dé ha;
  • Ku due norełtth’er dé kudąné dëne ts’eranı̨;
  • ɂı̨łą huto dëne hulé huto ɂąyá dé, dëne ts’eranı̨ nadánétá ha; nıhts’ęn k’oldé tth’ı ts’eranı̨, federal chu provıncıal huto haıyorı̨la hots’ı̨ k’oldé; ɂeyı chu
  • Ku ɂı̨ła huto ɂası ɂa due hajá dé kǫn huto tu hılbąnı dé dëne ts’eranı̨.4

Ɂa dëne Rangers heł nadarełyá k’ı hoketł’a ɂası hedareldęn hok’enadé sı, nǫnısı́ hodorı̨shyą ha dëne hodónełtęn hu ɂı̨łk’ıdhı ɂa tth’ı dëne hodonełtęn, chu dëne nakoghodı ɂeyaja dé, chu honezı ɂası ha.5

stacked info iconCanadıan Rangers ɂëdırı dałtsı sı “ku dënexał dëne Canadıan Forces t’ok’e dëne łą naradelé boret’ı̨ hoɂą, tu chogh tąbąghe tth’ı hu Canada nask’athé Canadıan Armed Forces ba horena chu tsąmba hoghëdı ghare hadé”.

-  Defence Administrative Order and Directive t’a yatı holı̨ ɂëdırı bebası́ 2020-2, Canadian Rangers hobets’ı̨.

k’asjęnę 5,000 hulta dënexał dëne ts’eranı̨ hųlı̨ sı Canadıan Rangers beł t’ok’e hųlı̨ sı, horelyų t’ok’e benęnę nare nadanetá ha. Ku horelyų t’ok’e t’ą dëne nadarełyá k’ı Canadıan Ranger Patrols hulyé sı, t’ok’e dënehılé naradé sı ɂeyer hųlı̨ sı nąné hoɂá. Ku t’anełt’e dëne hųlı̨ sı t’ą dëne Patrol group hulyé sı t’a łą hadé 60 hots’ęn sı t’a 1st Canadıan Patrol Group hulyé beł.6

T’ok’e dënexał dëne ts’eranı̨ dëne Canadian Ranger Patrol Group hųlı̨ sı ɂı̨łąghe k’oldere k’esı Commanding Officer hultá sı betł’esı horelyų ɂası k’enats’edé ɂeyer honaré. Ku Canadian Ranger hots’ı̨ dëne hodonéłtęn dëne k’ı t’ąt’u dëne Canadıan Rangers gharędeł ha hodornęltęn ts’eranı̨ sı ɂeyı ɂa Canadıan Armed Forces chu t’ok’e dëne naradé sı ɂëła nırałé ɂëłts’eradı́ ha. Ku t’a dëne Canadıan Rangers hodonełtęn dëne k’ı bela necha sı, ɂası hodoghëłnı̨ hu, dëne hedeł dé hodoghełnı̨ chu dëne godhé ɂëdırı gharędéł ha nırałtł’ıs hu. Ɂeyı dëne hodonełtęn dëne k’ı nıh dąłt’u 1-2 hots’ęn dëne ghą nadel hoɂą beł ɂası hołé ha chu dëne honeltęn dé yodoghëłnı̨ ha. Ku t’ą dëne Rangers ha k’oldé chu dëne honeltęn k’ı, ɂı̨łaghé dëne ha 1:53 hulta sı. Ku ɂałų beghą henerı̨nı̨ horı̨lɂı̨h dé ɂeją nanųtá la Appendix A t’ahot’ı̨—Canadian Rangers ɂëdırı ɂası ha t’ąt’u hoɂąsı beghą yatı́ delá sı.

Ku dëne t’ą nodorełɂı̨h Reservısts hulyé k’ı́, Canadıan Rangers heł ɂëghadalaná ɂësǫt’elé sı ɂëdırı ɂëł’k’ech’a hobası́ (Class “A”, “B”, or “C”7) t’oho hodonétęn huk’e t’a ɂası hełtsı ha beghónųdzı́ dé.8 Ku ɂałų ɂëdırı ghą yatı́ husɂá nı̨dhęn dé ɂëją nųłɂı̨h la Canadian Rangers Tasks and Operations.

T’ą dënexał dëne ts’eranı̨ Canadıan Rangers heł nıh ɂëłk’ech’a k’e naradé sı nąne hoɂá. ɂeyı dëne k’ı Canadıan Rangers ha 26 ɂëłk’ech’a beyatıé hųlı̨ sı, ɂeyı hots’ı̨ dënedédłı̨ne łą sı.9 ɂeyı ɂa ɂąłnedhe łą bet’orá sı ɂeyı ɂası nedhé k’esı́ hudzı́ sı t’ok’e dënexał dëne hel Rangers nadarełyá sı bası. T’ą ɂąnedhe sı ɂedų sı t’ok’é dëne naradé sı begá,10 ku t’a bela hadé ɂëdırı sı “dëne ch’alanıe chu begharé ɂası hoghedı́ chu ɂeyı ɂası yunadhe det’al hoɂą.”11 ɂąłnedhe dëne nabı̨ hulta sı sughua hots’ęn hotıe besúhúdı́ sı dënedédłı̨ne, Begharék’ą chu hotena bebası.12 Ku ɂąłnedhe t’ąt’u hulta chu boghedı́ hadé t’anelt’e beghaıyé hı ɂa hultahıle sı, kulı t’a ɂası hołtsı̨ sı t’ok’e nadher naré ɂeyı ɂa t’oho ɂası hołé dé bet’oreɂa hut’ı̨ ha t’ok’e naradé naré.13

Ku ɂałų ɂëdırı hobası ɂası húsɂá nı̨dhęn dé ɂëją nųłɂı̨h la Appendıx B-t’ą dëne Canadıan Rangers hųlı̨ sı ɂëją nųłɂı̨h la Canadian Rangers and Junior Canadian Rangers.

stacked info iconT’ą dënexał dëne ts’eranı̨ Canadıan Rangers heł nadarełyá k’ı́ Canadıan Armed bası hadé tthęnę ts’ęn hudzı́ sı ɂası łą t’á. ku nąnı dëne t’a nodorełɂı̨h hadé tth’ı ɂëdų sı, ku dëne Rangers heł nadarełya k’ı t’a begharé hoghédı́ hadé ɂası hedı̨ dekulı hılchu sı, ɂëładųné ts’ęn ghı̨yı̨ huto betth’ı physıcal bası hedı̨ kulı hılchu sı.

T’ą dëne Rangers heł nadarełyá k’ı t’ą yeba k’oldé sı nadareltsı nı̨h dąłt’u, ku Canadıan Armed Forces hots’ı̨ dëne k’esılé sı ɂeyı k’ı́.

Ku ɂëdırı dënexał dene ha Canadıan Armed Forces ha dene nadarełya k’ı kesı́ hultalé sı, t’anełt’e beghaı hultalé hu t’ohol lose ttheyı̨ benı̨ chu betth’ı́ heręłt’é dé Canadıan Rangers beł.

- Dënexał dene ha yatı holı̨ ɂëdırı hulta sı 5002-1, t’a benerı̨łtł’ıs: t’atthe hulta chu bek’eyaghe hulta ɂją hulta sı 5023-1, ku t’a k’aɂų ɂası hoghedı́ ɂëdırı hobası t’ą dëne ɂeją theyı̨ sı ba ɂëdırı sı DAOD 5023-1, “ku t’ąt’u ɂası hoghedı́ begharé sı horelyų t’á “dëne xał dëne tthe” ku ɂeyı ghare t’ą dëne CAF hots’ı̨ dëne t’a bela hełtsı sı boghedı́ sı ɂeją chu t’a ɂası k’enı̨ chu t’a bela hełtsı sı łą ɂëłk’ech’a hıle datedhe ɂası łą hulta sı.. ɂeyı heł ɂëdırı tth’ı heł ghonı sı kulı horelyųlé sı nahıe t’a beł hut’a sı kulı betth’ı heręłt’e hoɂą, t’ok’e losı la hıłchu ba tth’ı hoɂą.”

- Canadian Army, Canadian Rangers hots’ı̨ dëne t’ahot’ı̨: Patrol Groups, Canadian Rangers National Authority. http://www.army-armee.forces.gc.ca/en/canadian-rangers/organization-patrols.page

- t’a ɂëłk’ech’a hozełker ɂeją boret’ı̨ sı neba, Canadian Army dënexał dëne bets’ı̨. http://www.army-armee.forces.gc.ca/en/canadian-rangers/faq.page 


  1. Queen’s Regulations chu Order ts’ekuı t’ak’older beyatıe t’a ɂası hoghedı́, Volume 1, Chapter 2 .034 (d).
  2. ku t’ąt’u dënexal dëne ha k’oldé begharé ɂëdırı ɂası hołé ha yatı́ sı ɂeją Canadıan Rangers beba “ɂeyı hotıe yek’olyą hoɂa ɂeyer dëne naradé chu nıh k’e t’ahųt’e hu, ɂası hołe chu bıt’ası t’ahųt’e tth’ı k’orelyą “ɂeyı nerenı̨ hoɂą t’ą k’oldhere Commanding Officer Canadian Ranger Patrol Group  hots’ı̨ dëne ts’enı̨ ha, bela hełtsı́ ha” Defence Administrative Order ɂeyı yatı holı̨ nı̨ ɂją hulta k’ı 5002-1, Enrolment: Component and Sub-Component Selection.
  3. Canadian Rangers, Canadian Army hobets’ı̨. http://www.army-armee.forces.gc.ca/en/canadian-rangers/index.page
  4. 3rd Canadian Ranger Patrol Group hobets’ı̨. http://www.army.forces.gc.ca/en/3-crpg/index.page 
  5. Canadian Ranger patrols, Canadian Army hobets’ı̨. http://www.army.forces.gc.ca/en/1-crpg/patrols.page 
  6. 1 Canadian Ranger Patrol Group hulyé bets’ı̨ yatı́ holı̨—ɂerıhtł’ıs holı̨ ɂëdırı bets’ęn DND/CAF Ombudsman, April 2016 nęnę k’é.
  7. Queen’s Regulations and Order ts’ekuı t’ak’oldere beyatıe, Volume 1, Chapter 9, Section 3—t’a la hołé k’ı́. t’a la hulta k’ı́ la beghǫt’ą k’esı́ hulta “reservıst k’esı hulta t’ok’e dëne heł theyı̨ t’ą k’oldere ɂëdırı Chief Defence Staff ha dëne ghą k’oldere ɂëdırı yatı beyaghe hųlı̨ sı 9.08(1)(b) (Class “C ” Reserve Service) la hutǫ chu ɂëłet’é sı ɂeyı k’ı “la hutǫ́ chu ɂëłet’e sı ɂedırı k’ı́” ɂeyı chu ɂëłotsele ts’ęn ɂeją nıltı́ sı Class “C” Service.
  8. Standing Operation Order for Domestic Operations 3000-1, Reserve Force Employment by Sub - Component ( j).
  9. Canadian Rangers, Canadian Army hots’ı beyatıé. http://www.army-armee.forces.gc.ca/en/canadian-rangers/index.page 
  10. Council of Elders ɂą̨́łnedhe ɂëła dełtth’ı ɂëdırı ba, Indigenous and Northern Affairs Canada. https://www.aadnc-aandc.gc.ca/eng/1100100013748/1100100013749 
  11. Council of Elders ɂą̨́łnedhe ɂëła dełtth’ı ɂëdırı ba,, Indigenous and Northern Affairs Canada. https://www.aadnc-aandc.gc.ca/eng/1100100013748/1100100013749
  12. Council of Elders ɂą̨́łnedhe ɂëła dełtth’ı ɂëdırı ba,, Indigenous and Northern Affairs Canada. https://www.aadnc-aandc.gc.ca/eng/1100100013748/1100100013749
  13. Council of Elders ɂą̨́łnedhe ɂëła dełtth’ı ɂëdırı ba,, Indigenous and Northern Affairs Canada. https://www.aadnc-aandc.gc.ca/eng/1100100013748/1100100013749
Nake II hulta – t’a yatı́ bonı́ldhı́

Nake II hulta – t’a yatı́ bonı́ldhı́

Ku yutthęn ɂëdza nęnę ts’ęn dëne ɂëładųne nęnę hots’ı̨ dayenełɂı̨h hıja sı,14 ɂeyı ɂa t’ą dënexał dene ts’eranı Canadıan Ranger bela sı nadanotá ha nąné hoɂą ɂası ha yuttthęn Canada hots’ęn. ku dënexał dëne ha k’oldhere nedhe Minister National Defence hots’ı̨ dëne k’ı t’a bela holı̨ sı 2015 nęnę hots’ı̨ k’ı t’a ɂası hoghedı́ hoɂąsı bası holı̨ sı ɂeyı yatı k’ı́ Canada nąne hoɂá nıh hoghodı́ ha chu Canadıan Rangers hoɂąnełt’e halyé ha.15 ɂeyı ɂa t’a dënexał dëne Canadıan Rangers ts’eranı̨ k’ı bet’oreɂá sı nıh hoghëdı ha ɂëdırı t’a k’oldé ba Department National Defence bets’ı̨ yatı gharé 2017-18 nęnę k’e t’a ɂası hołé ha, ku ɂeyı yatı́ k’ı t’ą dënexał dëne Canadıan Rangers ts’eranı̨ k’ı  “bet’oreɂá sı nıh hoghedı chu k’enı̨ ha.”16 Ku yunı sı̨ne June 2017 k’e yatı holı̨ nı̨ ɂëdırı ɂası hodoghëłnı̨ Defence Policy bets’ı̨ yatı k’ı hotıé degharé t’ą dëne xał dëne Canadıan Rangers ts’eranı sı hoɂąłnet’e naltsı chu hodoneltęn hoɂą yunadhe dé bet’a “dënexał dëne Canadıan Armed Forces ts’eranı̨ ha yutthęn nęnę honare.”17

Ku yunı̨ łǫną nęnę hudher,18 ɂeją t’a ɂası k’enasdher hots’ı̨ yatı holı̨ k’ı t’ą dëne nodorełɂı̨h sı hotıe net’ı̨ nı̨ chu t’ąt’u boghedı́ chu bets’ęnanı̨ chu ɂeya haja dé t’ąt’u bets’edı́ chu benakoghodı́ dąlı̨ ha t’atthe hulta k’ı Prımary Reservıst hulyé k’ı. ku ɂeyı net’ı̨ chu xaıt’ası ɂëdırı 2015 nęnę k’e  National Defence chu Canadian Armed Forces Ombudsman hots’ı̨ dëne nanotą nı t’ąt’u ɂëdırı dëne bets’edı́ ghą Canadıan Forces hots’ı̨ dëne t’a bets’edı ghą. ɂëdırı yatı́ k’ı t’atthe nadanıtá yatı holı̨ sı Canadıan Rangers beghą.

T’atthe nadanıtą hots’ı̨ yatı́ k’ı ɂası herólɂąsı Canadıan Rangers beghą hots’ı̨ t’a selya walı́ sı bası ɂëdųhų kulı ɂałų benanotą dezą ku ɂeyı t’a ɂası k’ı ɂëdırı sı: ku t’ąt’u dëne benerıltł’ıs nodorełɂı̨h ha Reserve servıce hulye heł, ku dëne betth’ı ha net’ı̨ ha ɂerıhtł’ıs dodı́ Canadıan Rangers gharędeł ts’ęn tth’u,19 ɂeyı chu Canadıan Rangers hots’ı̨ dëne ɂası ɂëdırı henerenılé t’a dëne nakoghódı́ ha yatı́ hųlı̨ sı health care bası Canadıan Armed Forces bets’ı̨ k’ı.

ɂeyı ɂa, ɂëdırı horesɂı̨h sı, t’a ɂası horená sı hulɂah hoɂą t’ąt’u Canadıan Rangers ha dëne bets’edı́ walı sı bası healthcare chu honezı́ ɂası bası:

  • Dëne net’ı̨ chu dëne beł t’ahųɂą honet’ı̨ (betth’ı chu benı̨) Canadian Rangers hots’ı̨ dëne beł t’ahúɂą sı bası́;
  • Yatı́ hołé chu t’a hołé hoɂą honet’ı̨;
  • Ku t’ąt’u dëne ba ɂeya huto ɂeyajá de t’ąt’u yatı hołé; chu
  • Honezı́ t’a ɂası hoghëdı́ ɂëdırı hobası́.

T’ą dëne huhëł ɂëghadalana k’ı́ ɂëdırı danı̨łɂı̨hılé:

  • Ku t’a dëne honezı nakoghódı́ sı Canadian Armed Forces hots’ı̨ betł’esı́ hılé sı;
  • Dëne t’ąt’u bets’ęn nanı́;
  • Ku dųhų Canadian Rangers ha t’ąt’u dëne naraltsı́ ɂerıhtł’ıs; chu
  • Ku t’ą dëne Canadian Rangers heł nadarełyá k’ı́ bekoę dëne naradé t’a bets’edı́ hoɂąsı.

ɂa ɂëdırı nodher nı April 2015 nęnę k’e, t’ą koldhere nedhe dëne xał dëne ha Commander hulyé Canadian Army hots’ı̨ hadı hu Canadian Rangers t’ąt’u hoɂą chu t’ahotɂı̨ nanet’ı̨ horesɂı̨h hı̨łɂá nı begharé yunadhe t’ąt’u nųt’ą dąlı̨ ha. Ku ɂeyı k’ı dı̨ghı̨ ts’ęn honet’ı̨ ha: t’ahot’ı̨ chu t’a yatı gharé hoɂą; t’ą k’oldé, chu t’a begharé boghëdı́ chu dëne nı̨rı̨łtł’ıs; tsąmba chu t’ąt’u dëne la k’e nadarełya boghëdı́; ɂeyı chu t’a ɂası bet’oreɂá chu t’ahot’ı̨.  ku ɂeyı datedhe horleyų ɂası danılɂı̨lé kulı́ t’a k’older dëne hı̨łɂáh nı Canadıan Army betł’esı́ t’a Rangers honet’ı hoɂą ku nuhnı t’a horúhılɂą hade ɂeją ɂerıhtł’ıs hı́ltsı̨ nı̨ Progress Report hulyé report hulyé t’a dënexał dëne ha k’olde Rangers danı̨łɂı̨h ha.

Ku ɂałų beghą yatı́ núɂı̨h nı̨dhęn dé t’a ɂası k’orelɂı̨h chu dëne hozelker bası ɂeją Appendix C hulyé—.

stacked info iconKu t’ą dëne Reservists hulyé nodorëłɂı̨h helɂá ha, Canadian Rangers tth’ı hultá sı ɂeyı beł t’oho losı ɂası ha helɂah dé yełtsı hoɂą, bets’ı̨ la yué chu ɂası t’orełɂáh hoghëłnı̨ hoɂą, yatı heɂał chu t’ąt’u dëne honęltęn bası dąlı̨ t’oho losı ɂası ts’ęn helɂá tth’ı sorı̨t’é hoɂą. ky ɂeyı heł dëne t’ą Rangers heł nadarełyá k’ı nıh nadanetá hoɂą ɂası ɂëdųne ha yatı korelɂı̨h dzı̨ne danełt’u. ku ɂëdırı ɂası dałtsı k’ı bet’oreɂá kulı Canadıan Rangers hots’ı̨ dëne bets’edı́ ha dué sı ɂeya chu ɂeyı k’esı́ ɂası ha ɂëłk’esı hulta hılé ɂá.


  1. Canada t’ąt’u yutthęn hoghełnı ha yatı—ɂëdza nęnę t’ąt’u bek’edı́. http://www.northernstrategy.gc.ca/sov/index-eng.asp
  2. Minister National Defence berıhtł’ıs beghare ɂası hoghedı́ ha. http://pm.gc.ca/eng/minister-national-defence-mandate-letter
  3. 2017-18 Departmental Plan, National Defence, Planned Results, yatı holı̨ 1.0: Dënexał dëne honeltęn chu bets’edı yatıé.
  4. Canada t’ąt’u ɂëdek’edı yatı́, page 80.
  5. December 2008 nęnę hots’ı̨ t’ą dëne nodorełɂı̨h: t’a’ nanótá t’aldhęn sı bası.
  6. T’at’e ɂa dohúɂą k’ı Canadıan Rangers bedı̨ k’ı, dënexał dëne ts’eranı ha hılchu ts’ęn tth’u betth’ı heręłt’e tth’ı net’ı̨le sı ɂëdırı yatı theɂąsı ɂeją.
Taghe hulta III—T’a ɂası hulɂą

Taghe hulta III—T’a ɂası hulɂą

T’a begharé ɂası ghetł’el yatı chu t’ąt’u boghëdı

T’a hulɂą; Dëne ba ɂeya dé t’ąt’u benakoghodı ha yatı hųlı̨ Rangers beba k’ı t’ą dëne nodorëłɂı̨h k’ı chu ɂëłk’esı hulta sı Prımary Reserve Force members hulyé.

Ku t’ą dëne nodorëłɂı̨h Reservists dolyé k’ı, Canadian Rangers hel dëne nadarełya k’ı ɂeya bası bets’edı́ hadé t’ąt’u ɂası hełtsı chu t’a ɂeyaja k’ı chu ɂeya bela hełtsı ɂa ɂeyaja kuto ha net’ı̨ dezą. Ku ɂeyı t’ąt’u net’ı̨ hadé nodorełɂı̨h ha hulta k’ı Canadıan Rangers hots’ı̨ dëne ɂëdırı k’esı boghëdı́ sı (Class “A”, “B”, huto “C”) beghare t’ok’e theyı̨ sı bets’edı ha hoɂąsı́.20

2009 nęnę k’é, t’ą naıdı́k’olyą ha k’oldher Surgeon General hulye Canadian Armed Forces bebası yatı thełtsı̨ nı̨h bet’a ɂëłtth’ı dëne ba ɂeya dé bets’edı ha horelyų ɂëłk’esı haldhęn ku ɂëdırı yatı k’ı ɂëłotsele yatı holı̨ beghare dëne nakoghódı ha chu t’ąt’u hołé hoɂą t’ą dëne nodorełɂı̨h ba.21 Ku horelyų net’ı̨ hadé dëne norełɂı̨h huk’e ɂeya haja huto ɂeya dé ɂëdırı Class “A” k’e huto ɂëłotsele ts’ęn Class “B” k’e theyı̨ de (i.e. bela hełtsı dënexał dëne k’esı t’a helɂá bası k’ı)ku ɂeyı dëne k’ı t’ąt’u honezı dënexał dëne bets’edı k’esı bets’edı hoɂą Canadıan Forces Health Servıces Group hobası t’ą yenokoghonı̨ ts’ęn nı̨t’á tth’ı ha hoɂąsı.22ɂëłotselele beghare ɂası hoghodı́ yatı t’ą tha ghı̨yı̨le ba sı (<180 k’aɂų dzı̨ne)23 ɂeyı “t’ą dųhų yedoghółnı̨ sı ts’ęn benakoghódı́ nı̨dé nezų sı.”24 Ku dëne t’ą tha hots’ęn nadarełyá k’ı ɂedırı Class “B” nodorëłɂı̨h hulta k’ı (>180 ɂązı́ dzı̨ne),25chu Class “C” Reserve Service hots’ı̨ dëne k’ı́ honezı k’ezı hulta hası̨.26

Ku ɂeją Queen’s Regulations and Orders ts’ekuı t’ak’odher beyatı́e chu t’a gharé ghelɂah dé Chapter 34 k’e dohodı́ sı, “Dëne Nakoghódı́ ɂerıhtł’ıs”, t’ąt’u dëne t’ą nodorełɂı̨h Reservısts hulyé k’e bets’edı́ sı.27 Kulı hotthe k’adąné nuhnı́ ɂedırı horolɂą nı̨ t’ąt’u ɂedırı yatı Queen’s Regulations and Orders ts’ekuı t’ak’oldher beyatı́ chu beghare ɂası hołé k’́ k’e dohodı́ t’ąt’u dëne nakoghódı hoɂą bası kulı degharé bek’e yatı́ deɂąlé chu borenı̨lé bek’eyatı hadé “bet’a beghą ɂëłk’ech’a yatı nı̨dhę ghonı̨ bek’eyatı t’ąt’u dëne ts’edı́ ha.”28 ɂeyı ɂëłk’ech’a yatı hųlı̨ k’ı dųhų hots’ęn kohoɂąsı ɂału nanet’ı̨ hoɂą.

Canadian Rangers hots’ı̨ t’ą hodorelker haradı́ hu t’oho la k’e nadarełya huk’é ɂeya harajá dé chu Canadıan Armed Forces hots’ı̨ dëne yets’ı̨dhılé nadarełya: ku dąne t’a ɂeyaja sı ha benakoghodı́ nı, chu t’ok’e t’a bets’ı̨dhıle dëne nakoghodı́ koę hoɂąsı tth’ı bets’édı́ nı̨. ku nąnı Canadian Rangers hots’ı̨ dëne haradı́ hu t’ok’e t’a ɂeya koę hoɂąsı tthe benakoghódı́ nı, ku nąnı hoɂąsı ɂeyarajá sı haıyórı̨lá nedhe ts’ęn hełya nı̨ benakoghodı ha. 

Ku nehërıhtł’ıs t’a holı̨ k’ı Reserved Care hulye sı: t’ąt’u dëne la k’e nodorełɂı̨h ha t’arlłdhęn ɂeyajá dé benanotą t’a hulɂą k’ı dëne nodorełɂı̨h huk’e ɂesója dé benakoghodı́ Canadıan Armed Forces bets’ı̨ dënets’edı́ t’a nahıé ɂası beł nodher dé t’oho bela hełtsı huk’é. ku ɂeyı beyatı t’a hoɂą k’ı t’ą dëne Prımary Reserve k’e nadarełyá dé bets’edı tth’ı ha hoɂą Canadıan Armed Forces bets’ı̨ dëne ts’edı gharé t’oho honeltęn hok’é ɂeyaja dé huto norełɂı̨h tth’ı hu. T’at̨’e ɂa kohúɂą dé ɂeyı dëne k’ı “t’ąt’u betth’ı hoghołnı̨ k’ı hoketł’a ëdoghelnı̨ hoɂą hęręłt’elé ch’a bela hełtsı́ ha,”29 ɂeyı chu hotıé hok’etł’a t’ąt’u nezu ɂëdoghołnı̨ hoɂąsı k’e hołɂą dezą. Canadian Rangers hots’ı̨ dëne k’ı ɂeyı k’esı ɂëdoghónı̨ haılé kulı ɂësǫt’elé sı kulı ɂeyaja dé la hereld̨en ha honeltęn huto dé bets’edı́ ha due sı dëne t’ą k’oldé begharéhılé dé, Canadıan Armed Forces hots’ı̨ bets’edı ha due sı.

Ku ɂałų beghą heneresnı̨ nı̨dhęn dé ɂeją nųłɂı̨h la Health Care for Canadian Rangers.

T’a hulɂąh: T’a yatı delá k’ı ɂëłk’esı theɂąhılé sı nahıe yatıe, chu dëne helɂá chu begharé ɂası hołé ha t’ąt’u dëne nakoghodı́ chu t’ąt’u bets’edı ha ɂëłk’esıhılé Canadıan Rangers bebası́.

K’asjęnę łǫnǫ nęnę hudher hots’ı̨ ɂëdırı yatı nı̨dha ɂëdų hajahılé sı t’ąt’u dëne nodorełɂı̨h ha bets’edı́, “t’a yatı dųhų théɂą chu begharé ɂası hołé t’ąt’u dëne ts’edı́ ha deghare sı̨łtá sı.”30 Dųhų hots’ęn  ɂeyı yatı k’ı borenı̨lé begharé ɂası naılná ha, dëne helɂá, chu t’a beghare ɂası k’enats’edı tth’ı bası hu t’ąt’u ɂeyı Reservısts bets’edı chu benakoghódı́ ha. Hoketł’a begharé ɂası naılná ha borenı́ lahot’ı̨lé sı t’a bek’eyaghe ɂası hołé sı bası ɂëdırı  t’ą dëne Canadian Rangers heł nadarełya sı beba, ɂeyı k’ı ɂëdırı ɂerıhtł’ıs ye huto bedı̨ sı beyé.31 Ku ɂëdırı ɂası yası sı̨łta ląt’e k’ı́ bet’a dëne yeghą ɂëłk’ech’a danı̨dhęn ghonı chu t’ąt’u beghare ɂası ghalada tth’ı horena ghonı́ Canadıan Rangers hots’ı̨ dëne ba.

stacked info iconKu dëne t’ą Canadian Ranger hots’ı̨ dëne ɂeyajá dé huto borı̨dher dé t’oho la k’e theyı̨lé dé bets’edı́ ha due sı Canadına Armed Forces hots’ı̨ t’a ɂa dëne nakoghodı́ bası, t’ąt’u ɂası holı̨ bası dëne net’ı̨ sı ɂeyı hadé. Ku t’ą dëne nodorełɂı̨h k’ı Reservıst A hulye k’ı ɂeyajá dé t’oho nanetá huk’é ghą yatı thełtsı̨ dé bets’edı ghonı̨ ɂeyı ɂası hulɂá ts’ęn tth’u ghelɂah nı̨dé ku t’ą k’oldhere nedhe Minister National Defence ha hotthé ɂëdırı dëne tthęne helɂá nıdé ɂëdırı Special Duty Area huto Special Duty Operation tł’esı ɂası hełtsı́ nı̨dé.

Queen’s Regulations and Orders ts’ekuı t’akolldhere beyatı t’ąt’u beghare ɂasıe hoghodı́, Chapter 34, t’ąt’u benakoghodı́ ɂeya hajá dé ha, ku besdohołı̨ dé t’oho hełtsıhılé kulı bets’ı̨ɂané ts’edı́ ha hoɂąsı́.

- Defence Administrative dënexał dëne ha k’olde t’a yatı dathełtsı̨ 2020-2, Canadian Rangers: Nadanotá, Ɂası ɂëdų kadanetá. Ku ɂeyı heł dëne ɂeyı ɂası hełtsı huk’e łeghaı̨der dé selyé chu beba nanı̨ ha hoɂąsı Canadıan Ranger dëne besdołı̨ dé belahełtsıhılé kulı́. Ku ɂeyı tsąmba k’ı nanı̨ ha Ranger bela hełtsı huto yełtsıhıle dekulı́.

Ku t’oho ɂëdırı nadanetá huk’é nahıé Rangers hots’ı̨ dëne nadarełyá Rangers ha ɂası dathëłtsı̨ kulı ɂeyı ha bets’ęn nanılé dųhų ts’ęn, ku ɂeyı t’ą ɂerıhtł’ıs dałtsı sı bebası́ nųt’ą bela ɂałų ɂenayıt’ele ɂa kulı ɂı̨łą kulı dëne ɂeyajale t’oho bela dałtsı huk’é. Ku nuhnı ɂeją ɂëghadaılada k’ı nąnı dëne ɂeyaraja ghą dethıtth’ągh t’oho nadaneta huto ɂası daghëɂı̨h bası kulı ɂałų hoɂąsı Ranger hots’ı̨ dëne nuheghą yatı nı̨ɂá ɂeyaja de ha, ɂeyer dé Canadıan Armed Forces hots’ı̨ bets’edı ha ɂı̨lé hets’edı́ ghonı̨ t’a Rangers la hełtsı honaré.

- ku ɂëdırı t’a begharé ɂası hołé ha ɂeją Canadian Forces Members chu Veterans Re-establishment chuCompensation Act ɂerıhtł’ıs nedhe ye detł’ıs, ɂeją beyé 70-71 hulta k’é.

ku kǫt’e ɂası net’ı̨ hadé, naıdı k’olyą ha k’oldé beyatı́ ye ɂëdırı Surgeon General’s ɂëłotsele hots’ęn t’ąt’u dëne nakoghodı́ t’ą dëne nodorełɂı̨h Reserve Force Personnel dolyé k’ı,32 ɂeyı yatı k’ı t’ą dne nodorełɂı̨h Reserve Force, chu t’ątthe nadarełya Prımary Reserves hulyé k’ı  Class “B” Reservists hudzı sı bezı. Ku ɂëdırı ɂerıhtł’ıs k’ı taghe ɂası ghą dayałtı sı t’ą dëne nodorełɂı̨h sı bası Reserve servıce hulye, kulı t’ą dëne yeł nadarełya k’ı t’ątthe hudzı huto honezı bek’ı̨ne dëne hotıé beghą kohodılé sı.

ɂı̨łaghé yatı́ holı̨ bet’a ɂası hołé ha:

ku ɂałų nadłı̨ hu t’ą dëne ɂëdırı dënexał dëne Department National Defence hots’ı̨ k’olde chu Canadian Armed Forces hots’ı̨ k’oldé ɂëła yatı t’a bet’a sehoɂąlé k’ı senılyé t’a begharé ɂası ghetł’el sı bası t’ą dëne nodorełɂı̨h Reservısts k’ı ɂeyer dé t’ąt’u benakóghódı sı bek’oją ɂı̨ghą tth’u łuk’e 2019 ts’en tth’u.


  1. Queen’s Regulations and Orders ts’ekuı t’ak’oldher beyatı beghare ɂası hoghodı, Volume 1, Chapter 9—Reserve Service t’ą dëne nodorëłɂı̨h ba
  2. Canadian Forces Health Services bets’ı̨ yatı bet’a ɂası hołé ha 4 090-02, ɂëłotsele yatı holı̨ beghare dëne nakoghódı ha chu t’ąt’u hołé hoɂą t’ą dëne nodorełɂı̨h ba.
  3. Vice Chief Defence Staff k’older t’ałɂa ɂerıhtł’ıs, dëne nakoghodı́ ha yatı—Reserve Force hots’ı̨ dëne t’a la k’e nadarełyá, 2 November 2011 nęnę k’é.
  4. t’ąt’u ɂëdırı nadarelyé Class “B” Reserve Serviceha dëne ghı̨yı̨ dé18 dzı̨ne k’ı k’enoreltthel k’esı hulta sı t’ąt’u bets’edı ha Class “B” Nodorełɂı̨h. The Injured Military Members Compensation Act ɂerıhtł’ıs k’e ɂahodı hu “180 dzı̨ne ɂąsı” chu “180 dzı̨ne chu beɂąsı́ dé”. Kulı t’a yatı delá bası hadé ɂëłk’ech’a ląt’e yatı hųlı̨ ɂëdırı beghą nahıe yatı k’e ɂahódı́ hu “180 dzı̨ne ɂąsı huto”  “180 dzı̨ne hots’ęn ”, t’a net’ı̨ hoɂą k’ı net’ı̨lé ɂedırı yatı t’a ku ɂeyı 180 dzı̨ne hats’edı́ sı. Honezı́ yatı t’a delá k’ı ɂëdırı ghą yatı hulı̨lé t’anı̨ltha ɂëdırı Class “B net’ı̨ hoɂą”.
  5. ɂëłotsele yatı holı̨ beghare dëne nakoghódı ha chu t’ąt’u hołé hoɂą t’ą dëne nodorełɂı̨h ba, 4 090 - 02. The Vice Chief Defence Staff t’ak’oldher t’ałɂah t’a ɂerıhtł’ıs k’ı́ ɂeją, t’ąt’u dëne ɂeya dé bets’edı hoɂą—Reserve Force hots’ı̨ dëne, 2 November 2011 nęne hots’ı̨ yatı k’e dohódı́ nı̨ “horelyų CF hots’ı̨ dëne ɂeya harajá de bela hełtsı huk’e dé ɂeją betł’esı bets’edı ha CF H Svcs t’oho sughua hanajá huto due hılé huto ɂeładųne ts’ęn benakoghódı́ hade hots’ęn. ku horelyų dëne CF t’oho ɂeyja dé t’ok’e dëne nakoghódı koę nı̨yá dé CF hots’ı̨ dëne yenełɂı̨h hu t’aɂa be due sı net’ı̨ ha kudąne nakoghódı́ hoɂą ɂeyer.”
  6. Ku ɂëdırı t’ąt’u ɂedų Class “B”  bası k’ı, Reserve hots’ı̨ dëne k’ı 180 dzı̨ne ghı̨yı̨ dé ɂëdırı gharé bets’edı́ Class “B” hulye heł. The Injured Military Members Compensation Act yatı nedhe hots’ı̨ t’a yatı gharé hadé bek’e dohodı́ sı “m 180 dzı̨ne ɂąsı hulta dé” chu “180 dzı̨ne k’aɂų”. kulı Canadıan Armed Forces beyatıe ɂëła hılé ɂa bet’a ɂası hołe borenı̨lé “180 dzı̨ne ɂąsı” chu “180 dzı̨ne hots’ęn”, t’a hulta nełɂı̨hılé 180 dzı̨ne hadé. Ku honezı yatı hųlı̨ k’ı ɂëdırı Class “B” k’e sı̨.
  7. ɂëłotsele yatı holı̨ beghare dëne nakoghódı ha chu t’ąt’u hołé hoɂą t’ą dëne nodorełɂı̨h ba 4 090-02.
  8. Ku ɂëdırı yatı k’ı t’ąt’u dëne nodorełɂı̨h Reservısts hulyé k’ı bets’edı́ ha.
  9. Ku nąnı dënexał dëne nodorełɂı̨h ɂeyaharaja dé: Canada bets’ı̨ dëne k’ąt’u nodorełɂı̨h benet’ı̨ t’ąt’u ɂeya haraja bası ghą, May 2016 nęnę k’é.
  10. Reserved Care hulye sı: t’ąt’u dëne la k’e nodorełɂı̨h ha t’arlłdhęn ɂeyajá dé benanotą, ɂerıhtł’ıs nedhe holı̨ nı̨ t’ak’oldhere nedhe bets’ęn Minister National Defence hots’ı̨, April 2008 nęnę k’é, 37 ɂerıhtł’ıs hulta k’é.
  11. Reserved Care hulye sı: t’ąt’u dëne la k’e nodorełɂı̨h ha t’arlłdhęn ɂeyajá dé benanotą, April 2008 nęnę k’é.
  12. ku ɂëdırı ɂerhıtł’ıs k’ı ɂëdırı ghą yatı theɂąsı beye “Reservists nodorełɂı̨h” or “Primary Reservists t’ątthe nodorełɂı̨h” huto t’a la dałtsı sı ɂeła ɂerıhtł’ıs ye. Kulı ɂeyı yatı k’ı hotıe degharé beghą yatı sehoɂąlé t’ą Reserve Force hots’ı̨ huto Canadıan Rangers hots’ı̨ bedı̨ halya hutó bek’ojąlé huto ɂëła ɂëłk’esı beghą yatı́ ɂëłelt’e hutó.
  13. ɂëłotsele yatı bet’oreɂa t’ąt’u dëne nodorełɂı̨h ɂeyaja dé t’ąt’u bets’edı ha, 4090-02.
ku ɂëdırı net’ı̨ chu boghëdı́ (dënetth’ı chu dëne nı̨h) Candıan Rangers betth’ı t’ąt’é bası

ku ɂëdırı net’ı̨ chu boghëdı́ (dënetth’ı chu dëne nı̨h) Candıan Rangers betth’ı t’ąt’é bası

T’a húlɂą: ku t’ą k’oldé sı chu t’ą Rangers honaré k’oldé k’ı Rangers hodoghëłnı̨ kulı hotıé boghëdılé t’ą dëne ɂeyı ha nadarełyá beł net’ı̨ chu boghëdı́lé t’a ɂası hoghëdı́ k’é.

Dënexał dëne ha k’oldé bets’ı̨ yatı chu dëne hełɂá 5002-1, “Dëne benerıłtł’ıs” bek’edetł’ıs ɂahodı́ hu t’oho dëne benerıltł’ıs dé Canadıan Rangers hots’ı̨ dëne betth’ı heręłt’e hoɂą chu benı̨ tth’ı sughua bela hełtsı ha ɂeyı chu naıdık’olyą nelɂı̨hılé kulı ɂesǫt’ele sı.33 Ku benerıltł’ıs tł’ąghe dé dënexał dëne ha k’oldé beyatı chu t’a dëne ghı̨łɂah 2020-2, “Canadian Rangers hots’ı̨ dëne” ha yatı hadé ɂeyı dëne k’ı Canadıan Ranger gharı̨ya dé betth’ı chu benı̨ heręłt’e hoɂą.34 ku ɂey t’ąt’u hudzaı hadé “betth’ı yełtsı ha heręłt’e” ɂeyı yatı k’ı ɂąłų beghą nah dëne nıh theɂą sı dųhų.

Dëne benırıłt’ıs:

Ku dëne tth’ı t’ąt’e sı horelyų net’ı̨le łı t’atthe dëne benerıltł’ıs dé kulı horelyų t’a dëne ha hoɂası patrol group hulyé k’ı yası dëne net’ı̨ łı begharé yeręłt’e hutó ha.35 Ku nuhnı t’a horolɂą hadé ɂeyı t’ąt’u dëne benerıltł’ıs k’ı dëne t’ą behgaré ɂası k’enats’edı chu honesı Canadıan Rangers naradé chu yeba k’olde chu dëne kodhere chu yets’eranı̨ huto dëne naradé hozelker łı horelyų ɂeyı tth’ı bedargharé dëne naltsı.

Ku dëne benerıltł’ıs ts’ęn tth’u t’ahuɂą:

Ku hotthe hotıe dëne betth’ı t’ąt’e bek’oją dé nezų ha kulı hotıe net’ı̨lé, ɂeyı horelyų t’ok’e dahola sı dëne net’ı̨ łı betth’ı hel t’ahuɂası bası hęręłt’e dąlı̨ ha benerıltł’ıs ts’ęn tth’u. ku t’ok’e t’a Rangers ha k’olde naradé sı dëne nırı̨ltł’ıs łı ɂası hęręłt’e dąlı̨ ha net’ı̨ ha hotthe ts’ęn tth’u nıh tth’ı k’e horı̨shyą chu t’a la yue tth’ı ɂat’ı̨ sı k’olyą hu chu dëne hel tth’ı yałtı de t’ok’e nadher nare huto hotthe ɂëdırı ląt’e ɂası k’enaı̨dher nı̨dé dąlı̨ ha. Ku hotthe ts’ęn tth’u t’ą dëne bezı nı̨ɂą nı̨sı̨ bet’a due nųltth’ı nodhı ghonı̨ dé betth’ı hęręłt’ehılé ɂa bek’oją dé ɂeyı dëne benerı̨łtł’ıs ha horená ghonı̨ ɂeyı ɂa. ku ɂeyı dëne k’ı dëne ts’enı́ ha horelɂı̨h dé ba nųt’a ha. Ku dëne t’ą Rangers ha k’olde k’ı ɂëłk’ech’a dëne bet’oreɂá hoɂą t’a bela dałtsı dąlı̨ ha. Ɂeyı ɂa, t’ą dëne k’oldé k’ı beghare bek’oją t’oho losı ɂëdırı ląt’e ha benı́ dathëłtsı̨ de Canadıan Rangers dëne ɂëłk’ech’a t’orelɂá ha ba hoɂąsı́.

Ku nąnı̨ dëne hadanı̨dhęn hu hotthe dëne tth’ı net’ı̨ bet’oreɂá kulı nąnı̨ dëne be nezųlé dadı́ nı̨ dënexał dëne t’ąt’u net’ı̨ sı chu kǫt’u ɂedı̨nı̨ net’ı̨ danı̨dhęn. Ku dëne t’ą bozelker haradı hu Canadıan Rangers hots’ı̨ nąnı̨ dëne ɂeyı k’e nadarełyalé dųhų, horelyų denexał dëne beghare honet’ı̨ hadé Canadıan Armed Forces hobets’ı̨ ɂerıhtł’ıs ghare, nąnı̨ beghaıyé łą chu betth’ı tth’ı naratserlé ɂa. ku ɂeyı yatı t’oreɂá dé bet’a nąnı̨ dëne ɂası k’odorelyą sı bedı̨ halye ghonı̨ bet’a nąnı̨ dëne nıh chu ɂası k’odorelyą bedı̨ ghonı̨ Canadıan Rangers hots’ı̨ ɂąłnedh heł. Canadıan Rangers hots’ı̨ dëne hotıe dëne koradı́ t’a ɂası ɂa narałtı sı bası, nąnı̨ bedele suga natser, bedzıe ɂa daghı̨ɂá huto honezı ɂası ɂa nałtı dąlı̨ ghą ɂëłtth’ı dogholnı̨ nı t’ąt’u dënexał dëne net’ı̨ bası hoghëdı hoɂą. ku ɂeyı ɂerıhtł’ıs k’ı dënexal dëne begharé boghodı ha hoɂą la Canadıan Forces bebası, ɂeyı yatı k’ı Canadıan balɂı̨hlé nı t’a ɂası k’olyą chu t’ok’e naradé ghą ɂası k’olyą net’ı̨lé nı̨ heł.

Ku t’ą dëne ha k’oroldé haradı hu Canadıan Rangers hotıe deghare sughua hoɂąlé kulı dųhų t’a ɂası hoghëdı bası hadé chu net’ı̨ dé t’ąt’u Rangers hots’ı̨ dëne betth’ı heręłt’e ha net’ı̨ dé sughua hekoth sı dųhų. Ku t’ąt’u dëne net’ı̨ ha yatı theɂąlé ɂa chu t’ąt’u yatı hoghodı bası hųlı̨ ɂa t’ą dëne benerıltł’ıs borenı̨ sı t’ą dëne hotıe degharé ɂasıe hęręlt’e sı ba. Ku ɂeyı yatı hedı̨ ɂa bet’a dëne hoghodı beghare yatı k’ı: t’ą dëne benerıltł’ıs sı t’a ha bet’oreɂa sı ha net’ı̨ huto ɂeyaja de t’a hełtsı nı̨sı net’ı̨ hoɂą hotthe bek’oreɂą nı̨sı net’ı̨lé ha.

Ku dëne t’ą Rangers heł nadarełya k’ı honezı bets’edı ha hoɂą ghonı̨ chu benakoghodı́ tth’ı ghonı̨ Veterans Affaırs Canada betł’esı tth’ı nųt’a ha hoɂąsı Canadıan Armed bebası hultá ɂá t’oho beredı́ tł’ąghe dé veterans hulta sı. Ku ɂeyı t’a bets’edı hadé ɂeyaja dé bela thełtsı̨ ɂa huto sughuenahılé hajá de ɂeyı ɂa chu t’a bela hunúlthı nadłı̨ ha sedé, tsąmba chu sughuena ha bets’edı́ ha hoɂąsı. Ku t’a yatı begharé ɂası hoghodı bedı̨ kulı bezı nı̨t’á ɂësǫt’ele36 ɂeyı k’ı Canadıan Rangers bedı̨ halyé ha dué sı beł hoɂą.37

stacked info iconKu hotthe nuhnı ɂëją ɂëghalaıda yatı thı́ltsı̨ nı̨ ɂëdırı ghą yatı godhe begharé ɂası hoghodı́ ha yatı́ holı̨ nı̨ bet’a t’ąt’u dëne ts’edı́ ha chu dëne nakoghodı́ chu dëneghu ha dëne ts’edı́ horelyų t’ą nodorëłɂı̨h Reservısts ba. ɂeyer dé t’ą dëne ɂëdırı heł nadarełya k’ı hotıé ɂëłk’esı haldhęn ha yunadhé dé. 


 

  1. Dënexał dëne ha k’oldé bets’ı̨ yatı chu dëne hełɂá5002-1, Dëne nırı̨ltł’ıs t: t’a begharé benerı̨ltł’ıs ha yatı ɂëdırı ghare sı.
  2. Dënexał dëne ha k’oldé bets’ı̨ yatı chu dëne hełɂá2020-2, Canadian Rangers bets’ı̨ yatı.
  3. Ku ɂëdırı yatı k’ı horelyų nanehoɂá horolɂą nı̨ horelyų sǫlaghe Canadıan Rangers k’e dahola k’e t’oho dëne hozelker chu yatı nałtsı̨ honaré.
  4. Ku ɂëdırı yatı Canadıan Ranger ha net’ı̨ hoɂą t’ą dënexał dëne ghı̨le nı̨sı t’ąt’u bets’edı ha hoɂąs ıt’ąt’u hade t’oho benerıltł’ıs hotıé ba selaylé nı̨ ɂá, beghą yatı hołele kulı ɂësǫt’ele sı,  (dënexał dëne t’a begharé dëne la k’e nadarełya boghëdı́, Chapter 11 hulta).
  5. Ku ɂëdırı tth’ı honet’ı̨ hoɂą t’ą dëne ɂëghalana huk’e ɂesójá dé t’ąt’u dënexal dëne VAC hots’ı̨ t’ąt’u bets’edı sı k’esı hoɂą (ɂeyı hel kulı honezı tth’ı ha hoɂą dezą) Disability Benefits hulye ha ɂerıhtł’ıs sele hoɂą, Service Health Records ɂeya koę t’ąt’u benakoghodı hots’ı̨ yatı hu honezı net’ı̨ dąlı̨ hots’ı̨ yatı ɂedırı ɂerıhtł’ıs selya hel. Source: Email, hots’ı̨ ɂerıhtł’s hoghodı, Strategic Policy chu Commemoration t’a beghare ɂası hogodhodı, Dënexał dëne ghı̨le de ha nets’edı k’e Veterans Affairs Canada hulyé. Ku ɂąłų ɂëdırı beghą henerúsnı̨ nı̨dhęn dé Veterans Affairs Canada t’ąt’u dëne ts’edı ha, tsątsąne benı̨ hųlı̨ k’e ɂeją nųlı̨h la: www.veterans.gc.ca
T’ąt’u yatı hole chu boghodı́ chu t’ąt’u ɂası ghetł’el bası

T’ąt’u yatı hole chu boghodı́ chu t’ąt’u ɂası ghetł’el bası

T’a hulɂą k’ı́: ku t’ąt’u ɂası ghetł’el k’ı ɂëdırı bası hadé chu yatı hołé k’ı t’a yatı gharé ɂası k’enats’edé k’ı kesı́ sı.

Canadian Rangers hots’ı̨ dëne k’ı helɂa dé la ha honeltęn huto nadaneta k’enadé ɂı̨łaghe huto ɂası hełtsı ha helɂá dé bela hełtsı k’esı hulta sı.38 Horelyų t’a Canadıan Ranger bela sı hełtsı sı kąt’u helɂa dé ɂeyı chu bekoę t’a dałtsı sı tth’ı hulta sı.

Ku Canadian Rangers hots’ı̨ dëne k’ı hotıe boghedı́ hoɂą. Dënexal dëne hots’ı̨ Canadian Armed Forces haradı hu yune t’a ɂası holı̨ nı̨sı ɂëdırı “Canadian Rangers yek’enaı̨dé nı̨sı bek’anotalé nı ku ɂeyı ɂa t’a yełtsı̨ nı̨sı beł hoɂą.”39 ɂeyı ɂá xaıt’asé 2013 nęnę k’é, dënexał dëne ha k’olde Canadian Armed Forces hots’ı̨ dëne ɂerhıtł’ıs datheltsı̨ nı̨ beghare ɂası hoghëdı ha t’ąt’u dëne Canadıan Rangers ha ghı̨yı̨ dé t’ąt’u ɂeyı ha bek’anotá ha.40

Ku dųhų t’ąt’u dëne ɂeyı ha boghedı́ chu t’ąt’u beghą ɂerıhtł’ıs thela sı bası Class “A” k’esı hulta sı, thılé hots’ęn hadé Class “B” k’esı hulta sı41 , ku “C” hadé t’ąt’u boghedı́ hadé ɂeyı ɂası k’ı Canadıan Rangers bets’ęn hultalé sı bets’edı ha ɂeyaja dé chu honezı ɂası ha, t’ąt’u benakoghodı́ dąlı̨ ha toho Ranger ghı̨le ha t’a thęłtsı̨ nı̨sı ha.

Ku ɂąłų beghą henerusnı̨ nı̨dhęn dé ɂeją nųłɂı̨h la Canadian Rangers Tasks and Operations.


  1. ku t’a yatı theɂą t’ąt’u honezı t’a ɂası dałtsı sı bası (SOODO) 3000-1 (J5), Appendix 2 hulta, Annex HH: t’at̨’u dëne nodorełɂı̨h Reservısts boghedı ha
  2. Canadian Rangers Patrol Types Matrix t’ąt’u ɂerıhtł’ıs holı̨ nı̨ ghą yatı detł’ıs nı̨, 3 October 2013.
  3. Canadian Rangers Patrol Types Matrix t’ąt’u ɂerıhtł’ıs holı̨ nı̨ ghą yatı detł’ıs nı̨, 3 October 2013.
  4. Class “B”hulye t’ąt’u nadarełya Reserve ha dëne donelt’e dzı̨ne ts’ęn 180 boghedı k’ı yatı k’enoreltth’el ɂëdırı Class “B” Reservists hulyé ba. ɂëdırı yatı t’ąt’u dëne ɂeyaja dé boghedı ha Injured Military Members Compensation Act k’e yatı detł’ıs hadé “180 dzı̨ne ɂąsı” achu “180 dzı̨ne k’aɂų”. kulı Canadian Armed Forces bets’ı̨ yatı k’ı ɂëładųhų ɂa bet’a horena ląt’e sı Nahıe bek’e detł’ıs 180 dzı̨ne ɂąsı hu nąnı̨ bets’ęn hut’a sı. ɂeyı ɂa hotıe horelyų benet’̨ dezą t’a 180 dzı̨ne t’ahodı́ sı bası. Ku honesı t’a yatı begharé ɂası hoghodı́ chu doɂąsı bek’e yatı dela hılé t’anıłtha dëne ha hoɂą bası ɂëdırı Class “B” hobası.
T’ąt’u dëne ɂeyaja chu ba ɂeya hajá dé net’ı̨

T’ąt’u dëne ɂeyaja chu ba ɂeya hajá dé net’ı̨

T’a hulɂą: Canadian Rangers hots’ı̨ dëne t’oho losı ɂeya hajá dé huto borı̨dher huto dé t’ąt’u beghą yatı hołé chu boghëdıhılé sı.

Ku t’axą hots’ı̨ dëne ɂeyajá huto borı̨dher dé, Canadıan Armed hots’ı̨ dëne ɂëdırı hełtsı hoɂą:

  • Horelyų t’a ɂası hoghëdı́ t’oho lose dënexał dëne łeghaı̨dher dé42 ɂëłtth’ı begha yatı holı̨ chu t’ą yatı holı̨ bek’onı̨;
  • Ku t’ą bets’ı̨ɂąne dëne hųlı̨ sı k’orats’edı hoɂą t’ąt’u bets’edı́ walı sı ha t’oho dënexal dëne besodohołı̨ dé;43 ɂeyı chu
  • Dëne ɂeładųne ts’ęn dı̨ltı hade ɂeyı ha tth’ı bets’edı hoɂą t’a ba ɂeyaja sı benaredı́ tł’ąghe dé benakoghodı́ ha t’ok’e losı ts’ęn.44

ɂa hotıé yatı hołé chu dëk’erıłtł’ıs hoɂą begharé ɂası hoghodı́ ha t’ąt’u ɂeyaja chu borı̨dher de dąlı̨ ghą t’ąt’u ɂá ɂëdų sı bek’oją hoɂą t’a bela hełtsı huto tthęne ts’ęn borı̨dher chu ɂeya dé ha.45

Ku ɂëdırı ɂerıhtł’ıs holı̨ k’ı dëne ɂeyarajá chu dadá or borı̨dher beghą k’e ɂerıhtł’ıs k’ı (ɂeją bek’ı̨ne dé CF 98 hudzı hası́) ɂeyı tthere hulta sı begharé yatı hołé chu bek’onı̨ t’ąt’u dëne ɂeyaja huto dada ɂa borı̨dher dąlı̨ ha46 k’ı ɂeyı horelyų Canadıan Armed Forces dënexał dëne seyılé hoɂą dëne t’ąt’u ɂeyaja bası ghą.47 Ku ɂëdırı xa k’older Director Casualty Support Management hulye k’ı  horelyų ɂerıhtł’ıs nırályé k’ı CF 98s bası betł’alyé hoɂą yoghołnı̨ ha48 holrelyų ɂerıhtł’ıs ɂëdırı CF 98 hots’ı̨ yek’elnı̨ ha. Kulı nuhnı̨ t’a horılɂą k’ı k’asjęne 70% hut’a ts’ęn ɂerıhtł’ıs nı̨lya (74 hulta 106 hots’ı̨) Canadian Ranger bets’ı̨ CF 98 ɂerıhtł’ıs k’ı t’ak’oldher bets’ęn nı̨lya nı̨ Director Casualty Support Management hulye t’anı̨ltha beba nı̨t’a yenanetá ha ba nųt’ą k’eyaghe. Ku ɂëdırı t’a horulɂą k’ı.

Ku nuhnı t’a nadıta hots’ı̨ yatı hadé Canadıan Rangers hots’ı̨ dëne t’oho losı ɂeyaja huto de yeghyą yatı hełtsılé. Ku t’ą hodorılker hots’ı̨ hadé Canadıan Rangers hęlı̨ haradı́ hu ɂeyasjá henı̨ bela hełts’ı huk’é, 52% haradı hu ɂerıhtł’ıs seralahılé dadı́ t’oho ɂesojá tł’ąghe dé t’ąt’u ɂeyaja ghą. Ku Canadıan Rangers hots’ı̨ dëne ɂeyı ghą doradı́ nı̨ t’ąt’e ɂa yeghą ɂesoradı́lé k’ı doɂąsı ɂayasja hılé nesdhęn ɂa henı́ , ɂëładųne ts’ęn hots’ı̨ benakoghodı́ dudąne ɂeyı chu beredı́ ha nı̨dh̨en ɂá bela hots’ı̨ yeghą ɂesódı́ de chu yunadhé bedı̨ ɂası hołé dąlı̨ ha daneljer ɂá yeghą ɂsoradı́lé nı̨.

Ku ɂëdırı tth’ı benahónı̨ hoɂą t’oho losı ɂerıhtł’ıs holé dé degharé ɂası nodher ghą yatı́ hołı̨lé łą nodher sı Rangers beł nuhnı hotthé t’a ɂası horúlɂą nı̨ dëne nodorełɂı̨h beł Reservısts hulyé. Ku dëne yeghą ɂësonı̨dhęn ch’a chu bela beghą hule hodorelɂı̨hıle ɂa dëne łą yatı dałtsıle ɂësoraja dé.49 K’adąne hotthe ɂëdırı ghą yatı holı̨ nı̨, dënexał dëne ha k’olde Canadıan Armed Forces hots’ı̨ dëne chu Dënexał dëne xa k’oldé Department Natıonal Defense hots’ı̨ t’ą dëne ɂeyaraja sı bets’edı ha horenı̨lé t’a ɂa ɂeyajá sı ghą yatı́ thełtsı̨lé dé.”50

Ku ɂałų ɂëdırı ghą henerúsnı̨ nı̨dhęn dé ɂeją nųłɂı̨h la Health Care for Canadian Rangers.

Nake 2 yatı holı̨:

ɂëdırı dënexał dëne ha k’oldé hedálıdı́ Department National Defence hots’ı̨ k’oldé k’ı chu Canadian Armed Forces ha k’oldé chu bąnełt’u beyatıe ɂëła thëɂą hoɂą t’ąt’u dëne ɂeyaja chu borı̨dher de ghą t’ąt’u yatı́ detł’ıs dąlı̨ ha ɂeyer de Canadıan Rangers hots’ı̨ dëne bech’a ɂası darętı̨ ghonı̨ dé bets’edı́ ha ɂësója tł’ąghe dé.


  1. Ku t’a nuhnı̨ nanıtá hadé ɂeją nuhets’ı̨ Office hots’ı̨ dëne t’a danı̨łɂı̨h hadé, dëne ɂeya chu ɂeyaja hut’a łeghaı̨dé hılé.
  2. Ku t’a nuhnı̨ nanıtá hadé ɂeją nuhets’ı̨ Office hots’ı̨ dëne t’a danı̨łɂı̨h hadé, dëne ɂeya chu ɂeyaja hut’a łeghaı̨dé hılé.
  3. Defence Administrative hots’ı̨ t’ak’oldé dëne hı̨łɂa yatı́ holı̨ -0, dënexal dëne ɂeyarajá chu besdóhołı̨.
  4. Email nuheghąnı̨na t’ą t’ak’oldher dëne hesdołı̨ tł’ąghe dé dëne ts’edı́ 12 hulta April 2017 nęnę k’é.
  5. t’ąt’u ɂëdırı ɂerıhtł’ıs holı̨ ɂëdırı begharé CF 98 hulye dëne ɂeyajá, dadá huto borı̨dher dé ghą ɂerıhtł’ıs.
  6. Ku ɂëdırı yatı holı̨ k’ı beghare dëne hoghedı́ ha (i.e. bet’a yatı theɂą ha t’oho ɂeyaja tł’ąghe de beghare bets’edı́ ha), ku dënexał dëne beghare bek’edı́ ha hoɂąsı Department National Defence hots’ı̨ chu Canadian Armed Forces hobets’ı̨ (i.e. ku t’oho dëne ɂeyaja dé bela hełtsı huk’e kulı bela hełtsıhılé ɂejajá dé ɂeyı ha ɂerıhtł’ıs sele dé bets’edı ha). It could also be important if an injury was aggravated by military service, and it is the basis for the majority of ku nąnı dëne tth’ı t’oho dënexal dëne hęlı̨ huk’e ɂeyaja dé ɂeyı ts’ı̨ɂąne ba due hajá dé ɂeyı ɂa dënexał dëne ts’edı k’esı halyé ha hoɂą ɂeją̨ Veterans Affairs Canada t’ąt’u benı̨ dałtsı hadé t’ąt’u benakoghodı́ ha t’ok’e hoɂąsı bası ɂeyer gharé.
  7. Defence Administrative hots’ı̨ t’a k’oldé t’ąt’u dëne hı̨łɂá ɂedırı yatı 5018-2, ɂëdırı ɂerıhtł’ıs holı̨ k’ı dëne naıdısłı̨ne ts’ı̨dhılé hoɂı̨h dé gh̨a yatı détł’ıs.
  8. Nąnı dënexał dëne ɂëłotsele ts’ęn nadarełya kulı t’a ɂejaja k’ı ts’ethı̨lę ɂeyaja k’esı hulta: ku ɂeyı yatı net’ı̨ k’ı t’ą dëne nodorełɂı̨h Prımary Reserve ha t’ąt’u ɂeyarajá sı beghą ɂerıhtł’ıs holı̨ nı̨.
  9. Nąnı dënexał dëne ɂëłotsele ts’ęn nadarełya kulı t’a ɂejaja k’ı ts’ethı̨lę ɂeyaja k’esı hulta: ku ɂeyı yatı net’ı̨ k’ı t’ą dëne nodorełɂı̨h Prımary Reserve ha t’ąt’u ɂeyarajá sı beghą ɂerıhtł’ıs holı̨ nı̨.
Honezı t’a ɂası boghëdı́ hoɂą

Honezı t’a ɂası boghëdı́ hoɂą

T’a hulɂą: Canadian Rangers hots’ı̨ dëne t’ąt’u ɂeya de benakoghodı́ hadé t’oho ba due nųnı̨dher dé, nak’e horená łı t’ok’e naradé naıdık’olyą ghą nadeł ha nı̨dhá ɂa benęnę hots’ı̨.

Canadian Rangers hots’ı̨ dëne k’ı yutthęn nąné hoɂá k’asjęnę 200 haıyórı̨la naradé sı Canada nask’athe t’ok’e dëne łą naradélé naré,51 nahıe dzırét’aıyı ye hut’a ɂeyer ts’ęn nats’edıł hut’a. Ku t’ok’e Canadıan Rangers naradé k’ı́ t’ąt’u ɂası dałtsı kulı ɂëdų sı ɂëdırı naradé gharé.52

Ku Reservists dëne nodorełɂı̨h k’ı ɂëdırı Class “A” hulyé k’esı́ hulta sı́, Canadian Rangers hots’ı̨ dëne k’ı t’ok’e nakóghódı́ k’ı bets’ı̨ ɂeya koę dahóla t’odorełɂá łı́ benakóghódı́ ha benęnę naré ku ɂeyı datedhe tth’ı tha nodorełɂı̨h dadı́ t’oho losı naıdık’olyą nedhe heɂı̨ horelɂı̨h dé benakoghodı́ ha terrıtorıal, provıncıal chu federal nıhts’ęn k’olde betł’esı́ dé borenı̨lé łı́ ɂá. Canadian Rangers haradı hı tha nodorılɂı̨h łı nuhenet’ı̨ ha ɂası nedhé ha naıdık’olyą bası ku yutthęn nęnę t’ok’e naıdık’olyą nądıł hut’a dé borenı̨lé łı dadı́. Ku nąnı́ beł hoɂą k’ı naıdık’olyą ɂı̨łaghe sa danełt’u ła hut’a nądıł dąlı̨ dé ba horelnı̨ łı het’ı̨ ha benęnę honaré ku ɂeyı hats’edı́ hu t’ą net’ı̨ hoɂą kulı het’ı̨lé łı. Ku nąnı́ dëne sughua henahılé tth’ı beł kahúɂą net’ı̨ hutó benakoghódı́ ha horena dadı́ sı ɂëdırı yatı ɂá. 

Ɂa t’ą dëne Canadian Ranger ha k’oldé k’ı horelyų haradı́ hu t’oho losı dëne benı ha bets’edı́ ha hodorelɂı̨h dé borenı̨lé dadı́ sı. Ku t’ą k’oldé bodorelker haradı́ hu ɂëdırı t’a beghą yatı k’ı nanet’ı̨ hodorelɂı̨h t’ąt’u dënenıh he dëne nadoghodı́ ha.53 Ku ɂëdırı dënexał dëne ha k’oldé Canadian Armed Forces hots’ı̨ korádı́ nı, Canadian Rangers t’a bela dałtsı́ hots’ı̨ benı ɂa horená łı nak’é (t’axą t’oho dëne hulé kadánetá dé hutó), ɂeyı chu ɂı̨łą k’older hadı hu “t’oho ba horená dé ɂası hųlı̨ hoɂą bets’edı́ ha.”54 Ku t’a ɂası horená ląt’e hadé ɂëdırı bası k’ı dëne nıh bası dëne ts’edı́ ha dëne nakoghodı́ dëne łąhılé sı yutthęn nęnę nąne hoɂá. Ɂeyı chu nąné hoɂá dëne nıh ha naıdık’oralyą hotıe dëne henerenılé hutosą t’ąt’u Rangers bela dałtsı́ horená sı.

Canadian Armed Forces  dënexał dëne hots’ı̨ k’ı Canadian Rangers ts’eranı̨ hoɂą t’oho benakóghódı dąlı̨ hadé t’ąt’u ɂëdırı Surgeon General’s Interim Guidance beyatı́e hobası́55. ɂa Canadian Rangers yutthęn nąne hoɂą beł hoɂą ɂá ɂëdırı Canadian Armed Forces betł’esı bets’edı hadé benęnę ch’ası heghá dé benakoghódı́ ha t’ok’e Ranger benęnę ch’ası́. ɂeyı ɂa t’oho losı Rangers beł konodher dé ba horenı̨lé łı dzıreghaı ha dënedéłı̨ne nęnę hots’ı̨. Canadian Rangers hots’ı̨ dëne koradı́ nı̨ nuheheł, t’ąt’e ɂa ɂası benadoghodı ha heyahıle nı̨dhá ɂá yunaghé ts’ęn ɂëdırı Armed Forces betł’esı bets’edı hadé. Ku ɂëdırı Canadian Rangers haradı hu datthath dadı́ nı̨ benakoghodı ha yunaghe ɂeya koę hots’ęn hedeł ha, dëne tth’ı yets’enı̨ ha hųlı̨lé dąlı̨ ɂá. Ku yeghą k’oldé tth’ı kodanı̨dhęn sı ɂëdıre ghą t’ąt’e ɂa Rangers datthath yunaghe ghedéł ha ɂeya koę hots’ęn.

ɂałų beghą ɂerıhtł’ıs k’eyostı́ nı̨dhęn dé, Appendix D hulyé—T’ąt’u Canada hulyé ɂerıhtł’ıs.

Taghe 3 yatı holı̨:

Nuhnı hadanıdhęn hu ɂëdırı dënexał dëne ha Department National Defence hots’ı̨ dëne ɂëdırı Canadian Armed Forces hots’ı̨ ɂëła t’ąt’u Canadıan Rangers hobets’edı hoɂą k’ı hotıe yets’eranı̨ hoɂą ɂeya bası nakoghodı́ ha:

3.1 Canadian Rangers heł ɂëghadalna t’ąt’u ɂası ɂa ba horená t’oho benakoghodı́ ha ɂası k’enadé hıja1́ dé Canadıan Armed Forces hobets’ı̨ dëne nakoghodı́ hot’sı̨ ɂası t’ąt’u dëne ts’eranı̨ chu dënech’alanıe honet’ı̨ heł.

3.2 ku t’a ɂası hedı̨ narałtı k’ı hulɂah chu bonıldhı́ chu Canadıan Armed Forces bebası t’ąt’u dëne nakodhodı hulɂah t’ą dëne Canadıan Rangers heł nadarełya t’a hodorelɂı̨́h sı bası.

stacked info iconK’adąne hotthe ɂëdırı horólɂąh nıh ɂeją ɂëghadalaıdá k’ı t’ą dëne Prımary Reservısts dolye k’ı hotthe nodorełɂı̨h t’oho ɂeya hųlı̨ haja huto ɂeyaja dé bela hełtsı́ huk’é, ɂeyer de bets’edı́ ha hoɂą ɂëłk’ech’a ɂasıe ba hoɂą t’ąt’u betsëdı walı sı ha.

Ɂa Rangers hots’ı̨ dene k’ı Reservısts k’esı hulta ɂá ɂëdırı hahıyé ɂası hųlı̨ k’ı tth’ı t’orełɂah ba hoɂąsı.

- “t’at̨’u Reservists hulyé bets’edı ɂeya hųlı̨ hutó ɂeyajá dé ha”, February sa k’e 2016 nęnę

- ku nahıye net’ı̨ hadé: Class “C” hots’ı̨ hoɂąsı net’ı̨ hadé t’oho dëne bela hełtsı dé ɂeyaja huto ɂeya hųlı̨ dé t’oho la k’e theyı̨ huk’e ɂëdırı nıhts’ęn k’oldé berıhtł’ıs gharé Government Employee Compensation Act yatı gharé bets’edı́ ha hoɂą̨sı.

T’a hulɂą: Łą Canadian Rangers hots’ı̨ dëne k’ı t’ąt’u bets’edı́ walı ɂëdırı Canadian Armed Forces bets’ı̨ dëne ts’edı́ ha k’dorelyąlé sı dųhų.

Ku t’ą k’older t’ałɂa dënexał dëne hots’ı̨ hadı́ hu “t’ąt’u dëne xał dëne ha k’oldé k’ı CF hots’ı̨ k’ı ɂëłk’esı haldhęn hoɂą hotıe ɂëdırı ɂası tth’ı henerenı̨ hoɂą Canadıan Forces hots’ı̨ t’ąt’u bets’edı́ walı sı ha…T’ą k’oldé sı bela sı ɂeyı k’ı.”56 kulı ɂëdırı t’a yatı hųlı̨ sı hoketł’a Canadıan Rangers bets’ęn het’ał hılé sı t’ąt’u bets’edı chu t’ą beba hųlı̨ sı ghą. Ku ɂëdırı ɂerıhtł’ıs k’ı ɂëłotsële hots’ęn t’ąt’u beghare t’ą dëne Reserve k’e nodorëłɂı̨h  sı ba k’e dohódı́ “hotıe deghare ɂëdırı hıłtsı… t’a dëne Reserve Force heł nodorełɂı̨h k’ı yenerenı̨ t’ąt’u bets’edı walı́ sı ha.”57

Ku dëne t’ą ɂëła nadarełya k’ı́ yatı ɂëłts’ęn det’al hoɂą t’ą k’oldé hots’ı̨ yeyaghé nadarełya sı bets’ęn horelyų dëne ɂëłk’esı hultá hoɂą ɂëdırı hobası́. Ku nąnı t’ą k’oldé sı t’ok’e dëne nadarełya sı bası haradı́ hu t’a yatı hųlı̨ sı t’ąt’u dëne ts’edı́ sı hotıé deghare yatı det’al hılé sı koradı́ ɂëdırı ghą t’a yeghą dayałtı sı bası huto ɂı̨łąghe hutó Rangers hots’ı̨ ɂeyajá ts’ı̨ɂąne ɂası horeké hı̨ldų.58 Ku nąne dëne hodonełtęn haradı́ hu ɂałų ɂëdırı bası hodonełtą nı̨dé nezų bet’a hotıe t’a yatı hųlı̨ sı k’odorelyą ha t’ą yekeredéł dąlı̨ bebası chu t’ą heł nadarełya tth’ı beł. Ku nı̨ dąnełt’u Ranger ha dëne honetęn dëne1-2 huto ts’ęn, ku t’axa naghá k’ı t’a dëne honetęn k’y ɂeyı hut’a ha naghá. Ku ɂeyı ɂa t’ą dëne honełtęn dëne k’ı tha naghahılé ɂá tha ba hoɂąılé dëne honełtęn ha t’a hełtsı hoɂą bası. Ku ɂeyı datedhe hadé horelyų Rangers hots’ı̨ dëne tth’ı beł ɂası hołele t’oho dëne honeltęn chu nıh k’e dzıredıł hutó dé, bet’a ɂası horena hut’ı̨ łı ɂëdırı bası t’ąt’u horelyų Rangers bets’ęn ɂëłk’esı yatı nı̨t’á hadé.

Ku t’oho dëne ɂëdırı Canadian Ranger gharı̨ya dé t’attthe honełtęn ɂëdırı Basic Military Indoctrination hulye sı—t’oho net’ı̨ hut’a ha bonıldher nı̨ 2016 nęnęn k’e t’ąt’u dëne honeltęn bonıdhı gharé ha holı̨ nı ku ɂëdırı k’ı Developmental Period 1 hulye t’ą dëne Canadian Ranger gharı̨ya sı ba — ɂeyı t’a honet’ı̨ hadé, ɂası hetł’el honeltęn, t’ąt’u bets’ęn nanı́ chu t’ąt’u bets’ı̨ ɂasıe hoghëłnı̨. Ku t’a begharé dëne honeltęn ɂerıhtł’ıs k’ı t’ąt’u ɂeyaja dé ha bets’edı k’ı yatı dodı sı beyé chu t’ąt’u benakoghodı́ dąlı̨ Canadıan Rangers beba. Ku t’a beye ɂası dëneltęn dëne yegharı̨ya ba hųlı̨ Rangers beba kulı hųlı̨ hut’a bet’oreɂahılé sı.

Canadian Rangers hots’ı̨ dëne t’ą hodorelker k’ı ɂëłk’ech’a yatı noghádathëɂąnı̨ t’oho Canadıan Armed Forces t’ąt’u dëne ts’eranı̨ bası ɂeya koę chu ɂeyı ląt’e ɂası ghą. K’asjęnę horelyų̨ haradı́ hu t’ąt’u ɂa bets’edı́ walı sı ghą k’odorelyąlé chu ɂeyaja dé bets’edı́ ha “bets’edı́ ha ɂeyer nųnıd̨er dé”.

Ku ɂëdırı ɂası bet’oreɂá sı benahonı̨ hadé Canadian Rangers hots’ı̨ dëne t’ąt’u bets’edı́ sı ha yenerenı̨ hoɂą ɂeyer dé t’oho bets’edı́ ha nųnı̨dher dé ɂëłtth’ı benı̨ hełtsı ha t’a ba hoɂąsı bası́. Ku hotıe ɂëdırı ghą henerenı̨lé dé bet’a be due ghonı̨ t’oho ɂëdırı t’orełɂá ha nųnı̨dher dé yunadhe.

T’a húlɂą: Canadian Rangers hots’ı̨ dëne ɂası nenerenı̨le t’oho ba due nųnı̨dher dé ɂeją dënexal dëne hots’ı̨ Veterans Affairs Canada bets’ı̨ɂąne bets’edı ha hoɂąsı bela theltsı̨ ha.

Veterans Affairs Canada t’axa hoɂą k’ı ɂası ł̨ą bets’ı̨ t’oreɂásı dëne ts’eraı̨ ha dëne t’ą ɂëghadaına chu t’ą bela ch’ası hedeł dųhų Canadıan Rangers chu bekoę dëne naradé sı beba. Ku ɂëdırı t’a ɂası bet’oreɂa chu t’ąt’u dënets’edı́ ɂeyaja huto borı̨dher dé t’ąt’u benakoghodı́ t’ats’ęn sughua hanedé hots’ęn.59

Ku t’ą benakoghodı k’ı dëne helı̨ henı̨ haradı hu t’oho ɂeyaja hu kots’edı́ nı̨ t’oho ɂejahaja hu bets’edı ha horı̨ker nı̨ hu Veterans Affaırs bets’ęn Canada nask’athe ha bets’edı ha—ku dëne

łą haradı hu (89%) dëne yatı nıdathëɂąhılé. T’ąt’é ɂa yeghą ɂësoradılé k’ı́ hotıé yenerını́lé ɂá t’a ɂası bets’edı́ walı sı ghą Veterans Affaırs Canada dënexał dëne t’ąt’u bets’edı sı ha.

Nahıe ɂası hųlı̨ sı dënets’edı ha ɂeją  dënexał dëne bets’edı́ Veterans Affairs Canada betł’esı t’a ɂası dëne ts’edı sı bası t’ą dënexał dëne Canadian Armed Forces bets’ı̨. kulı ɂëdırı horena ląt’e sı t’oho Canadian Rangers bets’ęn nųt’ą dé bets’edı́ ha nųnı̨dher dé, honezı dënexał dëne t’ą Canadian Armed Forces hel nadarełya dé bets’edı, Canadian Rangers dëne de t’oho beghaıye nı̨ya dé la ch’ası heghá hoɂąhıle sı hųhų. Canadian Rangers la k’e nadarełya t’anıłtha la heręłt’e ha due ts’ęn ba hoɂąsı ɂeyı chu t’a boret’ı̨ hadé betth’ı heręłt’e huto kǫt’e ɂası hoghedılé sı.60 2013 hots’ı̨ 2016 hots’ęn kǫnełt’e hulta 3.8% hanełt’e Canadian Ranger hots’ı̨ beredı sı nı̨h danełt’u la ch’ası.61 Ku dëne t’a sǫlaghe hanelt’e hots’ı̨ t’ok’e Rangers hel hoɂą k’ı t’ą dëne Canadıan Rangers heł nadarełya k’ı t’ats’ęn łeghądé hots’ęn la k’e nadarełya sı ɂëdanat’elé. 

Canadian Rangers’ hots’ı̨ dëne hotıe ɂëdırı henerenı̨lé ɂa ɂëdırı dënexał dëne bebası Veterans Affairs Canada bets’ı̨ɂąne t’ąt’u bets’edı́ walı sı ha ɂeyı ɂa ba horena ghonı̨ sı.

Yatı dı̨ghı̨ 4 holı̨:

Tą dëne ɂëdırı ha k’oldé ɂëdırı yatı kodalıdı́ sı ɂeją Department National Defence hots’ı̨ chu Canadian Armed Forces hots’ı̨ dëne yatı naıłná hodorılɂı̨h ɂëdırı Canadian Rangers hots’ı̨ dëne ɂası henerenı̨ t’ąt’é ɂa ɂëdırı bet’oreɂá ɂejaja dé ɂeyı chu ɂası henerenı̨  t’ąt’u benakoghodı́ chu t’a ɂası beba thela sı bası́:

4.1 Horelyų ɂëdırı bası yatı ɂëłgharęlye Canadian Ranger bets’ı̨ t’ąt’u dëne bets’edı chu nakoghodı́ chu t’a yet’orełɂa ha; ku ɂëdırı yatı k’ı dëne bekaralye hoɂą Canada Rangers t’ok’e beł hoɂąsı yunadhe, xaıt’ası 2018 nęnę̨ k’e.

4.2 ku ɂëdırı t’a yatı holı̨ k’ı horelyų t’oho losı dëne honeltęn chu t’a honeltęn k’ı Canadian Rangers hots’ı̨ dëne yunadhe, xaıt’ası 2018 nęnę k’é.


  1. ku t’a yatı ɂëdųhų bet’orɂá ɂëdırı ɂası hołé ha ɂeją (SOODO) 3000-1 (J5), Appendix 2 hułta, Annex HH: Reserve Force Personnel hots’ı̨ dëne t’ąt’u la ha benerıłtł’ıs.
  2. Canadian Rangers hots’ı̨ hozelker, t’oho ɂeya koę bası nakoghodı́ yuɂąne James Bay tąmbąghé hots’ęn.
  3. Canadian Ranger hots’ı̨ dëne t’ą t’ok’e naradé nare k’older bozelker Commanding Officer hulyé.
  4. Canadian Ranger hots’ı̨ dëne t’ą t’ok’e naradé nare k’older bozelker Commanding Officer hulyé.
  5. ɂëłotsele hots’ęn t’ąt’u ɂası hołé dųhų ha t’ąt’u dëne nodorełɂı̨h benakoghodı́ ha, 4 090-02 hulta
  6. t’ak’oldher t’ałɂah bets’ı̨ ɂerıhtł Defence Staff hulyé bets’ı̨: t’ąt’u dëne ɂeyaja dé benakoghodı́— Reserve Force hots’ı̨ dëne, November 2011 nęnę k’é.
  7. ɂëłotsele hots’ęn t’ąt’u begharé dëne nodorełɂı̨h ɂeya koę bası bets’edı́ ha, t’ąt’u hołe chu t’a yatı t’oredhı́ ha.
  8. Ku t’ą dëne hodorełker ɂeją nąne hoɂá 5 Canadian Ranger t’ok’e daholá hots’ı̨. ku t’ą horelker sı t’ą k’olde dąlı̨ ghą k’odorelyą hılé chu t’ąt’u bets’edı́ dąlı̨ ghą ɂası k’odorelyą hılé nı̨.
  9. Email huhghą nı̨náVeterans Affairs Canada bets’ı̨ April 4th hulta , 2017 nęnę k’e.
  10. “ku ɂałų ɂeją dëne heł theyı̨ horelɂı̨h dé ɂëdırı CR hots’ı̨ dëne k’ı hęręłt’e chu bela hełtsı tth’ı hoɂą; ɂeyı chu b) t’oho bela ghą yałtı hadé hotıé haıyılé ha dëne yeghą ɂası henerenı̨ horelɂı̨h huto dé, the Canadian Ranger hots’ı̨ dëne t’a honet’ı̨ k’ı hadé CAF”. “betth’ı hęręłt’é” hotıe behayatılé. Dënexał dëne hots’ı̨ t’a yatı holı̨ beghare ɂası hołé ha 2020-2 hulta k’ı, Canadian Rangers hobets’ı̨.
  11. Canadian Ranger National Authority bets’ı̨ t’a yatı hulta ɂeją Canadian Ranger t’a beghą yatı hołı̨ nı̨sı́.
T’a yatı holı̨

T’a yatı holı̨

Yatı ɂı̨łaghe 1 holı̨:

Ku ɂałų nadłı̨ hu ɂëdırı dënexał dëne ha k’olde Department National Defence chu t’ą dëne k’oldé Canadian Armed Forces hots’ı̨ banełt’u ɂëła t’a yatı bet’oreɂahıle chu beneredılé k’ı t’ą dëne nodorełɂı̨h Reservısts hulye bebası t’at̨’u ɂeyaja dé sughua bets’edı́ walı sı yunadhe nake nęnę łuk’e 2019 ts’ęn tth’u halya nı̨dé nezų ha.

Yatı nake 2 holı̨:

T’ą dënexał dëne ha k’oldé  Department National Defence chu Canadian Armed Forces chu t’ą k’oldé ɂëdırı bets’ı̨ k’ı t’ą dëne Canadıan Rangers hel nadarełyá k’ı ba ɂeya huto ɂeyaja dé t’ąt’u beghą yatı hołe chu yatı k’enı̨ k’ı boghedı hoɂą beghą dodı ch’a bets’edı hadé ɂëdırı bası́.

Yatı taghe 3 holı̨:

Kut’ą dënexał dëne ha nadarełyá Department National Defence chu Canadian Armed Forces hots’ı̨ dëne t’ą k’oldé k’ı́ t’ą dëne Canadıan Rangers heł nadarełya k’ı benakoghódı hoɂą ɂeją ts’ęn tth’u:

3.1 Canadian Rangers heł nayatı hoɂą ɂëdırı kadanetá ha t’ąt’é ɂası ɂa ba horená chu t’ąt’u Canadıan Armed Forces bets’ı̨ dëne nokoghodı́ hoɂąsı t’ąt’u yet’orı̨łther walı́ sı ha benęnę nare chu t’a beba nezų sı bası́.

3.2 ku ɂëdırı ɂası tth’ı hulɂah chu t’ąt’u dënexał dëne ha k’oldé Canadian Armed Forces hots’ı̨ t’ąt’u hoɂąsı Canadian Rangers hots’ı̨ dëne t’ąt’u yet’orı̨łther walı sı ha hulɂáh hoɂą.

Yatı dı̨ghı̨ 4 holı̨:

Ku dënexał dëne Department National Defence chu Canadian Armed Forces t’ą k’oldé ɂëdırı bąnełt’u kodalıdı́ hodorılɂı̨h sı t’ą Canadian Rangers hots’ı̨ dëne hotıe yenerenı̨ hoɂą t’ąt’u t’oho losı ɂeyaja dé yeghą yatı detł’ıs chu yełtsı hoɂą t’ąt’u bets’edı ha tth’ı yenerenı̨ hoɂą chu t’a honezı bets’edı́ walı sı ghą ɂeyı t’ąt’u halyé hası ɂëdırı sı:

4.1 horelyų t’a yatı hųlı̨ sı ɂëdırı Canadian Ranger bets’ı̨ t’ąt’u dëne nakoghodı́ chu t’a beghą yatı hųlı̨ sı ɂëła nı̨lyé hu t’ą dëne horelyų Canadian Rangers heł nadarełya k’ı bekałyé hoɂą beyatıe t’a chu honezı yenerenı̨ ha selyé hoɂą xaı̨t’ası 2018 nęnę k’e ts’ęn tth’u.

4.2 ku honezı hadé t’ąt’u Canadıan Rangers hodoneltęn k’ı begharęye xaıt’ası 2018 nęnę ts’ęn tth’u.

T’a nądé yatı nı̨t’á

T’a nądé yatı nı̨t’á

Ku t’a ɂası horólɂąh k’ı t’a bet’a horená sı bası sı dënexal dëne ha k’oldé Department National Defence chu Canadian Armed Forces hots’ı̨ k’oldé t’ąt’u Canadian Rangers bets’edı hoɂą benakoghódı́ dąlı̨ ha. Ku ɂerıhtł’ıs k’e detł’ıs t’ąt’u benakoghodı́ hoɂą t’ą dëne nodorełɂı̨h k’ı Reservists hulyé k’esı́, kulı dëne t’ą Canadian Rangers heł nadarełyá k’ı k’aɂų haldhęn sı bets’edı́ dąlı̨ hadé ɂeya ɂá k’aɂų haldhęn sı.

T’ą dëne Canadian Rangers hel nadarełya k’ı yutthęn nęnę hı honegą naradé ɂa ba horena łı bets’edı hadé ɂeyaja dé huto ha  t’ą dëne xał dëne Canadian Armed Forces hots’ı̨ t’ąt’u ba hoɂą sı bası. Ku ɂëdırı dënexał dëne ha k’oldé Department of Natıonal Defence chu Canadian Armed Forces t’ą dëne Canadian Rangers hel nadarełya k’ı horelyų ɂëła nadayałtı́ hoɂą t’a yatı hųlı̨ sı horelyų ɂëła nı̨t’a hoɂą beyatı́ t’á yenerenı̨ ha.

Ku ɂëdırı bet’oreɂá sı dënexał dëne Canadian Armed Forces bebası, ku t’ą Canadian Rangers heł nadarełyá k’ı  t’ąt’u Canadian Armed Forces hots’ı̨ bets’edı hoɂą norełɂı̨h dëne Reservists hulyé k’esı hultá ɂá. ku ɂëdırı henerenı̨lé ɂá t’ąt’u benakoghodı́ bası ghą hotıé bets’edı ha due ląt’é sı. ɂa dënexał dëne ha k’oldé Department National Defence hots’ı̨ kodalıdı́ sı chu ɂëdırı Canadian Armed Forces ha k’oldé horelyų ɂëłk’ech’a yatı́ ɂa Canadian Rangers hots’ı̨ dëne ba hołé hoɂą kudąné yenerenı̨ ha.

Ku nadanıtą hots’ı̨ yatı huĺɂą hadé t’ąt’u dëne Canadian Ranger hel nadarełya k’ı ɂeyaja de yatı boghedı chu hołé bası nezųlé sı, ɂeyı ɂa t’ąt’u bets’edı hoɂą k’ı holą k’aɂų hutó bets’edı́lé łı hotıe ɂëdırı ghą henerenı̨lé ɂá. ku t’ą horulɂą hadé t’ąt’e ɂëdırı boghedı́ chu yatı hole nezų kulı t’ą Canadian Ranger hots’ı̨ dëne ɂeyaja dé ɂı̨ghą bets’edı́lé sı̨.

Ku nadanıtą hots’ı̨ yatı hulɂą hadé nahıe ɂası ghą nuhenı̨łą chu ɂëłk’esı beghą yatı hųlı̨le sı dënexał dëne Canadian Armed Forces bets’ı̨ yatı t’a beghare ɂası hoghedı́ bası hadé t’ąt’u Reservısts bets’edı́ walı sı bası́. Ku ɂeyı t’a yatı́ ɂëłk’ech’a k’ı ɂëła nı̨lya hu selya dé Canadıan Rangers hots’ı̨ dëne hotıe yet’orełthı ha horelyų dëne k’esı haldhęn ha ɂëdırı selya t’á.

Hotıe sehënųt’a ha hoɂąsı dënexał dëne Department National Defence hots’ı̨ k’oldé chu Canadian Armed Forces hots’ı̨ dëne t’ą Canadian Rangers hots’ı̨ dëne t’ąt’u honezı dënets’edı́ sı bası bets’edı́ ha hoɂą ɂëdırı gharé. Ku nuhnı́ yatı́ thıltsı̨ k’ı́ t’ą Canadian Rangers hots’ı̨ hel nadarełya k’ı ɂëłk’esı haldhęn ha benakoghodı chu ba sughua ha.

ɂa ɂëdırı nahıe ɂası hulɂą k’ı bet’a t’a dëne Canadian Rangers heł nadarełya k’ı t’ąt’u ba horená k’oją sı dųhų, ɂeyı chu t’ąt’u dëne honeltęn Canadian Ranger xa ɂası łą ɂa betsedı́le dųhų. Ku ɂey dëne k’ı bela necha łı Canadian Ranger hots’ı̨ dëne honeltęn dëne k’ı́, ku ɂeyı hılé dëne honełtęn dëne tth’ı łąhılé t’ą Rangers hodonełtęn ha ɂeyı ɂa dëne hotıé honeltęn hıle chu nǫnısı́ dzeredıł dé horená ha hotıe honeltęn hılé ɂa.

ɂa nunı̨ k’esı sı t’a Canadian Ranger t’ąt’u hoɂą nılɂı̨h hots’ı̨ yatı holı̨ k’ı t’ą k’oldé sı ɂëdırı hoɂą bası yatı godhé hołé hası t’ąt Canadian Ranger hots’ı̨ dëne hodonełtęn dëne t’a bela heręłt’e ha k’aɂų halyé ha. Nuhënı́ k’esı kulı́ ɂałų la necha hoɂąsı horelyų hotıé senųt’á ts’ęn tth’u ɂëdırı hobası.

 


 

Appendix A t’ahot’ı̨—Canadian Rangers hots’ı̨ t’ą dëne yeł nadarełyá k’ı t’ahot’ı̨

Appendix A t’ahot’ı̨—Canadian Rangers hots’ı̨ t’ą dëne yeł nadarełyá k’ı t’ahot’ı̨

  1. Canadian Ranger t’a hoɂą k’ı dohot’ı̨ sı t’ą k’oldé ɂëłk’ı̨nı̨ bek’e detł’ıs

L’organigramme présente la structure organisationnelle de l’organisation des Rangers canadiens :

Commandement des opérations interarmées du Canada

Armée canadienne

  • Autorité nationale des Rangers canadiens
  • Groupe de patrouille des Rangers canadiens
    • Patrouille 1
    • Patrouille 2
Appendix A.2—Canadian Rangers hots’ı̨ t’ą dëne yeł nadarełyá k’ı t’ahot’ı̨

Appendix A.2—Canadian Rangers hots’ı̨ t’ą dëne yeł nadarełyá k’ı t’ahot’ı̨

2. Canadıan Rangers t’ok’e hoɂąsı t’ąt’u k’oldé ɂeją detł’ıs

L’organigramme présente la structure organisationnelle des patrouilles de Rangers canadiens :

Sergent

Se rapportant directement au sergent :

  • Caporal-chef de patrouille
  • Caporal-chef
  • Caporal-chef
  • Caporal-chef

Se rapportant directement à chaque caporal-chef :

  • Caporal

Se rapportant directement à chaque caporal :

  • Soldat
  • Soldat
  • Soldat
  • Soldat
  • Soldat
  • Soldat
  • Soldat
  • Soldat
Appendix A.3—Canadian Rangers hots’ı̨ t’ą dëne yeł nadarełyá k’ı t’ahot’ı̨

Appendix A.3—Canadian Rangers hots’ı̨ t’ą dëne yeł nadarełyá k’ı t’ahot’ı̨

3. Canadian Ranger t’ok’e haralɂa t’anełt’é 

Unit*T’anetłt’e hoɂąT’anełt’e Rangers**T’anełt’e dëne yeghadalanaRanger t’ą yeghadalana hulta
1 CRPG 60 3350 63 1:53
2 CRPG 25 1567 42 1:37
3 CRPG 20 1290 39 1:33
4 CRPG 42 1907 69 1:28
5 CRPG 32 1248 50

1:25

 - *Canadian Ranger Patrol Group t’ok’e hoɂą t’ahot’ı̨

- * * dëne godhe ha Junior Canadian Ranger t’ą dëne godhe yereldęn tth’ı heł sı

Appendix B T’a bek’edetł’ıs—Canadian Ranger t’ahoɂą hots’ı̨ t’a betł’esı hoɂą ɂëdırı k’esı sı

Appendix B T’a bek’edetł’ıs—Canadian Ranger t’ahoɂą hots’ı̨ t’a betł’esı hoɂą ɂëdırı k’esı sı

Canadian Ranger Nąne hoɂa t’ąt’u k’oholdé: Dënexal dëne ha t’ak’oldere nedhe Canadian Army hots’ı̨ k’ı horelyų Canadian Ranger National Authority hulyé ha k’older sı. Ku t’ąt’e ɂa k’older halya k’ı ɂëdırı betł’esı sı t’ą k’older ɂëdırı Staff Army Reserve hots’ı̨,1 Ɂa Canadian Ranger National Authority t’aha k’oldé k’ı horelyų Canadian Ranger bets’ı̨ ɂerıhtł’ıs t’ąt’u ɂası hoghëdı chu Canadian Ranger t’ąt’u dëne ɂëghadalana hodoghëłnı sı (horelyų ɂëdırı heł ɂerhtł’ıs ghetł’el, tsąmba hoghëłnı̨, bela yué chu t’a ɂası bets’ı̨ sı hoghëłnı̨, chu dëne hodoneltęn tth’ı bası́).2

Canada nask’athé t’ą nahts’ęn hots’ı̨ ɂëdırı ghą k’oldé: Horelyų dënexał dëne hełɂa Canadian Armed Forces ɂeją nı̨h nask’ethe bek’etł’a chu ɂëdırı nuh chogh k’é North America hulyé k’eyaghe, ɂeyı chu horelyų nıh bąnı tth’ı ghą k’oldé sı.  Ku ɂëdırı nah ts’ęn k’oldé k’ı Canadian Joint Operations Command horelyų t’ą ɂası ghëtł’el sı ghą k’oldé bonıdhı hots’ı̨ t’ats’ęn beląghe hots’ęn. ɂeyı chu kudąne ɂası k’ets’ıdéł ha dëne ts’enı̨ sı:

  • Yatı dałtsı ɂası nodherhılé ha sehudé; ɂeyı chu
  • Ku t’ąt’u ɂası hoghëdı́ ha chu begharé ɂası k’enats’ede chu boghëdı, nadanetá chu yets’enı horelyų bonıdhı ha hoɂąsı ɂı̨ghą bet’oreɂa chu dëne łą ha senųt’a.3

T’ak’older dëne ɂesoja huto ɂeyaja dé ɂeyı hoghołnı: Horelyų dënexał dëne ɂeyaja huto ɂesojá dé ts’enı̨—dųhų nadarełya chu t’ą la lǫghë nı̨deł sı retıred—bets’ı̨ famıly chu t’ą besdołı̨ bekoę naradé sı ɂëdırı nahts’ęn k’olde Joint Personnel Support Unit hots’ı̨.4

Canadian Ranger t’ok’e haralɂá ɂëła nadarełyá: Horelyų hulta hadé k’asjęnę 5,000 hanełt’e Canadian Rangers hųłı̨ sı sǫlaghe ɂëłk’ech’a t’a nadarełya Canadian Ranger Patrol Groups t’ok’e ɂëła nadarełya, t’ok’e benęnę ts’ı̨dhılé hoɂąsı. Ku horelyų t’a dëne ɂëła nadarełya k’ı Patrol ɂëdırı Canadian Ranger dëne dzıredıł k’ı yutthęn nęnę nąné hoɂá hı honegą nadarełya sı, tł’ule tthı̨sı̨ 60th t’ok’e tł’ulé hułt’ı ɂąsk’athé.5 ɂa horelyų t’ok’e Canadıan Rangers hoɂą k’ı bek’e ɂı̨łąghe dëne xał dëne hots’ı̨ chu t’ą norełɂı̨h Reserve dëne yoghëłnı̨ ha theyı̨ sı yeghą nądaı chu t’ąt’u dzıredıł honełɂı̨h ha.6

T’ą betł’esı horelyų ɂası hoghëdı́: horelyų sǫlaghë t’ok’e Canadian Ranger hots’ı̨ t’ok’e harałɂá k’ı ha ɂı̨łaghe k’oldere Commanding Officer hulyé dënexał dëne Lieutenant Colonel k’esı hudzı sı. Ku t’aha k’older hadé t’ąt’u horelyų ɂası ghetł’el chu boghedı́ ha k’older sı.

Canadian Ranger hots’ı̨ t’ą dëne honełtęn: T’a bela hadé horelyų t’ok’e Canadian Ranger dahola sı yoghǫnı̨ chu dëne honełtęn ha theyı̨ sı. Canadian Ranger hots’ı̨ dëne honełtęn k’ı ɂëdırı Sergeants hulye huto Warrant Officers hulyé dënexał dëne hots’ı̨ helɂa ɂëdırı Regular Force hot’sı̨ hutó dëne nodorełɂı̨h hots’ı̨ Primary Reserves hılchu ha hoɂąsı́,ɂeyer dé t’ąt’u bedaghë k’odlé sı tł’esı́ theyı̨ sı. ɂas t’ąt’u hudzı hadé ɂëdıre Universality of Service hulye gharé theyı̨ sı,  Canadian Rangers k’esılé ɂeyı ghą k’oldher sı. Canadian Ranger dëne honełtęn dëne k’ı Canadian Rangers hodonełtęn ha k’older sı.

Canadian Ranger t’ok’e ɂı̨łare hoɂą:Horelyų t’oke Canadian Ranger t’oke dahola sı ɂeyer honare t’ok’e ɂëłk’ech’a Canadian Ranger hots’ı̨ t’a hųlı̨ sı ha hoɂąsı. Canadian Ranger t’ok’e t’a daholá k’ı ɂı̨łaghe k’older chu honezı Rangers nadarełyá k’ı t’ą dëne honełtęn dëne k’ı betł’esı nadarełyá sı.

Ku t’ok’e hoɂąsı ha k’oldé: ku Rangers t’ok’e naradé hots’ı̨ ɂı̨łaghe hılchu ɂeyer t’a hoɂąsı ha k’older ha Patrol leader hulyé. Ku ɂeyı t’a hoɂą k’ı ɂı̨łaghe Sergeant t’ą k’older hılchu, ɂı̨łaghe ɂëdırı Master Corporal k’esı hudzı chu ɂı̨łaghe Corporal hudzı sı. Ku ɂeyı t’ą k’olde k’ı t’ą k’oldere tthere sı betł’ésı Commanding Officer hulye tł’esı nadarełya sı ɂeyı Canadian Ranger Patrol Group hobası ha, ɂa ɂeyı t’ąt’u nıłtı k’ı dëne t’ok’e nadher hots’ı̨ bezı nı̨t’ą ha nı̨łtı́ sı.

Canadian Rangers t’ats’edı k’ı́: Ɂa Canadian Rangers heł t’ą dëne nadarełya k’ı ɂëdırı Reserve Force hulye k’esı hulta sı Canadian Armed Forces heł t’a hoɂąsı bası (CAF) hulye sı.  Ku t’a dałtsı hadé “…CAF ha nadarełyá sı t’ok’e benęnę naré yutthı̨ ts’ęn, tu chogh tąmbąghe chu t’ok’e dënexał dëne dzıredıł ha detı́ dé CAF ha nadarełyá sı benęnę honaré.”7 T’a dałtsı sı horı̨chá sı dënexał dëne ts’eranı ha Canadian Armed Forces hots’ı̨ ts’eranı̨ ha t’ąt’u nı̨h k’odorelyą bası chu nıh k’e dëne heł dzıredıł chu yutthı̨ nęnę nąne hoɂá nadaneta nı̨h Northern Warning System hulyé, ɂeyı chu t’ąxą hots’ı̨ dëne hulé hutó dé dëne kadanetá ha dëne ts’eranı́.8


  1. http://www.army-armee.forces.gc.ca/en/canadian-rangers/organization-patrols.page
  2. http://intranet.mil.ca/en/defence-admin-orders-directives/2000/2020-2.page
  3. http://www.forces.gc.ca/en/about-org-structure/canadian-joint-operations-command.page
  4. http://www.forces.gc.ca/en/caf-community-support-services-casualty-support/index.page
  5. http://www.army-armee.forces.gc.ca/en/canadian-rangers/faq.page
  6. http://www.army-armee.forces.gc.ca/en/canadian-rangers/organization-patrols.page
  7. dënexał dëne bets’ı̨ t’a yatı holı̨ begharé ɂası hołé ha 2020-2 hulta, Canadian Rangers hobets’ı̨.
  8. http://www.army-armee.forces.gc.ca/en/canadian-rangers/faq.page
Appendix C hulyé—t’ąt’u yatı kózelɂı̨h ɂëdırı gharé sı

Appendix C hulyé—t’ąt’u yatı kózelɂı̨h ɂëdırı gharé sı

Ku t’ą dëne yatı kadanetá t’oho bonıdher January hots’ı̨ April 2017 hots’ęn yek’enaı̨dé sı ɂëdırı ɂëłk’echa’ ɂerıhtł’ıs hųlı̨ sı k’edayaı̨łtı chu dëne hodorı̨łder.

Ku t’oho dëne hodorelker hu t’a ghą hodorelker chu t’ą bodorelker k’ı ɂeją hots’ı̨ sı:

  • Canadian Rangers hots’ı̨ (125) t’ok’e dahola sǫlaghe Canadian Ranger ɂëła nadarełya
  • Canadian Ranger dëne hodonełtęn (20)  t’ok’e dahola sǫlaghe Canadian Ranger ɂëła nadarełya
  • Chaplains/Padre yałtı dëne (7) t’ok’e dahola sǫlaghe Canadian Ranger ɂëła nadarełya
  • Commanding Officers t’ą k’oldé (5) t’ok’e dahola sǫlaghe Canadian Ranger ɂëła nadarełya
  • Canadian Ranger National Authority horelyų nąné hoɂá ha k’oldé
  • Canadian Joint Nahts’ęn t’ąt’u ɂëła koldhere
  • Canadian Forces Health Services ɂeya koę bası chu dëne ɂeyaja dé ha k’oldé
  • Director t’ą k’oder, Casualty Support Management dëne ɂësojá huto besdołı̨ dé ha yeghadalana
  • Director t’ą k’older, Human Resources Information Management t’ą dëne ɂëghadalan sı bets’ı̨ yatı hųlı̨ sı hoghëłnı̨
  • Administrative Investigation Support Centre t’a ɂası ghëtł’el ghą nadaneta dëne
  • Director t’ą k’older, Medical Policy dëne nakoghodı́ ɂerhıtł’ıs ha
  • Director t’a k’older, Military Careers Administration dëne xał dëne herıtł’ıs ha Director t’ą k’older, General Safety dëne heł sehoɂą ha
  • Health Canada nask’ath ɂeya koę ha hoɂą
  • Veterans Affairs Canada dënexał dëne ɂëdanat’e ha hoɂą

Ku ɂëdırı ɂerıhtł’ıs honet’ı̨ nı́:

  • Canadian Armed Forces dënexał dëne t’a hoɂą bets’ı̨ ɂerıhtł’ıs, begharé ɂası ghetł’el chu t’a yatı hełɂá sı bası
  • National Defence chu Canadian Armed Forces bąnełt’u beghą ɂerıhtł’ıs holı̨ sı Ombudsman betł’ıs k’ı
  • Commander t’ą k’oldher dënexał dëne ha Canadian Army bets’ı̨ yatı nedhe t’ąt’u ɂası hołe ha
  • Human Resources Management System dëne la k’e nadarełya t’ąt’u boghëdı́
  • Media articles honırıhtł’ıs hots’ı̨ honı́
  • Websites tsątsąne benı̨ hųlı̨ k’e chu DND dënexał dëne ha bets’ı̨ honı̨ hųlı̨ k’ı ye intranet hulyé
Appendix D hulyé—T’ąt’u Canada nask’athe dëne nakóghodı́ ghëtł’el

Appendix D hulyé—T’ąt’u Canada nask’athe dëne nakóghodı́ ghëtł’el

Ɂëdırı ɂerıhtł’ıs Canadian Constitution k’e yatı nedhe theɂą sı, horelyų t’ok’e provinces chu territories dahóla sı ɂëdı̨nı̨ betł’esı dëne nakoghodı́ hoɂą ɂeya koę dąlı̨ ha benęnę k’eyaghe.1 Ku nıhts’ęn k’olde nedhe Canada ha horelyų t’ą dëne ts’ęn k’olde dënedédłı̨ne  chu dënexał dëne chu t’ok’e dëne darı̨lá koę nedhé yé Canada nask’athe ts’eránı̨ ha hoɂąsı́.2

K’asjęnę horelyų dëne Canada nask’athe naradé k’ı ha hoɂąsı t’ok’e Canadıan Rangers hoɂą naré, ɂeyı dëne k’ı t’a provınce huto terrıtory k’eyaghe naradé sı hots’ı̨ bets’edı́ sı. Ku Health Canada hots’ı̨ dëne ɂëdırı yatı nı̨ɂą sı t’ąt’u dëne ts’edı́ chu t’ok’e bets’edı́ dąlı̨ sı ha:

“ku dëne bets’edı́ ha yatı́ hųlı̨ k’ı ɂëdırı ɂerıhtł’ıs nedhe Canada Health Act hulye hots’ı̨ dé, t’ok’e provincial chu territorial ha k’olde k’ı t’ok’e dëne naradé sı hotıe yets’eranı̨ hoɂą t’ok’e hųlı̨ dąlı̨ ɂeyer honoré. Ku ɂeyı yatı k’ı yełɂahılé kulı́ provınces chu terrıtorıes dëne ts’eranı̨ benęnę k’eyaghe kulı t’ok’e dëne nı̨dha naradé sı degharé bets’edı́ ha nųt’á hoɂą ɂeya dé. Ku honesı t’a ɂası k’enats’edı k’ı Canada nask’athe dëne naradé ɂeya koę bası t’ąt’u ba hoɂąsı yutthı̨ naradé k’ı provınce huto terrıtory yets’enı̨ hoɂą ɂeyı dëne ts’enı̨ hoɂą ha tsamba bets’ęn nı̨t’á ɂá.”3

Ɂa t’ą dëne Canadian Rangers heł nadarełya k’ı tthęnę beł hoɂąle sı, kulı dëne łą nąne hoɂá Canadians t’ą yutthęn naradé k’ı ba horena sı.4 Health Canada bets’ı̨ dëne nakoghodı́ ha tsambe nı̨t’a Non-Insured Health Benefits hulyé k’ı t’ą dëne provincial chu territorial dëne nakoghodı betł’esı hoɂąsı dënedédłı̨ne First Nations chu hotená t’ą bek’anotá Inuit. Ku ɂëdırı t’a dëne ts’edı́ k’ı nahıe ɂasıe bedı̨ kulı́ t’ąt’u dëne nakoghodı́ bası tthęnę nayerelnı̨ nı̨dé prıvate health ınsurance hulyé, provıncıalɂterrıtorıal dëne nadoghodı́ hoɂąsı or dëne ts’edı t’a hoɂąsı chu honesı t’a dëne ts’edı dahola sı bası́.5 Ku ɂeyı t’axa hoɂą k’ı nąnı dëne ɂeya de benakoghodı́ ba horena de yets’enı̨ ha hoɂą t’ok’e naradé nare chu ɂeya de hełtı́ dąlı̨ ha. Ku nąnı Canadıan Rangers haradı hu ɂëdırı t’ąt’u dëne ts’edı́ hoɂą t’a ɂası nedhe t’orełdhı ha,6 kulı naıdık’olyą bedagharé ɂëładųne ts’ęn heghá ha horelɂı̨h de ɂı̨ghą haılé naıdık’olyą heɂı̨h ha ɂëdırı ha.

Ku dëne t’ą ɂëdırı Canadian Armed Forces heł nadarełya k’ı7 dënexał dëne betł’esı bets’edı sı, ɂeyı ɂa t’ok’e naradé sı hots’ı̨ bets’edı ha horena provınce huto terrıtory hots’ı̨. Ku dëne t’ą Canadian Armed Forces heł nadarełyá kulı hoketł’a hılé dé t’ok’e bets’ı̨ provincial / territorial ts’ı̨ɂąne bets’edı́ dezą.


  1. Email k’e dëne horełker ɂeją First Nations dënededłı̨ne chu Inuit hotená benakoghódı́ ha, Health Canada hobets’ı̨. Source: Canada Health Act, 2016: t’ąt’u nıhts’ęn k’oldé dëne ts’enı̨ hoɂą Canada Parliament of Canada hots’ı̨.
  2. Email k’e dëne horełker ɂeją First Nations dënededłı̨ne chu Inuit hotená benakoghódı́ ha, Health Canada hobets’ı̨. Source: Canada Health Act, 2016: t’ąt’u nıhts’ęn k’oldé dëne ts’enı̨ hoɂą Canada Parliament of Canada hots’ı̨.
  3. Email k’e dëne horełker ɂeją First Nations dënededłı̨ne chu Inuit hotená benakoghódı́ ha, Health Canada hobets’ı̨.
  4. “Canada nąne hoɂá t’ąt’u dëne ɂeya de benakoghodı́ ha yatı holı̨ t’ąt’u ɂa horena dąlı̨ ghą”, Annette Browne, Northern Article Series yutthęn nęnę ghą yatı́ nı̨, University ɂerıhtł’ıs koę nedhe British Columbia yutthı̨ hots’ı̨.
  5. Health Canada’s Medical Transportation Policy Framework.
  6. In Canadian Rangers hots’ı̨ t’ą k’olde t’ąt’u borełker nı̨.
  7. horelyų t’ą dëne Forces heł nadarełyá, Class C Reservists hulyé, chu Class B hulý 180 dzı̨ne ɂąsı ɂëja nadarelyá.
Appendix E hulyé—Ranger-hobası t’a yatı t’oreɂá chu t’aɂá helɂa rıhtł’ıs

Appendix E hulyé—Ranger-hobası t’a yatı t’oreɂá chu t’aɂá helɂa rıhtł’ıs

Ku ɂëdırı yatı k’ı detł’ıs k’ı ɂëdırı bets’ı̨ tsątsąne hųlı̨ hut’a k’e hųlı̨ sı Defence Information Network hulyé k’e. ku neba horená dé yatı hųlɂáh ha dé nuhets’ı̨ ɂerıhtł’ıs koęn ts’ęn yawųłtı la.

Queen’s ts’ekuı t’ak’oldher berıtł’ıs Regulations chu Orders t’a gharé helɂáh (QR&O):

  • QR&O Volume 1, Chapter 2.034 (d)
  • QR&O Volume 1, Chapter 9—norełı̨h huk’e la k’e theyı̨
  • QR&O Volume 1, Chapter 34, ɂeya koę bası dëne nakoghonı́

Defence Administrative dënexał dëne ha ɂerıhtł’ıs k’elnı̨ t’ą yatı ɂa helɂah chu yeghare ɂası dałtsı ha Orders chu Directives hulyé (DAOD):

  • DAOD 2020-2, Canadian Rangers hots’ı̨ dëne
  • DAOD 5002-1, dëne henerıłtł’ıs: t’atthere chu t’atthere t’ałɂah yatıé
  • DAOD 5023-1, t’a k’aɂų ɂası bet’a ɂëghalada ha ɂëdırı t’ąt’u dëne ghı̨yı̨ ha
  • DAOD 5018-0, Injured ku dëne chu dënexał dëne łeghąldé dé
  • DAOD 5018-2, ɂerıhtł’ıs dëne ɂeyaja chu naıdısłı̨ne ts’ı̨dhılé hoɂı̨h dé

Honezı ɂası betł’esı ɂası hołé:

  • Canadian Forces hots’ı̨ t’ąt’u dëne nakoghodı́ ha hoɂą t’a yatı begharé ɂası hołé 4090-02, “ɂëłotsele begharé ɂası hołé t’ąt’u dëne nakoghodı t’ą dëne Reserve k’esı hulta sı ha”
  • Vice Chief t’a k’oldher t’ałɂah Defence Staff hots’ı̨ ɂerıhtł’ıs, T’ąt’u dëne nakoghodı ha hoɂą—Reserve Force hots’ı̨ dëne ɂëghadalana, 2 November 2011 nęnę k’e
Date de modification :